باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

شي جينپيڭ ناقتى ەكونوميكاعا قىزمەت كورسەتىپ، فينانس قاتەرىنەن ساقتانىپ جانە ونى مەڭگەرىپ، فينانس رەفورماسىن تەرەڭدەتىپ، ەكونوميكا مەن فينانستىڭ قاتەرسىز اينالىمىن، اقاۋسىز دامۋىن جەبەۋدى باسا دارىپتەدى

    كەلۋ قاينارى: شينجياڭ گازەتى    2017-07-17 18:57:01  

لي كىچياڭ ءسوز سويلەدى، يۇي جىڭشىڭ، ۋاڭ چيشان، جاڭ گاۋلي ماجىلىسكە قاتىناستى

فينانس قىزمەتى جونىندەگى مەملەكەتتىك ءماجىلىس 14 - شىلدە، 15 - شىلدە كۇندەرى بەيجيڭدە اشىلدى. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ماجىلىسكە قاتىناستى ءارى ماڭىزدى ءسوز سويلەدى. (شينحۋا اگەنتتىگى)

 شينحۋا اگەنتتىگىنىڭ 15 - شىلدەدە بەيجيڭنەن بەرگەن حابارى. فينانس قىزمەتى جونىندەگى مەملەكەتتىك ءماجىلىس 14 - شىلدە، 15 - شىلدە كۇندەرى بەيجيڭدە اشىلدى. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ماجىلىسكە قاتىناستى جانە ماڭىزدى ءسوز سويلەدى. ول مىنالاردى باسا دارىپتەدى: فينانس − مەملەكەتتىڭ ماڭىزدى، وزەكتى باسەكەلىك قۋاتى، فينانس حاۋىپسىزدىگى مەملەكەت حاۋىپسىزدىگىنىڭ ماڭىزدى قۇرامداس بولىگى، فينانس ءتۇزىمى ەكونوميكالىق، قوعامدىق دامۋداعى ماڭىزدى نەگىزدىك ءتۇزىم. پارتيانىڭ فينانس قىزمەتىنە باسشىلىعىن، ءسوز جوق، كۇشەيتىپ، ورنىقتىلىق بارىسىندا ىلگەرىلەۋ سىندى قىزمەتتىڭ نەگىزگى اۋەنىنەن جازباي، فينانستىڭ دامۋ زاڭدىلىعىنا بويسۇنىپ، ناقتى ەكونوميكاعا قىزمەت كورسەتۋ، فينانس قاتەرىنەن ساقتانۋ جانە ونى مەڭگەرۋ، فينانس رەفورماسىن تەرەڭدەتۋ سىندى 3 مىندەتتى تىعىز ارقاۋ ەتىپ، فينانستى رەتتەۋ - مەڭگەرۋدە جاڭالىق اشىپ جانە ونى كەمەلدەندىرىپ، وسى زامانعى فينانس كاسىپورىندارى ءتۇزىمىن اقاۋسىزداندىرىپ، فينانس بازارى جۇيەسىن كەمەلدەندىرىپ، فينانستى باقىلاۋ - باسقارۋدىڭ وسى زاماندىق جۇلگەسىن جاساۋدى ىلگەرىلەتىپ، فينانستىڭ دامۋى تاسىلىنە بۇرىلىس جاساۋدى تەزدەتىپ، فينانستى زاڭمەن جونگە سالۋدى اقاۋسىزداندىرىپ، مەملەكەتتىڭ فينانس حاۋىپسىزدىگىن قامتاماسىز ەتىپ، ەكونوميكا مەن فينانستىڭ قاتەرسىز اينالىمىن، اقاۋسىز دامۋىن جەبەۋ كەرەك.
  ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى لي كىچياڭ ماجىلىستە ءسوز سويلەدى. ج ك پ ورتالىق كوميتەتى ساياسي بيۋروسىنىڭ تۇراقتى مۇشەلەرى يۇي جىڭشىڭ، ۋاڭ چيشان، جاڭ گاۋلي ماجىلىسكە قاتىناستى.
