باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

شي جينپيڭ پالەستينا مەملەكەتىنىڭ زۇڭتۇڭى ابباسپەن كەڭەس وتكىزدى

    كەلۋ قاينارى: شينجياڭ گازەتى    2017-07-19 18:39:43  

ەكى ەل باسشىلارى جۇڭگو مەن پالەستينانىڭ دوستىق سەلبەستىك ىستەرىنىڭ جاپپاي دامۋىن ىلگەرىلەتۋدى ءبىر اۋىزدان باسا دارىپتەدى

 شينحۋا اگەنتتىگىنىڭ 18 - شىلدەدە بەيجيڭنەن بەرگەن حابارى. مەملەكەت ءتوراعاسى شي جينپيڭ 18 - شىلدە كۇنى حالىق سارايىندا جۇڭگوعا مەملەكەت ىستەرى ساپارىمەن كەلگەن پالەستينا مەملەكەتىنىڭ زۇڭتۇڭى ابباسپەن كەڭەس وتكىزدى.
  شي جينپيڭ بىلاي دەپ اتاپ كورسەتتى: جۇڭگو مەن پالەستينا ەلدەرىنىڭ دوستىعىنىڭ تامىرى ارىدا جاتىر، جۇڭگو − پالەستينا حالقىنىڭ ادىلەت ىستەرىن ەڭ ەرتە قولداعان، پالەستينا ازاتتىق ۇيىمى مەن پالەستينا مەملەكەتىن ەڭ ەرتە مويىنداعان مەملەكەتتەردىڭ ءبىرى. ەكى ەل حالىقتارى ءبىرىن - ءبىرى تۇسىنەدى، ءبىر - بىرىنە سەنەدى، ءبىرىن - ءبىرى قولدايدى، ناعىز ابزال دوستار، جاقسى سەرىكتەر، جاقسى باۋىرلاستار. سوڭعى جىلدارى جۇڭگو مەن پالەستينانىڭ جوعارى جىكتەگىلەرىنىڭ اراسىنداعى قارىم - قاتىناس جيىلەپ، ساياسي ءوزارا سەنىمى ءتىپتى نىعايىپ، ءار سالاداعى سەلبەستىكتەرى نىق قاداممەن دامىدى.   شي جينپيڭ بىلاي دەپ باسا دارىپتەدى: جۇڭگو پالەستينامەن بىرگە قۇلشىنىپ، ساياسي جاقتا ءوزارا قولداۋدى ۇزدىكسىز بەكەمدەپ، سايكەسۋ مەن سەلبەسۋدى كۇشەيتىپ، جوعارى جىكتەگىلەر اراسىنداعى قارىم - قاتىناستى ساقتاپ، ەكى ەلدىڭ ءار سالاداعى سەلبەستىگىن ۇزدىكسىز ىلگەرىلەتۋدى قالايدى.
  جۇڭگو پالەستينانىڭ ءبىر جۇڭگو ساياساتىن باستان - اياق اتقارعانىن القايدى، پالەستينا حالقىنىڭ ۇلتتىڭ زاڭدى ۇقىق - مۇددەسىن قالپىنا كەلتىرۋدەي ادىلەتتى ءىسىن بۇرىنعىداي قولداي بەرەدى. جۇڭگو پالەستينامەن بىرگە «ءبىر بەلدەۋ، ءبىر جولدى» قۇرۋدى قالايدى، قۋاتتى، جاعدايى كەلەتىن كاسىپورىنداردىڭ پالەستيناعا بارىپ قارجى قوسۋ سەلبەستىگىن ورىستەتىپ، ءوزارا پايدا جەتكىزىپ، تەڭ يگىلىككە كەنەلۋدى جۇزەگە اسىرۋىن قولدايدى. ءبىز پالەستينا جاقپەن ونەركاسىپ رايونى قۇرىلىسى، دارىندىلار تاربيەلەۋ جانە كۇن ەنەرگيا ەلەكتر ستانسياسى نىسانى سياقتى جاقتاردا سەلبەستىك جاساپ، پالەستينانىڭ دەربەس دامۋ قابىلەتىن وسىرۋىنە كومەكتەسۋدى قالايمىز. ەكى جاق مادەنيەت، وقۋ - اعارتۋ، عىلمي زەرتتەۋ، پارتيالار ارا قارىم - قاتىناس، جەرگىلىكتى ورىندار، حالىقتىق، جاستار سياقتى ءار سالانىڭ ءار جىگىندەگى بارىس - كەلىس پەن سەلبەستىكتى ۇزدىكسىز كۇشەيتىپ، ەكى ەل حالىقتارىنىڭ دوستىعىن ۇزدىكسىز ىلگەرىلەتۋى كەرەك.
