باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

مەملەكەتتىك ساياسي كەڭەس ۇلت جانە ءدىن ىستەرى كوميتەتىنىڭ تەكسەرىپ - زەرتتەۋ گرۋپپاسى شينجياڭعا كەلدى

    كەلۋ قاينارى: شينجياڭ گازەتى    2017-07-17 19:12:16  

شينجياڭنىڭ ۇلتتار ىنتىماعىن قورعاۋ، ءار ۇلتتىڭ ارالاسۋىن، ىشتەسۋىن، توعىسۋىن جەبەۋ جاعدايىن تەكسەرىپ −زەرتتەيدى

ءتىلشىمىز لي ياڭ 12 - شىلدەدە ۇرىمجىدەن حابارلايدى. مەملەكەتتىك ساياسي كەڭەستىڭ تۇراقتى مۇشەسى، ۇلت جانە ءدىن ىستەرى كوميتەتىنىڭ مەڭگەرۋشىسى، ورتالىق بىرلىكساپ ءبولىمىنىڭ ۇنەمىلىك ىستەرگە جاۋاپتى بۇرىنعى ورىنباسار باستىعى جۋ ۋيچۇن گرۋپپا باستىعى بولعان مەملەكەتتىك ساياسي كەڭەستىڭ ۇلت جانە ءدىن ىستەرى كوميتەتىنىڭ تەكسەرىپ - زەرتتەۋ گرۋپپاسى شينجياڭعا كەلىپ، «شينجياڭنىڭ ۇلتتار ىنتىماعىن قورعاۋ، ءار ۇلتتىڭ ارالاسۋىن، ىشتەسۋىن، توعىسۋىن جەبەۋ» جونىندە ارناۋلى تەكسەرىپ - زەرتتەۋ جۇرگىزدى. 12 - شىلدە تۇستەن كەيىن تەكسەرىپ - زەرتتەۋ گرۋپپاسىنداعىلار اۆتونوميالى رايوننىڭ باسشىلارىمەن جانە قاتىستى تاراۋلاردىڭ جاۋاپتىلارىمەن اڭگىمەلەستى.
  تانىستىرۋعا قاراعاندا، اۆتونوميالى رايون شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن ىشكەرىلەي دايەكتىلەندىرىپ، باس شۋجي شي جينپيڭنىڭ شينجياڭدا قىزمەت تەكسەرگەندە جانە ورتالىقتىڭ شينجياڭ قىزمەتى جونىندەگى 2 - رەتكى اڭگىمە ماجىلىسىندە سويلەگەن ماڭىزدى سوزدەرىنىڭ رۋحىن، سونداي - اق مەملەكەتتىك 12 - كەزەكتى حالىق قۇرىلتايىنىڭ 5 - ءماجىلىسى كەزىندە شينجياڭ ۋاكىلدەر ۇيىرمەسىنىڭ تالقىسىنا قاتىناسقاندا سويلەگەن ماڭىزدى ءسوزىنىڭ رۋحىن مۇقيات دايەكتىلەندىرىپ، تياناقتاندىرىپ، قوعام ورنىقتىلىعى مەن باياندى تىنىشتىق باس نىساناسىن مىقتاپ ارقاۋ ەتىپ، «ۇلتتار ىنتىماعىنىڭ بەرەكەلى شاڭىراعى» قيمىلى مەن ۇلتتار ىنتىماعى بىرلەسكەن دوستىق قيمىلىن پارمەندى ەتەك الدىرىپ، تۇتاس رايون كولەمىندە ءبىر ميلليوننان استام كادر - قىزمەتشى نەگىزگى ساتىداعى ءار ۇلت بۇقاراسىمەن جۇپ قۇراپ، تۋىس بولعان. سونىمەن قاتار، حالىق تۇرمىسىنا ءتيىمدى 9 ءىرى ينجەنەريانى اتقارۋعا كۇش شىعارىپ، ءار ۇلت بۇقاراسىنىڭ تابىس سەزىمىن ۇزدىكسىز كۇشەيتىپ، ۇلتتار ىنتىماعىنىڭ بۇقارالىق نەگىزىن ۇزدىكسىز بەكەمدەگەن. ءار ۇلت حالقى اناردىڭ دانىندەي تىعىز ۇيىسىپ، ۇلتتار ىنتىماعىنىڭ گۇلى تيانشاننىڭ تۇستىگى مەن تەرىستىگىندە جايقالا اشىلعان.