  شي جينپيڭ سوزىندە مىنالاردى باسا دارىپتەدى: پارتيا 18 - قۇرىلتايىنان بەرى، ەلىمىزدىڭ فينانس رەفورماسى، دامۋى تىڭ، ماڭىزدى ناتيجەلەرگە قول جەتكىزىپ، فينانس كاسىبى جەدەل دامۋدى ساقتاپ، فينانس ونىمدەرى كۇن سايىن مولايىپ، فينانستىق قىزمەت كورسەتۋدىڭ جالپىعا تيىمدىلىك قاسيەتى كۇشەيىپ، فينانس رەفورماسى ءتارتىپتى ىلگەرىلەپ، فينانس جۇيەسى ۇزدىكسىز كەمەلدەنىپ، حالىق اقشاسىن حالىقارالاندىرۋ مەن فينانستا قوس باعىتتا ەسىك اشۋ تىڭ ىلگەرىلەۋشىلىككە قول جەتكىزىپ، فينانستى باقىلاۋ - باسقارۋ جاقسارىپ، جۇيەلىك فينانس قاتەرى تۋىلماۋ سىندى تومەنگى شەكتى ساقتاۋ قابىلەتى نىعايدى.
  شي جينپيڭ مىنالاردى اتاپ كورسەتتى: فينانس قىزمەتىن ويداعىداي ىستەۋدە مىنا ماڭىزدى پرينسيپتەردى مىقتى يگەرۋ كەرەك: ءبىرىنشى، فينانس ءوز تەگىنە قايتىپ، ەكونوميكالىق، قوعامدىق دامۋعا بويسۇنۋ، قىزمەت كورسەتۋ. فينانستىڭ ناقتى ەكونوميكاعا قىزمەت كورسەتۋىن شىعار ءتۇيىن جانە تياناق ەتىپ، قىزمەت كورسەتۋ ونىمدىلىگى مەن دەڭگەيىن جاپپاي جوعارىلاتىپ، ءتىپتى دە كوپ فينانس بايلىقتارىن ەكونوميكالىق، قوعامدىق دامۋدىڭ ماڭىزدى سالالارى مەن ءالسىز بۋىندارىنا جايعاستىرىپ، حالىق بۇقاراسى مەن ناقتى ەكونوميكانىڭ كوپ نەگىزدەنگەن فينانستىق سۇرانىسىن ءتىپتى دە جاقسى قاناعاتتاندىرۋ كەرەك. ەكىنشى، قۇرىلىمدى جاقسارتىپ، فينانس بازارىن، فينانس قۇرىلىمدارىن، فينانس ونىمدەرى جۇيەسىن كەمەلدەندىرۋ. ساپاعا باسىمدىق بەرۋگە تاباندى بولىپ، فينانس كاسىبىنىڭ دامۋىن ەكونوميكالىق، قوعامدىق دامۋعا سايكەسۋگە جەتەكتەپ، فينانستىڭ قولايلى بولۋىن، ناقتى ەكونوميكانىڭ وزىندىك قۇنىن تومەندەتۋدى، بايلىقتىڭ جايعاسۋ ونىمدىلىگىن جوعارىلاتۋدى، قاتەرلەردىڭ مەڭگەرىمدى بولۋىن قامتاماسىز ەتۋدى جەبەۋ كەرەك. ءۇشىنشى، باقىلاۋ - باسقارۋدى كۇشەيتىپ، فينانس قاتەرىنەن ساقتانۋ جانە ونى جەڭۋ قابىلەتىن جوعارىلاتۋ. فينانستى باقىلاۋ - باسقارۋدى كۇشەيتۋدى ماڭىزدى ءتۇيىن ەتىپ، جۇيەلىك فينانس قاتەرىنەن ساقتانۋدى تومەنگى شەك ەتىپ، قاتىستى زاڭ - ەرەجەلەر قۇرىلىسىن تەزدەتىپ، فينانس قۇرىلىمدارىنىڭ كورپوراتيۆتىك جونگە سالۋ قۇرىلىسىن كەمەلدەندىرىپ، ماكرولىق جاقتان ساقتىقپەن باسقارۋ ءتۇزىمى قۇرىلىسىن كۇشەيتىپ، فۋنكتسيالىق باقىلاۋ - باسقارۋدى كۇشەيتىپ، ءىس - ارەكەتتى باقىلاۋ - باسقارۋعا ءتىپتى دە ءمان بەرۋ كەرەك. ءتورتىنشى، بازاردى جەتەكشى ەتىپ، بازاردىڭ فينانس بايلىعىن جايعاستىرۋداعى شەشۋشى رولىن ساۋلەلەندىرۋ. سوتسياليستىك بازار شارۋاشىلىعىنىڭ رەفورما باعىتىنان جازباي، ۇكىمەت پەن بازاردىڭ قاتىناسىن دۇرىس ءبىر جاقتى ەتىپ، بازاردىڭ تەجەۋ مەحانيزمىن كەمەلدەندىرىپ، فينانس بايلىقتارىنىڭ جايعاسۋ ونىمدىلىگىن جوعارىلاتۋ كەرەك. ۇكىمەتتىڭ ماكرولىق رەتتەۋ - مەڭگەرۋىن كۇشەيتىپ جانە جاقسارتىپ، بازار ەرەجەلەرىن اقاۋسىزداندىرىپ، ءتارتىپتى قاتايتۋ كەرەك.
