باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

جىبەك جولى ەكونوميكالىق بەلدەۋى وزەكتى رايون قۇرىلىسى نىساندارىن ۇلاستىرۋ ءماجىلىسى ۇرىمجىدە اشىلدى

    كەلۋ قاينارى: شينجياڭ گازەتى    2017-07-17 19:17:08  

توقتامعا سايكەس 154 ميلليارد 200 ميلليون يۋان، نيەت حاتقا سايكەس 120 ميلليارد 300 ميلليون يۋان قارىز اقشا الۋعا كەلىستى

 ءتىلشىمىز شى شين 14 - شىلدەدە ۇرىمجىدەن حابارلايدى. 2017 . جىبەك جولى ەكونوميكالىق بەلدەۋى وزەكتى رايون قۇرىلىسى نىساندارىن ۇلاستىرۋ ءماجىلىسى 14 - شىلدەدە ۇرىمجىدە اشىلدى. توقتامعا سايكەس 154 ميلليارد 200 ميلليون يۋان، نيەت حاتقا سايكەس 120 ميلليارد 300 ميلليون يۋان قارىز اقشا الۋعا كەلىستى.
  وسى رەتكى نىسانداردى ۇلاستىرۋ ءماجىلىسىن اۆتونوميالى رايوندىق جىبەك جولى ەكونوميكالىق بەلدەۋى وزەكتى رايون قۇرىلىسىن ىلگەرىلەتۋ قىزمەتىنە جەتەكشىلىك ەتۋ گرۋپپاسى كەڭسەسى، جۇڭگو بانكە كاسىبىن باقىلاۋ - باسقارۋ كوميتەتى شينجياڭ باقىلاۋ - باسقارۋ مەكەمەسى باس بولىپ، مەملەكەتتىك وركەندەتۋ بانكەسىنىڭ شينجياڭ بولىمشەسى ۇستىنە الىپ وتكىزدى، بۇل باس شۋجي شي جينپيڭنىڭ «ءبىر بەلدەۋ، ءبىر جول» حالىقارالىق سەلبەستىك جوعارى دارەجەلى باسشىلار مىنبەرىندە سويلەگەن ماڭىزدى ءسوزىنىڭ رۋحىن، سونداي - اق اۆتونوميالى رايوننىڭ قاتىستى ماجىلىستەرىنىڭ رۋحىن دايەكتىلەندىرۋدەگى، تياناقتاندىرۋداعى ناقتى ارەكەت سانالادى.
  ءماجىلىس «جىبەك جولى رۋحىن ساۋلەلەندىرىپ، 5 ۇلكەن ورتالىق قۇرىلىسىن تەزدەتۋدى» تاقىرىپ ەتىپ، ۇكىمەت پەن بانكە، ۇكىمەت پەن كاسىپورىن، بانكە مەن كاسىپورىن اراسىندا كوپ جاقتى بايلانىس جاسايتىن، سەلبەسەتىن قارجى قوسۋ، قارجى قۇراۋ تۇعىرىن قۇرىپ، كوپ جاق بايلانىس جاساپ، سەلبەسەتىن باياندى مەحانيزم قالىپتاستىرىپ، قارجى قوسۋ، قارجى قۇراۋ قۇنىن بايقاپ، قارجى قوسۋ، قارجى قۇراۋ ورايىن جاراتىپ، جىبەك جولى ەكونوميكالىق بەلدەۋى وزەكتى رايون قۇرىلىسىن جەدەل ىلگەرىلەتۋدى ماقسات ەتتى.
  ماجىلىستە قارىز اقشا الۋ توقتام نىسانىنان 16سىنا قول قويىسىپ، قارىز اقشا سوماسى 154 ميلليارد 200 ميلليون يۋان بولدى، 15 نيەت حاتقا قول قويىسىپ، نيەت حاتقا بايلانىستى قارىز اقشا 120 ميلليارد 300 ميلليون يۋان بولدى. بۇل ناتيجەلەر اۆتونوميالى رايوننىڭ بيىل تۇراقتى مۇلىككە ءبىر تريلليون 500 ميلليارد يۋان قارجى قوسۋ مىندەتىن جاپپاي ورىنداۋدا كەلەلى ءمان الادى.
  ءماجىلىس تاعى جىبەك جولى ەكونوميكالىق بەلدەۋى وزەكتى رايون قۇرىلىسى قىزمەتىنىڭ ورىستەتىلۋ احۋالى مەن قول جەتكىزگەن كەزەڭدىك تابىستارىن جان - جاقتى قورىتىندىلادى؛ «اۆتونوميالى رايوننىڭ جىبەك جولى ەكونوميكالىق بەلدەۋى وزەكتى رايون قۇرىلىسىن ىلگەرىلەتۋدە الدىمەن ىلگەرىلەتەتىن تۇڭعىش توپتاعى نىسان ءتىزىمىن» جانە «اۆتونوميالى رايوننىڭ نەگىزدىك قۇرىلعىلار سالاسىنىڭ 5 - توپتاعى PPP نىسان ءتىزىمىن» جاريالادى؛ جىبەك جولى ەكونوميكالىق بەلدەۋى وزەكتى رايونىنىڭ نىساندارىندا، سونداي - اق نىسان قامباسى قۇرىلىسىندا ساقتالعان ماسەلەلەرگە ىشكەرىلەي تالداۋ جاسادى.
  ۇعىسۋىمىزشا، ءماجىلىس جاريالاعان جىبەك جولى ەكونوميكالىق بەلدەۋى وزەكتى رايون قۇرىلىسىنىڭ الدىمەن ىلگەرىلەتەتىن نىساندارىندا قاتىناس تورابى، ساۋدا زات اينالىمى، مادەنيەت، عىلىم - تەحنيكا، وقۋ - اعارتۋ، ەمدەۋدەن قىزمەت كورسەتۋ، فينانس، ەنەرگيا، ينفورماتسيا سياقتى سالالار قامتىلعان، جالپى 288 نىسان، جالپى قوسىلاتىن قارجى ءبىر تريلليون 880 ميلليارد يۋان. مۇندا جۇمىس باستاۋ تۇرىندەگى نىسان 230، جالپى قوسىلاتىن قارجى ءبىر تريلليون 420 ميلليارد يۋان؛ دايىنداۋ تۇرىندەگى نىسان 16، جالپى قوسىلاتىن قارجى 211 ميلليارد 900 ميلليون يۋان؛ جوبالاۋ تۇرىندەگى نىسان 42، جالپى قوسىلاتىن قارجى 245 ميلليارد 500 ميلليون يۋان.   ماجىلىستەن بۇرىن ءار ايماق، وبلىس، قالا قارجى قۇراۋدى قاجەتسىنگەن 691 نىساندى سارالاپ، جوعارىعا مالىمدەدى، قاجەتسىنۋ سوماسى 848 ميلليارد 300 ميلليون يۋان بولدى. بۇل نىساندار بانكە مەن ۇكىمەتتىڭ، بانكە مەن كاسىپورىننىڭ سەلبەستىگىن دالمە - ءدال ۇشتاستىرۋ نەگىزىمەن جانە باعىتىمەن قامدادى. نىسان اتقارىلعاننان كەيىن، وزەكتى رايون قۇرىلىسى مەن شينجياڭنىڭ ەكونوميكالىق، قوعامدىق دامۋى جونىنەن ماڭىزدى تىرەكتىك، جەتەكشىلىك جانە ۇلگى كورسەتۋ رولىن اتقارادى.

ءان الەمى

جول توسىلىپ قالدى

تۇلپارىم