باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

وزگەرىس ەنگىزىلگەن «ارميا ورگاندارىنىڭ ءىس قاعازدارىن جۇرگىزۋ قىزمەتىنىڭ ەرەجەسى» جاريالاندى

    كەلۋ قاينارى: شينجياڭ گازەتى    2017-07-17 18:59:43  

ورتالىق اسكەري ىستەر كوميتەتىنىڭ ءتوراعاسى شي جينپيڭ بۇيرىققا قول قويدى

 شينحۋا اگەنتتىگىنىڭ 16 - شىلدەدە بەيجيڭنەن بەرگەن حابارى. ورتالىق اسكەري ىستەر كوميتەتىنىڭ ءتوراعاسى شي جينپيڭنىڭ بۇيرىققا قول قويۋىمەن، وزگەرىس ەنگىزىلگەن «ارميا ورگاندارىنىڭ ءىس قاعازدارىن جۇرگىزۋ قىزمەتىنىڭ ەرەجەسى» جاريالاندى، 2017 - جىلى 1 - قازاننان اتقارىلا باستايدى.
  «ارميا ورگاندارىنىڭ ءىس قاعازدارىن جۇرگىزۋ قىزمەتىنىڭ ەرەجەسى» − ماڭىزدى اسكەري زاڭنامالاردىڭ ءبىرى، ارمياداعى ءار دارەجەلى ورگانداردىڭ ءىس قاعازدارىن جۇرگىزۋ جۇمىسىنا جەتەكشىلىك ەتەتىن نەگىزگى دايەك. قولدانىستاعى ەرەجەنى تۇزەتۋ، كەمەلدەندىرۋ − پارتيانىڭ جاڭا جاعدايداعى ارميانى قۇدىرەتتەندىرۋ نىساناسىن ىسكە اسىرۋدى كوزدە ۇستاپ، ارميانى زاڭ بويىنشا جونگە سالۋ، ارميانى قاتاڭ جونگە سالۋ باعىتىن دايەكتىلەندىرىپ، ارميانى جۇيەلىلەندىرۋ قۇرىلىسىن كۇشەيتۋدىڭ ماڭىزدى شاراسى.
  «ەرەجە» جالپى 8 تاراۋ، 40 تارماقتان تۇرادى، وندا ارميا ورگاندارىنىڭ ءىس قاعازدارىن جۇرگىزۋ جۇمىسىنىڭ پرينسيپتەرى، ءىس قاعازدارىنىڭ تۇرلەرى مەن ۇلگىلەرى، جازۋ قاعيدالارى، ءىس جۇرگىزۋ تارتىپتەرى مەن باسقارۋ تالاپتارى، ت. ب جونىندە جاڭا بەلگىلەمە جاسالدى، ارميا مەن پارتيا، ۇكىمەت ورگاندارىنىڭ ءىس قاعازدارىن جۇرگىزۋ جۇمىسى جونىندەگى زەرتتەۋ جەتىستىكتەرى مەن جاڭا تاجىريبەلەر قابىلداندى، جاڭا تۇزىلىسكە كوشكەن ارميا ورگاندارىنىڭ ءىس قاعازدارىن جۇرگىزۋ قىزمەتىنىڭ زامانعا سايكەس دامۋ تالاپتارى بەينەلەندى، ءسويتىپ، ارميا ورگاندارىنىڭ ءىس قاعازدارىن جۇرگىزۋ جۇمىسىن بۇرىنعىدان دا عىلمي، جەتەكشى جانە قولدانبالى سيپاتقا يە ەتتى.
  «ەرەجەنىڭ» جاريالانۋى مەن اتقارىلۋى ارميا ورگاندارىنىڭ ءىس قاعازدارىن جۇرگىزۋ قىزمەتىنىڭ ساپاسى مەن تيىمدىلىگىن كوتەرۋگە، ءىس قاعازدارىن جۇرگىزۋ جۇمىسىنىڭ ونان سايىن عىلميلانۋىن، تۇزىمدەنۋىن، قالىپتاندىرۋىن ىلگەرىلەتۋگە پايدالى، پارتيا ورتالىق كوميتەتىنىڭ، ورتالىق اسكەري ىستەر كوميتەتىنىڭ شەشىم - نۇسقاۋلارىنىڭ دايەكتىلەنۋى مەن تياناقتانۋىنا، ءار دارەجەلى ورگانداردىڭ ءوز فۋنكتسياسىن ءونىمدى تۇردە اتقارىپ، ارميا قۇرىلىسى مەن اسكەري كۇرەس دايىندىعىنا ويداعىداي قىزمەت كورسەتۋىنە كەپىلدىك ەتۋدە ماڭىزدى رول اتقارادى.

ءان الەمى

جول توسىلىپ قالدى

تۇلپارىم