باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

قاربىزدىڭ پايداسى جانە زيانى

    كەلۋ قاينارى: شينجياڭ حالىق راديو ىستانسياسى    2017-07-16 02:22:17  
قورەكتىك ماماندارىنىڭ تەكسەرۋ ناتيجەسىنە نەگىزدەلگەندە، ءار 100 گرام قاربىز ەتىنىڭ قۇرامىندا 1.94 گرام سۋ، 2.1 گرام بەلوك، 2.4 گرام كومىر سۋ قوسىلىستارى، 3.0 گرام تسەلليۋلوزا جانە ءتۇرلى ۆيتامين مەن مينەرال زات، تاعى كوپ مولشەردە فرۋكتوزا، گليۋكوزا، قانت فەرمەنتى، سونداي-اق كوپ مولشەردەگى الما قىشقىلى، فوسفور قىشقىلدى گلۋتامين قىشقىلى، كاروتين سياقتىلار بار ەكەن.
قاربىز شىرىنىنىڭ قۇرامىنداعى قانت، بەلوك جانە از مولشەردەگى تۇز قانداعى ماي قۇرامىن تومەندەتىپ، قان تامىردى بوساتىپ، جۇرەك قان تامىر اۋرۋىن ەمدەۋدە بەلگىلى ونىمدىلىگى بار. قاربىز شىرىنىنىڭ قۇرامىنداعى پروتەينازا ەرىمەيتىن بەلوكتى ەريتىن بەلوكقا وزگەرتىپ، بۇيرەگى قابىنعانداردى قورەكتىكپەن قامدايدى. قاربىز نەسەپتى ايداۋعا پايدالى بولعاندىقتان، دەنە تەمپەراتۋراسىن جەدەل تومەندەتىپ، قىزۋى ورلەگەن جانە شۇعىل حاراكتەرلى نەسەپ جولى ينفەكسيالانعاندار جونىنەن ءونىمى انتيبيوتيك دارىلەردەن تەز ءارى جاقسى بولادى.
قاربىز تۇقىمى
ەتىن جەپ بولعان سوڭ قاربىز تۇقىمىن كەپتىرىپ تاماقتان كەيىنگى قاتتى قابىقتى جەمىس رەتىندە تۇتىنۋىمىزعا بولادى. قاربىز تۇقىمىنىڭ قۇرامىندا ماي، بەلوك، ازىقتىق تالشىعى جانە كالي، ناتري، تەمىر، مارگانەتس، ماگني سياقتى مينەرال زاتتار بار. سەلەن مەن ۆيتامين E نىڭ مولشەرى دە ءبىرشاما مول. ۇنەمى قاربىز تۇقىمىن جەسە، تەرىنى اجارلاندىرىپ، تەرىنىڭ سەرپىمدىلىگىن ارتتىرادى، ونىڭ ۇستىنە اس قورىتۋى ناشارلارعا بارىنشا پايدالى، الايدا قاربىز تۇقىمىنىڭ جىلۋلىق مولشەرى ءبىرشاما جوعارى بولاتىندىقتان، ارىقتاماقشى بولعاندار از جەگەنى ءجون.
مۇنان تىس، قاربىز تۇقىمىنان قاربىز تۇقىمى مايىن ايىرۋعا بولادى، زەرتتەۋ ناتيجەسىنە نەگىزدەلگەندە، قاربىز تۇقىمى مايىنىڭ قۇرامىنداعى قانىقپاعان ماي قىشقىلىنىڭ مولشەرى 78.56 پايىزعا جەتەدى ەكەن، بۇدان قاربىز تۇقىمىنىڭ پايدالانۋ قۇنىنىڭ تومەن ەمەس ەكەندىگىن اڭعارۋعا بولادى.
قاربىز شاپاعى
كوپ جاعدايدا ءبىز قاربىز شاپاعىن قوقسىق رەتىندە لاقتىرىپ جىبەرەمىز. ءىس جۇزىندە، قاربىز شاپاعىنىڭ دا قورەكتىك قۇنى جوعارى بولادى. زەرتتەۋلەرگە نەگىزدەلگەندە، قاربىز شاپاعىنىڭ قۇرامىندا امينو قىشقىلى، بەلوك، پەكتين، ۆيتامين جانە ءتۇرلى ميكرو ەلەمەنتتەر بار ەكەن. سوندىقتان قاربىز شاپاعىن كوكونىس رەتىندە پايدالانعاندا ءتىپتى دە كوپ قورەكتىككە يە بولۋعا بولادى.
مىنە بۇدان قاربىزدىڭ ەتىنەن شاپاعىنا دەيىن پايدالى ەكەنىن بىلدىك. ەندەشە، شىلىڭگىر شىلدەدە مەيلىنشە جەپ ءشولىمىزدى قاندىرۋعا بولا ما؟ ارينە، ءارقانداي ازىقتىقتى ارتىق مولشەردە جەۋگە بولمايدى، قاربىز دا بۇدان قاعىس قالمايدى.
قاربىزدىڭ ءار 100 گرامىندا 25 گرام جىلۋلىق بولادى، ونىڭ ۇستىنە قۇرامىندا فرۋكتوزا بولادى، ال فرۋكتوزا قانداعى قانتتى جەدەل ارتتىرادى، سوندىقتان كوپ مولشەردە جەسە قانداعى قانتتىڭ تەپە-تەڭدىگى بۇزىلادى.
كوكباۋىرى مەن اسقازانى السىزدەر كوپ جەسە بولمايدى، قاربىزدىڭ قۇرامىنداعى فرۋكتوزانىڭ تومەن تەمپەراتۋرادا تاتتىلىك مولشەرى ءتىپتى دە ارتادى، مۇزداتقىشتا ساقتالعان قاربىز ءدامىنىڭ ءتىپتى دە ءتاتتى بولاتىندىعى وسىدان. مۇزداتىپ ساقتالعان قاربىزدىڭ ءدامى ءتاتتى بولعانىمەن، كوكباۋىر مەن اسقازان قىزمەتى السىرەگەندەر جەسە، ءىشىن كەپتىرىپ، ءىشىن اۋىرتۋى، ءتىپتى، قۇستىرۋى مۇمكىن.
ايەلدەر جۇكتى بولعان العاشقى مەزگىلدە از مولشەردە قاربىز جەسە، جۇكتىلىك مەزگىلىندەگى جۇرەك اينۋدى ازايتۋعا بولادى، سوڭعى مەزگىلىندە جەسە، نەسەپتى ايداپ، جۇكتى ايەلدىڭ ءىسىنىپ كەتۋىنىڭ الدىن الۋعا بولادى. الايدا جۇكتى كەزىندە تىم كوپ جەسە قانداعى قانت قۇرامى جوعارىلاپ، جۇكتىلىك مەزگىلىندەگى قانتتى نەسەپ اۋرۋىنا شالدىعۋى، ءتىپتى، ەرتە بوسانۋدى كەلتىرىپ شىعارۋى دا مۇمكىن. جۇكتىلىك مەزگىلى اياقتالعاننان كەيىن قانداعى قانت قۇرامى تومەندەۋى مۇمكىن، الايدا جۇكتىلىك مەزگىلىندەگى قانتتى نەسەپ اۋرۋىنا شالدىققاندار 2-تيپتى قانتتى نەسەپ اۋرۋىنا وڭاي شالدىعادى، سوندىقتان جۇكتىلىك مەزگىلىندە قاربىزدى كوپ جەۋگە بولمايدى.
ءان الەمى

جول توسىلىپ قالدى

تۇلپارىم