باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

جازدا ستىق وتسە سۋدى بەتالدى ىشپەڭىز

    كەلۋ قاينارى: شينجياڭ حالىق راديو ىستانسياسى    2017-05-24 19:51:55  
جاز كەلىسىمەن تەمپەراتۋرانىڭ ورلەۋىنە ساي، ادامداردىڭ ىستىق ءوتۋ مولشەرى تەز ارتادى. ەگەر ىستىق ءوتۋ ماسەلەسى دەر كەزىندە ءبىرجايلى ەتىلمەسە، ادام دەنەسىنە بولعان حاۋپى شىنىندا وراسان زور. ەندەشە ىستىق وتۋدەن قالاي ساقتانۋعا بولادى؟
كۇن ىستىقتا تەرلەپ-تەپشۋ، اۋىز كەبەرسۋ، السىرەۋ، باس ايلانۋ سياقتى ىستىق ءوتۋدىڭ بەلگىلەرى بايقالسا بولدى، كوپ ساندى ادامدار سۋدىڭ از ىشىلۋىنەن بولدى دەپ قاراپ، سۋدى اسقازانىن تولتىرا ىشەدى. مىنە بۇل ىستىق وتكەندەرگە قويىلعان شەكتەمەنى بىلمەگەندىك بولىپ تابىلادى. كوپ مولشەردە سۋ ءىشۋ اسقازان سۇيىقتىعىن سۇيىلدىرىپ قالماستان، اس قورىتۋ قىزمەتىنە ىقپال جاسايدى، اۋەلى قايتىمدى تەر شىعۋدىڭ قالىپتان اسۋىنا اپارىپ سوعادى، سالماقتى بولعان كەزدە ىستىقتان سىرەسۋدى كەلتىرىپ شىعارادى.
ەگەر ىستىق وتە قالسا، سۋدى ءبولىپ - ءبولىپ ءىشۋ امالىن قولدانعان ءجون. ءار رەتتە 300 ميلليلەتردەن اسپاعانى ابزال. بۇدان تىس، ىستىق وتكەننەن كەيىن كوپ مولشەردە شيكى ءارى سۋىق قاۋىن- قاربىزدى جەمەۋ كەرەك. باسىم كوپ ساندى ىستىق وتەتىندەردىڭ كوك باۋىر، اسقازان قىزمەتى ءالسىز كەلەدى دە، شيكى ءارى سالقىن تاعامداردى مولىنان جەگەندە، سالماقتى بولعانداردىڭ ءىشى ءوتىپ، قۇرساعى اۋرۋ سياقتى اۋرۋ بەلگىلەرى بايقالادى.
ىستىق وتكەندەر مايلى تاعامداردى دا از جەگەنى ءجون. مايلى تاعامدار اسقازان-ىشەكتىڭ اۋىرتپالىعىن ارتتىرىپ جىبەرەدى دە، كوپ مولشەردەگى قان اسقازان-ىشەك جولىندا بوگەلىپ، ميعا تاسىمالداناتىن قاننىڭ مولشەرىن ازايتىپ، ادام قالجىراعانداي بولادى. سوندىقتان قاتىقسىز تاعامداردى نەگىز ەتۋ، الايدا لايىقتى مولشەردە بالىق، ەت، جۇمىرتقا، ءسۇت سياقتىلارمەن تابەتتى ارتتىرىپ، ادام دەنەسىنە قاجەتتى قورەكتىك قۇرامدارمەن قامتاماسىز ەتۋ كەرەك.
لايىقتى ارەكەت جاساۋ: شىنىعۋ قيمىلى قىزمەت ىستەيتىندەردىڭ داعدىسى، الايدا شىلىڭگىر ىستىق جاز ماۋسىمىندا قيمىل مولشەرىن ازايتقان ءجون. ەڭ جاقسىسى تاڭەرتەڭ، كەش سياقتى اۋا رايىنىڭ ءسال سالقىنداعان كەزىن تاڭداپ، جاتتىعۋ ورنىنا وزەن - كولدەردىڭ بويىن، باۋ-باقشالى اۋماق سياقتى اۋاسى تۇنىق جەردى تاڭداۋ، ۋاقىتتىڭ جارىم ساعاتتان اسپاعانى ابزال. شىنىعىپ، قيمىل جاساعاندا شەكتەن تىس تەر شىقسا، لايىقتى مولشەردە سولعىن تۇزدى قايناق سۋ نەمەسە تۇزدالعان جاسىل بۇرشاق سورپاسىن ءىشۋ كەرەك. الايدا اۋا تەمپەراتۋراسى 35 سەلتسي گرادۋستان اسقاندا ارەكەتتى توقتاتىپ، دەنەنى تىنىش كۇيدە ۇستاۋ، سونداي-اق جەتكىلىكتى سۋمەن قامداپ وتىرۋ قاجەت. سونىمەن بىرگە، رىن ءدان ياعني سەرگىتكىش دومالاق ءدارى، فىڭ يوۋ جيڭ، چيڭ لياڭيوۋ سياقتى ۇنەمى قولدانىلاتىن ىستىقتان ساقتانۋ دارىلەرىن تاستاماي الىپ ءجۇرۋ كەرەك.
ۋاعىندا سۋ تولىقتاۋ: جازداعى شىلىڭگىر ىستىقتا ادامنىڭ اس قورىتۋ قىزمەتى سالىستىرمالى تۇردە السىزدەۋ كەلەتىندىكتەن، ازىقتانۋدى رەتتەپ، تاماقتى قاتىقسىزداندىرۋ، كوكونىس-جەمىستى مولىراق جەپ، مايلى جانە مايعا قۋىرىلعان تاعامداردى از جەۋ كەرەك. ۇنەمى كوك اسقاباق بوتقاسىن، جاسىل بۇرشاق-تەڭىز بالدىرى سورپاسىن، جاسىل بۇرشاق بوتقاسىن ءىشۋ، لايىقتى مولشەردە قاربىز-قاۋىن جەۋ ىستىق ءوتۋدىڭ الدىن ءونىمدى الىپ، ىستىقتى ءتۇسىرىپ، كۇن وتۋدەن ساقتايدى.
ءان الەمى

جول توسىلىپ قالدى

تۇلپارىم