  شي جينپيڭ مىنالاردى باسا دارىپتەدى: فينانس − ناقتى ەكونوميكانىڭ تامىرى، ناقتى ەكونوميكا ءۇشىن قىزمەت كورسەتۋ فينانستىڭ ءتول قىزمەتى، فينانستىڭ نەگىزگى ماقساتى، سونداي - اق فينانس قاتەرىنەن ساقتانۋدىڭ ءتۇبىرلى شاراسى. جاڭا دامۋ ۇستانىمدارىن دايەكتىلەندىرىپ، ساپاعا باسىمدىق بەرۋ، ونىمدىلىكتى دارىپتەۋ ۇستانىمىن ورناتىپ، قامداۋ جاعىندا قورلاردى قايتا قۇراۋعا، ۇستەلىمدى جاقسارتۋعا، كينەتيكالىق ەنەرگيانى اۋىستىرۋعا ءتىپتى دە ءمان بەرۋ كەرەك. تىكە قارجى قۇراۋدى دامىتۋدى ماڭىزدى ورىنعا قويىپ، قارجى قۇراۋ فۋنكتسيالارى كەمەلدى، نەگىزدىك تۇزىمدەرى بەكەم، بازاردى باقىلاۋ - باسقارۋى ءونىمدى، قارجى سالۋشىلاردىڭ زاڭدى ۇقىق - مۇددەسى ءونىمدى قورعالاتىن كوپ ساتىلى كاپيتال بازارى جۇيەسىن قالىپتاستىرۋ كەرەك.
جانامالاي قارجى قۇراۋ قۇرىلىمدارىن جاقسارتىپ، مەملەكەت يەلىگىندەگى ءىرى بانكەلەردىڭ ستراتەگيالىق تۇرلەنۋىن ىلگەرىلەتىپ، ورتا، شاعىن بانكەلەر مەن جەكەشە فينانس قۇرىلىمدارىن دامىتۋ كەرەك. قامسىزداندىرۋ كاسىبىنىڭ قاتەردى ۇزاق ۋاقىت تۇراقتى، اقاۋسىز مەڭگەرۋ جانە قامتاماسىز ەتۋ فۋنكتسياسىن ىسكە قوسۋىن جەبەۋ كەرەك. جالپىعا ءتيىمدى فينانس جۇيەسىن قۇرىپ، شاعىن، ۇساق كاسىپورىندارعا، اۋىل شارۋاشىلىعىنا، اۋىل - قىستاققا، شارۋالارعا جانە شەت - شالعاي وڭىرلەرگە فينانستىق قىزمەت كورسەتۋدى كۇشەيتىپ، فينانس ارقىلى كەدەيلەردى دالمە - ءدال سۇيەمەلدەۋدى ىلگەرىلەتىپ، جاسىل فينانستى دامىتۋعا ىنتالاندىرۋ كەرەك. فينانس قۇرىلىمدارىنىڭ اينالىم وزىندىك قۇنىن تومەندەتۋىن جەبەپ، ورتاداعى كاسىپ بۋىندارىن اداقتاپ جانە ارناعا ءتۇسىرىپ، ناقتى ەكونوميكانىڭ قارجى قۇراۋ وزىندىك قۇنىن بۇركەمەلى جولمەن جوعارىلاتۋدان ساقتانۋ كەرەك.