  اۆتونوميالى رايون مەن قاتىستى تاراۋلاردىڭ جاعدايىنان بەرىلگەن تانىستىرۋدى تىڭداعاننان كەيىن، جۋ ۋيچۇن بىلاي دەدى: ورتالىقتىڭ شينجياڭ قىزمەتى جونىندەگى 2 - رەتكى اڭگىمە ماجىلىسىنەن بەرى، اۆتونوميالى رايوندىق پارتكوم شينجياڭداعى ءار ۇلت حالقىن ىنتىماقتاستىرا باستاپ، قوعام ورنىقتىلىعى مەن باياندى تىنىشتىق باس نىساناسىن مىقتاپ ارقاۋ ەتىپ، شينجياڭدى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ىلگەرىلەتۋدى جەتەكشى، ەكونوميكالىق دامۋ مەن حالىق تۇرمىسىن جاقسارتۋدى نەگىز، وتاننىڭ تۇتاستىعىن قورعاۋ، ۇلتتار ىنتىماعىن ىلگەرىلەتۋ قاتارلىلاردى باستى ءتۇيىن ەتىپ، قوعامنىڭ جاراسىمدىلىعى مەن ورنىقتىلىعىن باتىل قورعاپ، جاڭا دامۋ ۇستانىمىن شىنايى دايەكتىلەندىرىپ، حالىق تۇرمىسىن قامتاماسىز ەتۋگە جانە جاقسارتۋعا كۇش شىعارىپ، ۇلتتار ىنتىماعىن ۇزدىكسىز بەكەمدەپ، ىنتىماقتى، جاراسىمدى، گۇلدەنىپ - كوركەيگەن، باي، وركەنيەتتى، العا باسقان، حالقى الاڭسىز تىرشىلىك ەتەتىن جۇڭگوشا سوتسياليستىك شينجياڭ قۇرۋعا قۇلشىندى، وتە - موتە، ۇلتتار ىنتىماعىن قورعاۋ جاعىندا جاڭالىق سيپاتتى، جاسامپازدىق سيپاتتى كوپتەگەن قىزمەتتەر ىستەپ، ءونىمدى قىزمەت ءتۇيىنىن قالىپتاستىردى. ول بىلاي دەدى: ءار ۇلتتىڭ ارالاسۋىن، ىشتەسۋىن، توعىسۋىن جەبەۋ −− جاڭا جاعدايدا ۇلتتار ىنتىماعىن ۇزدىكسىز تەرەڭدەتۋدىڭ ىشكى تالابى. شينجياڭنىڭ تاجىريبەلەردى ۇزدىكسىز قورىتىندىلاپ، «قوس ءتىل» وقىتۋىن ويداعىداي ەتەك الدىرۋ، ءار ۇلت كىرىكپەلى وتىرىقتاناتىن الەۋمەتتىك اۋماق ورتاسى مەن قوعامدىق قۇرىلىم قۇرۋدى ىلگەرىلەتۋ، از ۇلت بۇقاراسىنىڭ وسى زامانعى تۇرمىسپەن اناعۇرلىم جاناسۋىن جەبەۋ قاتارلى شارالار ارقىلى ءار ۇلت بۇقاراسىنىڭ ۇيىسۋ قۋاتىن، جۇدىرىقتاي جۇمىلۋ قۋاتىن ۇزدىكسىز كۇشەيتىپ، «5 ورتاق تانىمدى» ۇزدىكسىز نىعايتىپ، كورىكتى شينجياڭ قۇرىپ، وتان ارمانىن بىرگە جۇزەگە اسىرۋدىڭ قۇدىرەتتى بىرىككەن كۇشىن قالىپتاستىرۋىن ءۇمىت ەتەمىن.
  اۆتونوميالى رايوننىڭ ورىنباسار ءتوراعاسى جاروللا يسامدين اۆتونوميالى رايوننىڭ شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن باتىل دايەكتىلەندىرىپ، تياناقتاندىرىپ، پارتيانىڭ ۇلت ساياساتىن تاباندىلىقپەن اتقارىپ، «ۇلتتار ىنتىماعىنىڭ بەرەكەلى شاڭىراعى» قيمىلى مەن ۇلتتار ىنتىماعىنىڭ بىرلەسكەن دوستىق قيمىلىن كەڭ كولەمدە ورىستەتىپ، حالىق تۇرمىسىن جاقسارتۋعا كۇش سالىپ، ءار ۇلتتىڭ ارالاسۋىن، ىشتەسۋىن، توعىسۋىن جەبەگەندىگىنە قاتىستى جاعدايدى تانىستىردى. شينجياڭ ءوندىرىس - قۇرىلىس بيڭتۋانى پارتكومىنىڭ تۇراقتى مۇشەسى، ورىنباسار ساياسي كوميسسارى، بيڭتۋان پارتكومى ۇيىمداستىرۋ ءبولىمىنىڭ باستىعى ليۋ جيانميڭ شينجياڭ ءوندىرىس - قۇرىلىس بيڭتۋانىنىڭ وزىندىك رولىن تولىق ساۋلەلەندىرىپ، بيڭتۋان مەن جەرگىلىكتى ورىننىڭ ۇلتتار ىنتىماعىن ىلگەرىلەتكەندىگىنە قاتىستى جاعدايدى تانىستىردى. اۆتونوميالى رايوندىق ساياسي كەڭەستىڭ ورىنباسار ءتوراعاسى چىڭ جىنشان اڭگىمە ءماجىلىسىن باسقاردى.
  تەكسەرىپ - زەرتتەۋ گرۋپپاسىنىڭ ما تيەشان، ۋاڭ شۋەرىن، باي ما، حۋا شىفي، ياڭ سۇڭ، دى ۋاساڭ، جوۋ نيڭ قاتارلى مۇشەلەرى اڭگىمە ماجىلىسىنە قاتىناستى.

ءان الەمى

جول توسىلىپ قالدى

تۇلپارىم