  شي جينپيڭ پالەستينا ماسەلەسىنىڭ شەشىلۋىن ىلگەرىلەتۋ جونىندە مىناداي 4 دارىپتەمەنى العا قويدى:
  ءبىرىنشى، «ەكى ەل جوباسىن» نەگىز ەتكەن ساياسي جولمەن شەشۋدى باتىل ىلگەرىلەتۋ. جۇڭگو «ەكى ەل جوباسىن» باتىل قولدايدى، 1967 - جىلعى شەكارانى نەگىز ەتە وتىرىپ، شىعىس يەرۋساليمدى استانا ەتكەن، تولىق يەلىك ۇقىقتى، تاۋەلسىز پالەستينا مەملەكەتىن قۇرۋدى قولدايدى، پالەستينا ماسەلەسىن شەشۋدە سىندارلى رولىن بۇرىنعىداي ساۋلەلەندىرە بەرەدى.
  ەكىنشى، ورتاق، امبەباپ، سەلبەسكەن، باياندى حاۋىپسىزدىك كوزقاراسىنا تاباندى بولۋ. جۇڭگو ب م ۇ حاۋىپسىزدىك القالار كەڭەسىنىڭ 2334 - ءنومىرلى قاۋلىسىن شىن مانىندە تياناقتاندىرىپ، جاۋلانعان تەرريتوريادا بارلىق قونىس سالۋ ارەكەتتەرىن تاباندا توقتاتىپ، دەرەۋ شارالار قولدانىپ، جاي حالىققا باعىتتالعان زورلىقتى كۇش ارەكەتتەرىنەن ساقتانۋعا ۇندەيدى. كەلىسسوزدى تەزىرەك قالپىنا كەلتىرىپ، پالەستينا ماسەلەسىن جەدەل ساياسي جولمەن شەشىپ، ورتاق، باياندى حاۋىپسىزدىكتى تۇبىرىنەن جۇزەگە اسىرۋعا ۇندەيدى.
  ءۇشىنشى، حالىقارالىق قوعامنىڭ قۇلشىنىسىن ونان ارى سايكەستىرىپ، بەبيتىشىلىكتى جەبەۋدىڭ بىرىككەن كۇشىن ۇلعايتۋ. حالىقارالىق قوعام ونان ارى سايكەسىپ، بىرگە ات سالىسۋداي بەيبىتشىلىكتى جەبەۋ شارالارىن تەزىرەك العا قويۋى كەرەك. جۇڭگو پالەستينا ماسەلەسىن ساياسي جولمەن شەشۋگە ءتيىمدى بارلىق قۇلشىنىستارعا ات سالىسۋدى جانە ونى قولداۋدى، وسى جىل ىشىندە پالەستينا مەن يزرايلدىڭ بەبيىتشىلىكتى جاقتاۋشى تۇلعالارىنىڭ زەرتتەۋ - تالقى جيىنىن اشىپ، پالەستينا ماسەلەسىن شەشۋگە اقىل كورسەتىپ، ءجون سىلتەۋدى قالايدى.
  ءتورتىنشى، كەشەندى شارالار قولدانىپ، دامۋ ارقىلى بەيبىتشىلىكتى جەبەۋ. ساياسي كەلىسسوزدى ىلگەرىلەتۋمەن قاتار، دامۋ ماسەلەسىنە بارىنشا ءمان بەرىپ، پالەستينا - يزرايل سەلبەستىگىن ىلگەرىلەتۋ كەرەك. جۇڭگو پالەستينا مەن يزرايلدى «ءبىر بەلدەۋ، ءبىر جول» جەلىسىنىڭ بويىنداعى ماڭىزدى سەرىك دەپ بىلەدى، دامۋ ارقىلى بەيبىتشىلىكتى جەبەۋ ۇستانىمىن باسشىلىققا الا وتىرىپ، ءوزارا ءتيىمدى سەلبەستىكتەر ورىستەتىپ، پالەستينانىڭ جەدەل دامۋىن ۇزدىكسىز قولداۋدى قالايدى. جۇڭگو جۇڭگو، پالەستينا، يزرايل − ءۇش جاقتىڭ ديالوگ مەحانيزمىن ىسكە قوسىپ، پالەستيناعا كومەكتەسەتىن ءتۇيىندى نىسانداردى سايكەستى تۇردە ىلگەرىلەتۋدى دارىپتەيدى.