 شي جينپيڭ مىنالاردى اتاپ كورسەتتى: جۇيەلىك فينانس قاتەرىنەن ساقتانۋ − فينانس قىزمەتىنىڭ ماڭگىلىك تاقىرىبى. جۇيەلىك فينانس قاتەرىنەن ىرىقتى تۇردە ساقتانۋ جانە ونى جەڭۋدى ءتىپتى دە ماڭىزدى ورىنعا قويىپ، عىلمي جولمەن ساقتانۋ، ەرتە تانۋ، ەرتە ەسكەرۋ، ەرتە بايقاۋ، ەرتە ءبىر جاقتى ەتۋ، ءتۇيىندى سالالارداعى قاتەرلەردەن كۇش سالا ساقتانىپ جانە ونى جەڭىپ، فينانس حاۋىپسىزدىگىنىڭ قورعانىس شەبى مەن فينانس قاتەرىنىڭ توتەنشە جاعدايىن ءبىر جاقتى ەتۋ مەحانيزمىن كۇش سالا كەمەلدەندىرۋ كەرەك. ەكونوميكادا قارجىلىق تىرەكتەردى ازايتۋدى ىلگەرىلەتىپ، تۇراقتى، اقاۋسىز اقشا ساياساتىن باتىل اتقارىپ، ارتۋدى ورنىقتىرۋدىڭ، قۇرىلىمدى رەتتەۋدىڭ، جالپى شامانى مەڭگەرۋدىڭ قاتىناسىن دۇرىس ءبىر جاقتى ەتۋ كەرەك. مەملەكەت يەلىگىندەگى كاسىپورىنداردىڭ قارجىلىق تەتىكتەردى ازايتۋىن ەڭ ماڭىزدى قىزمەت دەپ قاراپ، «زومبي كاسىپورىنداردى» ءبىر جاقتى ەتۋ قىزمەتىن ويداعىداي يگەرۋ كەرەك. ءار دارەجەلى جەرگىلىكتى پارتكوم مەن ۇكىمەت ساياسي ناتيجەگە دۇرىس كوزقاراس ورناتىپ، جەرگىلىكتى ۇكىمەت بورىشتارىنىڭ ۇستەلىمىن قاتاڭ مەڭگەرىپ، جاۋاپكەرشىلىكتى ءومىر بويى قۋزاستىرۋ، جاۋاپكەرشىلىگىن كەرى قۋزاپ تەكسەرۋ كەرەك. فينانس بازارىنىڭ ءتارتىبىن ورەسكەل بۇزعان ارەكەتتەردى قاتاڭ رەتتەپ، وڭاپ، فينانس بازارىنىڭ ايىرباس ارەكەتتەرىن قاتاڭ ارناعا ءتۇسىرىپ، فينانستىڭ كەشەندى شارۋاشىلىق جۇرگىزۋىن جانە كاسىپ سالالارى مەن فينانستى بىرلەستىرۋدى ارناعا ءتۇسىرىپ، ينتەرنەتتىك فينانستى باقىلاۋ - باسقارۋدى كۇشەيتىپ، فينانس قۇرىلىمدارىنىڭ قاتەردەن ساقتانۋ سۋبيەكتيۆ جاۋاپكەرشىلىگىن كۇشەيتۋ كەرەك. قوعامدىق سەنىمدىلىك جۇيەسى قۇرىلىسىن كۇشەيتىپ، فينانستى زاڭمەن جونگە سالۋدىڭ ەلىمىز مەملەكەت جاعدايىنا ۇيلەسەتىن جۇيەسىن كەمەلدەندىرۋ كەرەك.
  شي جينپيڭ مىنالاردى باسا دارىپتەدى: فينانس رەفورماسىن تاباندىلىقپەن تەرەڭدەتۋ كەرەك. فينانس قۇرىلىمدارى جۇيەسىن جاقسارتىپ، مەملەكەت يەلىگىندەگى فينانس كاپيتالدارىن باسقارۋدى كەمەلدەندىرىپ، سىرتقى پەرەۆاد بازارى ءتۇزىلىسى مەحانيزمىن كەمەلدەندىرۋ كەرەك. وسى زامانعى فينانس كاسىپورىندارى ءتۇزىمىن كەمەلدەندىرىپ، كورپوراتيۆتىك جونگە سالۋ قۇرىلىمىن كەمەلدەندىرىپ، اكتسيا ۇقىعى قۇرىلىمىن جاقسارتىپ، ىنتالاندىرۋدىڭ، تەجەۋدىڭ ءونىمدى مەحانيزمىن