باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

بوسقا ءوتىپ جاتقان ۋاقىتتىڭ 7 بەلگىسى

    كەلۋ قاينارى: شينجياڭ حالىق راديو ىستانسياسى    2017-07-23 01:00:19  
ومىردە ءاربىر ءسات، ءاربىر مينۋت باعالى. ال ونىڭ باعاسىن ءبىلىپ، ءتيىمدى پايدالانۋ ءوز قولىڭدا. ءتىپتى بۇكىل ۋاقىتىڭدى ءبىر ىسكە ارناپ، بولماسا بۇكىل ءومىرىڭدى بوسقا وتكىزۋگە دە بولادى.
بۇگىندە ۋاقىتتى ءتيىمدى پايدالانىپ ءجۇرمىز بە؟ اسىرەسە 21-عاسىردىڭ «تۇرعىنى» ءۇشىن ۋاقىتتى بوسقا وتكىزۋدىڭ سان جولى بار. ءتيىمدى پايدالانۋدىڭ دا سان جولى بار ەكەن. ال ءسىز ءوز ۋاقىتىڭىزدى ءتيىمدى پايدالانىپ ءجۇرسىز بە؟ الدە ۋاقىتتىڭ قالاي ءوتىپ كەتكەنىن سەزبەي دە قالاسىز با؟ وسى ورايدا بوسقا ءوتىپ جاتقان ءومىردىڭ 7 بەلگىسى جايلى ايتا كەتكەندى ءجون ساناپ وتىرمىز.
1. ۋاقىتىڭىزدى تۇككە تۇرعىسىز دۇنيەلەرگە جۇمسايسىز. ينتەرنەتكە كىرۋ، ۆيدە ويىندار ويناۋ، تەلەديدار قاراۋ، الكوگولدى ىشىمدىكتەر ءىشۋ، ت. ب. بۇل ءتىزىمدى جالعاستىرا بەرۋگە بولادى. ول ءۇشىن كوپ ۋاقىتىڭىزدى نەگە كوپ ارنايتىنىڭىزدى سارالاڭىز. كەرەك ەمەسىنەن تەزىرەك ارىلۋعا تىرىسىڭىز.
2. ءوز ومىرىڭىزگە كوپ شاعىمداناسىز. ءوز ءومىرىڭىز، كورگەن كۇنىڭىز، قىزمەتىڭىز، باستىعىڭىز، كورشىلەرىڭىز ۇنامايدى. دوستارىڭىزعا ولار تۋرالى ءجيى شاعىمداناسىز. نەگىزى ولاي شاعىمدانىپ بوسقا ۋاقىت وتكىزۋدىڭ قاجەتى دە جوق. ولارعا اينالاڭىزداعى جاقسى ادامدار، يگى ىستەر تۋرالى ايتىڭىز. جاعىمسىز ويلار مەن پىكىرلەردەن اۋلاق بولىڭىز.
3. شابىتتىڭ نە ەكەنىن سەزىنە بەرمەيسىز. كوپ ادامدار وزىنە نە قىزىق ەكەنىن بىلسە دە، بىلەك سىبانا كىرىسپەيدى. سەبەبى ونى باستار جول قيىنداۋ بولعانمەن، ءبىر باستاعاننان كەيىن جالعاستىرۋ وڭاي. ويتكەنى كەز كەلگەن ادام ءوزى قالاعان ءىستى باستاعاننان كەيىن شابىتتانا تۇسەدى. ىستەگەن ءىسىنىڭ راحاتىن سەزىنەدى. ول ءۇشىن ءوزىڭدى ءجيى رۋحتاندىرىپ تۇرۋىڭ قاجەت.
4. بولاشاققا جوسپار جاسامايسىز. بوسقا ءوتىپ جاتقان ۋاقىتتىڭ ءبىر بەلگىسى - جوسپارسىز ءومىر ءسۇرۋ. كەيبىرەۋلەر جوسپار جاساۋعا بولمايدى دەپ ايتىپ جاتادى. بۇل - نەگىزى ەرىنشەكتىڭ ءسوزى. سەبەبى الدىنا جوسپار، ماقسات قويعان ادام عانا باعىت العان شىڭىن باعىندىرا الادى. ال جوسپار جاساۋ - ەشقاشان كەش ەمەس. وسىعان دەيىن الدىڭا ماقسات، جوسپار جاساماي ۋاقىت وتكىزىپ كەلسەڭ، قازىردەن باستاپ جوسپار جاساي بەرۋىڭە بولادى.
5. اسا قاجەت ەمەس دۇنيەلەرگە كوپ اقشا جۇمسايسىز. سوڭعى ۇلگىدە جاڭارعان گادجەتتەردى الۋعا ۇمتىلاسىز. ول ءۇشىن نەسيە نەمەسە قارىزعا اقشا الىپ ساتىپ الاتىندار دا بار. شىن مانىندە، ومىردە اسا ماڭىزدى سول سمارتفون نەمەسە پلانشەتتەر ەمەس ەكەنىن بىلەتىن دە بولارسىز. سوندىقتان دا بوسقا اقشا شاشپاۋعا تىرىسىڭىز. اقشا تابۋ ءۇشىن دە ۋاقىتتىڭ قاجەت ەكەنىن ەستەن شىعارماڭىز.
6. ءسىز ءۇشىن دەمالىس تا، ۇيقى دا ماڭىزدى. دەمالىس كۇندەرىندە تىنىعۋدى ۇيقىمەن بايلانىستىرساڭىز قاتتى قاتەلەسەسىز. سونداي-اق كوپ ۋاقىتىڭىزدى ۇيقىمەن وتكىزبەڭىز. ۇيقى ەرەجەسىن ۇستانساڭىز كۇنى بويى سەرگەك جۇرۋگە بولادى.
7. سالاۋاتتى ءومىر سالتىن ساقتانبايسىز. قىم-قۋىت تىرشىلىكپەن ءجۇرىپ دەنساۋلىققا، سپورتپەن شۇعىلدانۋعا ءمان بەرە بەرمەيسىز. مۇنىڭ ءوزى بوسقا ءوتىپ جاتقان ۋاقىتتىڭ ءبىر بەلگىسى. سەبەبى ومىردە باستى بايلىق - دەنساۋلىق. ال دەنساۋلىقتىڭ مىقتى بولۋى - ءجيى سپورتپەن شۇعىلدانۋ، جاتتىعۋ جاساۋمەن دە تىعىز بايلانىستى. سوندىقتان دا دەنساۋلىعىڭىزعا ءجىتى ءمان بەرىپ، سالاۋاتتى ءومىر سالتىن ساقتانىڭىز
ءان الەمى

جول توسىلىپ قالدى

تۇلپارىم