  ابباس بىلاي دەدى: پالەستينا مەن جۇڭگونىڭ ءداستۇرلى دوستىعى ماڭگى التىنداي جارقىراپ تۇرادى. پالەستينا ۇلى جۇڭگونىڭ پالەستينانىڭ ۇلتتىق ادىلەت ءىسىن باستان - اياق قولداعانىنا العىس ايتىپ، ءبىر جۇڭگو ساياساتىن، جۇڭگونىڭ مەملەكەتتىڭ تۇتاستىعىن جۇزەگە اسىرۋىن ۇزدىكسىز قولدايدى. پالەستينا جۇڭگونىڭ ەكونوميكالىق، قوعامدىق دامۋدا قول جەتكىزگەن زور جەتىستىكتەرىن قۇتتىقتايدى ءارى وعان سۇيىنەدى، جۇڭگومەن جوعارى جىكتەگىلەر اراسىنداعى جانە ءار سالاداعى قارىم - قاتىناستى نىعايتىپ، «ءبىر بەلدەۋ، ءبىر جولدى» بىرگە قۇرۋعا بەلسەنە ات سالىسىپ، پالەستينا مەن جۇڭگونىڭ ەكونوميكا، عىلىم - تەحنيكا، نەگىزدىك قۇرىلعى، ونەركاسىپ باقشا رايونى، ساياحات سياقتى سەلبەستىكتەرىن كەڭەيتۋدى قالايدى. پالەستينا جۇڭگونىڭ پالەستينا ماسەلەسىن ساياسي جولمەن شەشۋدى ىلگەرىلەتۋ جونىندە العا قويعان سىندارلى دارىپتەمەسىن جوعارى باعالايدى ءارى قولدايدى، جۇڭگونىڭ ورتا شىعىستىڭ بەيبىتشىلىك بارىسىندا ءتىپتى زور رول ساۋلەلەندىرگەنىن كورگىسى كەلەدى.
  كەڭەستەن كەيىن، ەكى ەل باسشىلارى ديپلوماتيا، ەكونوميكا، ادام تاربيەلەۋ جانە مادەنيەت سياقتى سالالارداعى ەكى جاقتى سەلبەستىك حۇجاتتارىنىڭ قول قويىلۋ ساتىنە كۋا بولدى. ابباس شي جينپيڭگە «پالەستينا مەملەكەتىنىڭ ەڭ جوعارى وردەنىن» سيلاپ، جۇڭگونىڭ پالەستينانىڭ ادىلەت ىستەرىن قولداعانىنا شىنايى العىسىن ءبىلدىردى جانە شي جينپيڭنىڭ ءوز باسىنا وسكەلەڭ قۇرمەت ءبىلدىردى. شي جينپيڭ بۇعان العىس ايتىپ، مۇنىڭ پالەستينانىڭ جۇڭگو - پالەستينا قاتىناسىنا بارىنشا ءمان بەرگەنىن ايگىلەيتىنىن، جۇڭگونىڭ ۇزاق ۋاقىتتان بەرى پالەستينا ماسەلەسىندە ادىلەت مايدانىندا تاباندى بولعانىنا قاراتقان القاۋ مەن تۇراقتاندىرۋ ەكەنىن، جۇڭگو جۇڭگو مەن پالەستينانىڭ ەكى جاقتى قاتىناسىنىڭ جانە ورتا شىعىستىڭ بەيبىتشىلىك بارىسىنىڭ ۇزدىكسىز العا دامۋىن بۇلجىماي ىلگەرىلەتەتىندىگىن اتاپ كورسەتتى.
  كەڭەستىڭ الدىندا، شي جينپيڭ حالىق سارايىنىڭ شىعىس قاقپاسىنىڭ سىرتىنداعى الاڭدا ابباسقا ارناپ قارسى الۋ سالتىن وتكىزدى. مەملەكەتتىك حالىق قۇرىلتايى تۇراقتى كوميتەتىنىڭ ورىنباسار باستىعى جاڭ باۋۋىن، مەملەكەتتىك كەڭەستىڭ مۇشەسى ياڭ جيەچى، مەملەكەتتىك ساياسي كەڭەستىڭ ورىنباسار ءتوراعاسى ۋاڭ جىڭۋي كەڭەسكە قاتىناستى.

ءان الەمى

جول توسىلىپ قالدى

تۇلپارىم