ورناتىپ، قاتەردى ىشتە مەڭگەرۋ مەحانيزمى قۇرىلىسىن كۇشەيتىپ، سىرتقى بازاردى تەجەۋدى نىعايتۋ كەرەك. فينانستى باقىلاۋدى، باسقارۋدى، سايكەستىرۋدى كۇشەيتىپ، باقىلاۋ - باسقارۋدىڭ ولقىلىقتارىن تولىقتاۋ كەرەك. مەملەكەتتىك كەڭەستىڭ فينانستىڭ تۇراقتىلىعى، دامۋى جونىندەگى كوميتەتىن قۇرىپ، حالىق بانكەسىنىڭ ماكرولىق جاقتا ساقتىقپەن باسقارۋ جانە جۇيەلىك قاتەردەن ساقتانۋ قىزمەت مىندەتىن كۇشەيتۋ كەرەك. جەرگىلىكتى ۇكىمەتتەر فينانستى باسقارۋدا، باستىسى، ورتالىقتىڭ ءىس ۇقىعىن العى شارت ەتۋگە تاباندى بولىپ، ورتالىقتىڭ ءبىر تۇتاس ەرەجەسى بويىنشا، قاراستى جەردىڭ قاتەردى ءبىر جاقتى ەتۋ جاۋاپكەرشىلىگىن كۇشەيتۋى كەرەك. فينانستى باسقارۋ تاراۋلارى ءوز قىزمەتىن مۇقيات اتقاراتىن، باتىلدىقپەن باقىلاپ - باسقاراتىن، باقىلاۋ - باسقارۋعا شوگەل، جاۋاپكەرشىلىكتى قاتاڭ قۋزاستىراتىن باقىلاۋ - باسقارۋ رۋحىن قۇلشىنا جەتىلدىرىپ، قاتەردى دەر كەزىندە بايقاماۋ − قىزمەت اتقارماۋ، قاتەردى بايقاعانىمەن، دەر كەزىندە ەسكەرتپەۋ جانە ءبىر جاقتى ەتپەۋ − قىزمەتتە جاۋاپكەرسىزدىك ىستەۋ دەيتىن قاتاڭ باقىلاۋ - باسقارۋ ورتاسىن قالىپتاستىرۋ كەرەك. قاتەردى باقىلاۋ - ولشەۋ، الدىن الا ەسكەرتۋ جانە وعان ەرتە ارالاسۋ مەحانيزمىن اقاۋسىزداندىرىپ، فينانس نەگىزدىك قۇرىلعىلارىن ءبىر تۇتاس باقىلاۋ - باسقارۋدى جانە فينانس نەگىزدىك قۇرىلعىلارىنىڭ ءوزارا بايلانىسىن كۇشەيتىپ، فينانس كاسىبىن كەشەندى ستاتيستيكالاۋدى جانە باقىلاۋ - باسقارۋ ينفورماتسيالارىن ورتاقتاسۋدى ىلگەرىلەتۋ كەرەك.
  شي جينپيڭ مىنالاردى اتاپ كورسەتتى: فينانستا سىرتقا ەسىك اشۋدى كەڭەيتۋ كەرەك. حالىق اقشاسى باعامىن بەلگىلەۋ مەحانيزمى رەفورماسىن تەرەڭدەتىپ، حالىق اقشاسىن حالىقارالاندىرۋدى ورنىقتى ىلگەرىلەتىپ، كاپيتال ەسەپتەرىن ىرىقتاندىرۋدى ورنىقتى قاداممەن جۇزەگە اسىرۋ كەرەك. فينانس كاسىبىنىڭ سىرتقا ەسىك اشۋىن بەلسەنە، ورنىقتى تۇردە ىلگەرىلەتىپ، ەسىك اشۋ ءتارتىبىن ۇيلەسىمدى ورنالاستىرىپ، فينانس تۇتىنۋشىلارىنىڭ ۇقىق - مۇددەسىن قورعاۋعا ءتيىمدى، فينانستىڭ ءتارتىپتى باسەكەسىن كۇشەيتۋگە ءتيىمدى، فينانس قاتەرىنەن ساقتانۋعا ءتيىمدى مەحانيزمدى جەدەل ورناتۋ، كەمەلدەندىرۋ كەرەك. «ءبىر بەلدەۋ، ءبىر جول» قۇرىلىسى بويىنشا فينانستىق جاڭالىق اشۋدى ىلگەرىلەتىپ، قاتىستى تۇزىمدەردى جاقسى جوبالاۋ كەرەك.
