باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

تارباعاتاي ايماعىندا بيىل 34 مىڭ 988 بالا اۋىل-قىستاق بالالار باقشاسى تاربيەسىن قامتاماسىزداندىرۋ قاراجاتىنان يگىلىكتەندى

    كەلۋ قاينارى: شينجياڭ حالىق راديو ىستانسياسى    2017-07-18 01:05:20  
كامالبەك بوقان ۇلى حابارلايدى: بيىل، تارباعاتاي ايماعى اۋىل-قىستاق بالالار باقشاسى تاربيەسىن قامتاماسىزداندىرۋ قاراجاتىنان 93 ميلليون 418 مىڭ يۋان ورنالاستىرىپ، قازىرگە دەيىن 5 ميلليون 330 مىڭ يۋان قاراجات اجىراتتى، 34 مىڭ 988 بالا يگىلىگىن كوردى.
تارباعاتاي ايماعىنىڭ اۋىل-قىستاقتارىندا 3 جىلدىق بالالار باقشاسى تاربيەسىن تەگىن جالپىلاستىرۋدا جىلىنا ءار بالاعا ورتا ەسەپپەن بەرىلەتىن قوسىمشا قاراجات ولشەمى بيىل ءبىر مىڭ 840 يۋاننان 2 مىڭ 800 يۋانعا جوعارىلاعان. مۇندا تاماق قاراجاتى ءبىر مىڭ 450 يۋان، وقۋلىق قاراجاتى 130 يۋان، كۇتىمدەۋ قاراجاتى ءبىر مىڭ 100 يۋان، جىلۋمەن قامدالۋ قاراجاتى 120 يۋان، تۇتاس تارباعاتاي ايماعىنىڭ اۋىل-قىستاقتارىندا 3 جىلدىق بالالار باقشاسى تاربيەسىن قابىلداپ وتىرعان جانە قالاداعى نەگىزگى قالا رايونىنان باسقا بارلىق 3 جىلدىق بالالار باقشاسىندا وقىپ جاتقان بالالار يگىلىكتەنەدى ەكەن. تولى اۋداندىق قازىنا مەكەمەسى وقۋ-اعارتۋ، عىلىم-تەحنيكا، مادەنيەت ىستەرى ءبولىمىنىڭ باستىعى لي شۇيحۇي: اۋدانىمىز ءبىرىنشى توپتا اۋىل-قىستاق بالالار باقشاسى تاربيەسىن قامتاماسىزداندىرۋ قاراجاتىنان 790 مىڭ يۋان تياناقتاندىردى، 4 مىڭ 330 بالا يگىلىگىن كورەدى،-دەدى. تولى اۋدانىنىڭ تۇرعىنى مەيىرگۇلدىڭ 2 بالاسى بالا باقشادا وقيتىندىقتان، قاتىستى قوسىمشا قاراجاتتان يگىلىكتەنىپتى. ول: 2 بالام اۋداندىق 1-بالالار باقشاسىندا وقيدى. بيىل قوسىمشا قاراجات ولشەمى جوعارىلاپتى، بۇعان ايرىقشا قۋانىشتامىز، مەملەكەتتىڭ ابزال ساياساتىنا ءدان ريزامىز،-دەدى.
شاۋەشەك قالاسى بيىل، اۋىل-قىستاق بالالار باقشاسى تاربيەسىن قامتاماسىزداندىرۋ قاراجاتىنان 10 ميلليون 973 مىڭ يۋان تياناقتاندىرىپ، 4 مىڭ 110 بالا يگىلىگىن كورەدى ەكەن. قازىرگە دەيىن بۇل قارجىنىڭ 490 مىڭ يۋانىن تياناقتاندىرعان. شاۋەشەك قالالىق 1-بالالار باقشاسىندا وقيتىن بالانىڭ اكەسى شالقار: بۇرىن بالالار باقشاسىندا وقۋلىق قاراجاتى، كۇتىمدەۋ قاراجاتى سياقتىلار الىنىپ، اتا-انالارعا ەكونوميكالىق سالماق تۇسەتىن، قازىر مۇنىڭ بارلىعى كەشىرىم ەتىلىپ، اۋىرتپالىعىمىز جەڭىلدەدى. بيىل قوسىمشا قاراجات ولشەمى جوعارىلاپتى، بالالار باقشاسى ورتاسىنىڭ شارت-جاعدايى جاقسارىپ، وقىتۋ، ويىن ويناۋ جابدىقتارى مولايا ءتۇستى،-دەدى.
تارباعاتاي ايماقتىق قازىنا مەكەمەسى وقۋ-اعارتۋ، عىلىم-تەحنيكا، مادەنيەت ىستەرى ءبولىمىنىڭ باستىعى ما دۇڭشىڭ: بالالار باقشاسى تاربيەسىن قامتاماسىزداندىرۋ مەحانيزمىنىڭ اتقارىلۋى تارباعاتاي ايماعى بالالار باقشاسى تاربيەسىندە قالا مەن اۋىل بىركەلكى بولماۋ، اۋىل-قىستاقتا بالالار باقشاسى تاربيەسى بايلىق قاينارى كەمشىل بولۋ، ۇسىنىلىم جەتكىلىكسىز بولۋ سىندى ماسەلەلەردى شەشىپ، بالالار باقشاسى «قوس ءتىل» تاربيەسىنىڭ جۇيەلەنۋىن قولداۋ جاعىنداعى ساياساتتىق شارالاردى اناعۇرلىم كەمەلدەندىرىپ، بالالار باقشاسى «قوس ءتىل» تاربيەسىنىڭ جالپىلاسۋىنا نەگىز قالادى،-دەدى.
ءان الەمى

جول توسىلىپ قالدى

تۇلپارىم