شي جينپيڭ مىنالاردى باسا دارىپتەدى: جاڭا جاعدايداعى فينانس قىزمەتىن ويداعىداي ىستەۋدە، پارتيا ورتالىق كوميتەتىنىڭ فينانس قىزمەتىنە شوعىرلى، ءبىر تۇتاس باسشىلىعىنا تاباندى بولىپ، فينانس رەفورماسىنىڭ، دامۋىنىڭ دۇرىس باعىتىنا كەپىلدىك ەتۋ، مەملەكەتتىڭ فينانس حاۋىپسىزدىگىنە كەپىلدىك ەتۋ كەرەك. پارتيانى جاپپاي قاتاڭ جونگە سالۋ تالابىن تياناقتاندىرىپ، فينانس جۇيەسىنىڭ باسشىلىق القالارىن جاقسى قۇرىپ، شەشۋشى قىزمەت ورىندارىنا، ماڭىزدى ادامدارعا، اسىرەسە، نەگىزگى باسشىلارعا باقىلاۋدى كۇشەيتۋ كەرەك. كاسىپورىنداردىڭ پارتيا قۇرىلىسىن تىڭعىلىقتى تۇردە مىقتى ۇستاپ، مۇرات - سەنىم تاربيەسىن كۇشەيتۋ، پارتيالىلىق تاربيەنى كۇشەيتۋ، ءتارتىپ تاربيەسىن كۇشەيتۋ، پارتيا ستيلى، پاكتىك قۇرىلىسىن كۇشەيتۋ كەرەك. ساياسيدا ىسىلعان، ستيلى جاقسى، كاسىپكە جۇيرىك فينانس دارىندىلارىن بار كۇشپەن باۋلۋ، تاڭداپ ءوسىرۋ، ىستەتۋ، وتە - موتە، فينانس سالاسىندا جوعارى دەڭگەيلى دارىندىلار باۋلۋعا ءمان بەرىپ، اسا اۋقىمدى، ءمورالدى دا دارىندى، جوعارى ساپالى فينانس دارىندىلار قوسىنىن قۇرۋعا قۇلشىنۋ كەرەك.
 لي كىچياڭ سوزىندە مىنالاردى اتاپ كورسەتتى: باس شۋجي شي جينپيڭنىڭ وسى رەتكى ماجىلىستەگى ماڭىزدى ءسوزىنىڭ رۋحىن مۇقيات ۇيرەنۋ، ءتۇسىنۋ، دايەكتىلەندىرۋ جانە تياناقتاندىرۋ كەرەك. فينانس مەملەكەتتىڭ ماڭىزدى قۇرالى، حالىق شارۋاشىلىعىنىڭ تامىرى. ناقتى ەكونوميكاعا قىزمەت كورسەتۋدى ءتۇبىرلى ماقسات، جۇيەلىك قاتەردەن ساقتانۋ جانە ونى جەڭۋدى وزەكتى نىسانا، فينانس رەفورماسىن تەرەڭدەتۋدى ءتۇبىرلى قوزعاۋشى كۇش ەتىپ، ەكونوميكا مەن فينانستىڭ قاتەرسىز اينالىمىن جەبەۋ كەرەك. فينانستى رەتتەۋ - مەڭگەرۋ وي جەلىسى مەن تاسىلىندە جاڭالىق اشىپ، تۇراقتى اقشا ساياساتىن ۇزدىكسىز اتقارىپ، اقشامەن بەرىلەتىن كرەديتتىك نەسيەنىڭ لايىقتى ءوسۋى مەن وتىمدىلىگىنىڭ نەگىزىنەن تۇراقتىلىعىن ساقتاپ، ناقتى ەكونوميكاعا فينانستىق قىزمەت كورسەتۋدى ۇزدىكسىز جاقسارتۋ كەرەك. جالپىعا ءتيىمدى فينانستى بەلسەنە دامىتىپ، شاعىن، ۇساق كاسىپورىندار، اۋىل شارۋاشىلىعى، اۋىل - قىستاق، شارۋالار جانە كەدەيلەردى دالمە - ءدال سۇيەمەلدەۋ سياقتى ەكونوميكالىق، قوعامدىق دامۋدىڭ ءالسىز بۋىندارىنا بار كۇشپەن قولداۋ كورسەتىپ، قارجى قۇراۋدىڭ قيىن، قىمبات بولۋى ماسەلەسىن كۇش سالا شەشۋ كەرەك. جاڭالىق اشۋ ارقىلى دامۋعا دەم بەرۋ، جاڭا، كونە كينەتيكالىق ەنەرگيانى اۋىستىرۋ، «كوپ بولىپ شارۋاشىلىق قۇرۋ، جالپى قاۋىم جاڭالىق اشۋدى» جۇمىسقا ورنالاستىرۋدىڭ تىرەگى ەتۋ سياقتى فينانستىق قولداۋلاردى جەبەپ، مەملەكەتتىڭ ماڭىزدى دامۋ ستراتەگيالارىنا، ماڭىزدى رەفورما شارالارىنا، ماڭىزدى ينجەنەريا قۇرىلىستارىنا ويداعىداي فينانستىق قىزمەت كورسەتۋ كەرەك. كاپيتال بازارىنىڭ ناقتى ەكونوميكاعا قىزمەت كورسەتۋ فۋنكتسياسىن كۇشەيتىپ، اكتسيا ۇقىعىمەن قارجى قۇرۋدى بەلسەنە، ءتارتىپتى دامىتىپ، تىكەلەي قارجى قۇراۋدىڭ ارا سالماعىن جوعارىلاتۋ كەرەك. قامسىزداندىرۋ بازارىنىڭ قاتەردەن قامتاماسىز ەتۋ فۋنكتسياسىن كەڭەيتۋ كەرەك. فينانس بايلىعىنىڭ كەڭىستىكتىك جايعاسۋى مەن فينانس قۇرىلىمدارىنىڭ ورنالاسۋىن جاقسارتىپ، ورتا، شاعىن فينانس قۇرىلىمدارىن بار كۇشپەن دامىتىپ، فينانستىڭ ناقتى ەكونوميكاعا قىزمەت كورسەتۋىنىڭ باياندىلىعىن ۇزدىكسىز كۇشەيتىپ، ناقتى ەكونوميكانى كۇش سالا نىعايتىپ، ۆيرتۋالدى ەكونوميكانى تەجەۋ كەرەك. بازارعا كىرۋ رۇقساتى، ەرتە ارالاسۋ جانە ءبىر جاقتى ەتىپ شىعارىپ تاستاۋ سىندى 3 قورعانىس شەبىن بەرىكتەپ، قاتەردەن ساقتانۋ، قاتەردى مەڭگەرۋ وتكەلىن مىقتى يگەرىپ، فينانس قاتەرى جاۋاپكەرشىلىگىن ارقالاۋ مەحانيزمىن كەمەلدەندىرىپ، فينانس بازارىنىڭ ورنىقتى جۇمىس جۇرگىزۋىن قامتاماسىز ەتىپ، قارجىلىق تەتىكتەردى ازايتۋدى بەلسەنە، ورنىقتى ىلگەرىلەتىپ، مەملەكەتتىك كاسىپورىندار رەفورماسىن تەرەڭدەتىپ، مەملەكەتتىك كاسىپورىنداردىڭ قارجىلىق تەتىك مولشەرلەمەسىن تومەندەتۋدى ەڭ ماڭىزدى ورىنعا قويىپ، فينانستىڭ قاتەر تۇيىندەرىن ءونىمدى ءبىر جاقتى ەتىپ، ءمورال قاتەرىنەن ساقتانىپ، جۇيەلىك قاتەر تۋىلماۋ سىندى تومەنگى شەكتى باتىل ساقتاۋ كەرەك. ەلىمىزدىڭ مەملەكەت جاعدايىن شىعار ءتۇيىن ەتە وتىرىپ، فينانستى باقىلاۋ - باسقارۋ ءتۇزىلىسى رەفورماسىن ىلگەرىلەتۋگە تاباندى بولىپ، فينانستى باقىلاۋدىڭ، باسقارۋدىڭ، سايكەستىرۋدىڭ قۇزىرەتتىلىگىن، ونىمدىلىگىن كۇشەيتىپ، فينانستى باقىلاۋ - باسقارۋدىڭ مامانداندىرىلۋىن، بىردەيلىگىن، سىڭىمدىلىگىن كۇشەيتىپ، بارلىق فينانس كاسىپتەرىن تۇگەلدەي باقىلاۋ - باسقارۋعا ەنگىزىپ، قاتەردى دەر كەزىندە، ءونىمدى تانۋ جانە جەڭۋ كەرەك. ورتالىقتىڭ ءبىر تۇتاس ەرەجەسىنە تاباندى بولىپ، جەرگىلىكتى ورىنداردىڭ باقىلاۋ - باسقارۋ جاۋاپكەرشىلىگىن نىعايتىپ، فينانستى باقىلاۋ - باسقارۋ بويىنشا جاۋاپقا تارتۋدى كۇشەيتۋ كەرەك. دەربەس، ءتارتىپتى، تەڭ، حاۋىپسىز بولۋ باعىتىنا تاباندى بولىپ، فينانس كاسىبىنىڭ قوس باعىتتا ەسىك اشۋىن ورنىقتى كەڭەيتۋ كەرەك. فينانس رەفورما، دامۋ، ورنىقتىلىق ىستەرىن زاڭمەن جونگە سالۋمەن، سەنىمدىلىكپەن، دارىندىلارمەن قامتاماسىز ەتۋدى كۇشەيتىپ، فينانستىڭ تاماشا ەكولوگيالىق ورتاسىن قالىپتاستىرىپ، ساپالى، ءونىمدى فينانستىق قىزمەت كورسەتۋ ارقىلى ەكونوميكانىڭ ورتا، جوعارى جىلدامدىقپەن ءوسۋىن، ورتا، جوعارى دەڭگەيگە قادام تاستاۋىن جەبەۋ كەرەك.
  ج ك پ ورتالىق كوميتەتى ساياسي بيۋروسىنىڭ مۇشەسى، مەملەكەتتىك كەڭەستىڭ ورىنباسار زۇڭليى ما كاي قورىتىندى سوزىندە مىنالاردى تالاپ ەتتى: جەر - جەر، تاراۋلار، اسىرەسە، فينانس جۇيەسى يدەيا مەن ارەكەتتى باس شۋجي شي جينپيڭنىڭ ماڭىزدى ءسوزىنىڭ رۋحىمەن بىرلىككە كەلتىرىپ، پارتيا ورتالىق كوميتەتىنىڭ فينانس قىزمەتى جونىندەگى شەشىمدەرىمەن، ورنالاستىرۋلارىمەن بىرلىككە كەلتىرىپ، فينانس قىزمەتىن جاقسى ىستەۋدىڭ جاۋاپكەرشىلىك تانىمى مەن بورىش تانىمىن كۇشەيتىپ، ناقتى ەكونوميكاعا قىزمەت كورسەتۋ، فينانس قاتەرىنەن ساقتانۋ، فينانس رەفورماسىن تەرەڭدەتۋ سىندى 3 مىندەتتى تىعىز ارقاۋ ەتىپ، ءار جەردىڭ، ءار تاراۋدىڭ ناقتى جاعدايىمەن بىرلەستىرىپ، قىزمەت ءتۇيىنىن بەلگىلەپ، جاۋاپكەرشىلىكتىڭ سۋبيەكتىن ايقىنداپ، ءتۇزىم قۇرىلىسىن كۇشەيتىپ، قوسىن ساپاسىن جوعارىلاتىپ، ەلىمىز فينانس كاسىبىنىڭ اقاۋسىز دامۋىن جەبەپ، پارتيانىڭ لۋشيان، باعىت، ساياساتتارىنىڭ فينانس سالاسىندا شىنايى تياناقتانۋىنا كەپىلدىك ەتۋ كەرەك.
  بەيجيڭ قالاسىنىڭ، فۋجيان ولكەسىنىڭ، جۇڭگو حالىق بانكەسىنىڭ، جۇڭگو بانكە كاسىبىن باقىلاۋ - باسقارۋ كوميتەتىنىڭ، جۇڭگو باعالى قاعازداردى باقىلاۋ - باسقارۋ كوميتەتىنىڭ، جۇڭگو قامسىزداندىرۋدى باقىلاۋ - باسقارۋ كوميتەتىنىڭ، جۇڭگو ونەركاسىپ - ساۋدا بانكەسىنىڭ نەگىزگى جاۋاپتى جولداستارى ماجىلىستە لەبىز ءبىلدىردى.
  ج ك پ ورتالىق كوميتەتى ساياسي بيۋروسىنىڭ مۇشەلەرى، ورتالىق شۋجيچۋىنىڭ شۋجيىلەرى، مەملەكەتتىك حالىق قۇرىلتايى تۇراقتى كوميتەتىنىڭ قاتىستى جاۋاپتى جولداستارى، مەملەكەتتىك كەڭەستىڭ مۇشەلەرى، ەڭ جوعارى حالىق سوتى مەكەمەسىنىڭ باستىعى، ەڭ جوعارى حالىق پروكۋراتۋراسىنىڭ باس پروكۋرورى، مەملەكەتتىك ساياسي كەڭەستىڭ قاتىستى جاۋاپتى جولداستارى ماجىلىسكە قاتىناستى.
  ءار ولكەنىڭ، اۆتونوميالى رايوننىڭ، توتە قاراستى قالانىڭ جانە جوسپارى بولەك جاسالاتىن قالانىڭ، شينجياڭ ءوندىرىس - قۇرىلىس بيڭتۋانىنىڭ، ورتالىق جانە مەملەكەتتىك ورگانداردىڭ قاتىستى تاراۋلارىنىڭ، قاتىستى حالىقتىق ۇيىمداردىڭ، فينانس سالاسىنداعى قاتىستى ورىنداردىڭ، ورتالىق اسكەري ىستەر كوميتەتىنىڭ قاتىستى تاراۋلارىنىڭ، قارۋلى ساقشى ءبولىمىنىڭ جاۋاپتى جولداستارى ماجىلىسكە قاتىناستى.

ءان الەمى

جول توسىلىپ قالدى

تۇلپارىم