باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

شينجياڭ جەڭىل اتلەتيكا 400 مەترلىك بوگەتتەن سەكىرىپ جۇگىرۋ ءتۇرىنىڭ سپورتشىلارى مەملەكەتتىك 13-كەزەكتى سپورت جينالىسىنا شۇعىل دايىندالۋدا

    كەلۋ قاينارى: شينجياڭ حالىق راديو ىستانسياسى    2017-07-26 11:39:19  
ءتاڭىرتاۋ تورابىنىڭ حابارى: مەملەكەتتىك 13-كەزەكتى سپورت جينالىسى باسەكەلىك جارىسىنا از كۇن قالدى. شينجياڭ جەڭىل اتلەتيكا 400 مەترلىك بوگەتتەن سەكىرىپ جۇگىرۋ ءتۇرىنىڭ سپورتشىلارى ۋاقىتتى مىقتى يگەرىپ جارىسقا شۇعىل دايىندالۋدا. كەشە تۇستەن بۇرىن، ءتىلشى شينجياڭ دەنە تاربيە ورتالىعى ۋينۆەرسال جاتتىعۋ سارايىنا بارىپ، سپورتشىلاردىڭ جارىسقا دايىندىق كورۋ جاعدايىمەن تانىسىپ قايىتتى.
ساعات 10 نان 30 مينۋت وتكەندە، ءتىلشى جاتتىعۋ الاڭىندا سپورتشىلاردىڭ سىرتقى الاڭدا دەنە قىزدىرۋ ارەكەتى مەن باياۋ جۇگىرۋ قاتارلى وتتەكتى جاتتىعۋلارىن جۇرگىزىپ جاتقانىن، سودان كەيىن، سپورت جابدىقتارىن اۋىستىرىپ، قايتالاي سىناق رەتىندە جۇگىرىپ، 400 مەترلىك بوگەتتەن سەكىرۋ جاتتىعۋىنا كىرىسكەنىن كوردى. باپكەر ۋي شانجۇن شينجياڭ ەرلەر جەڭىل اتلەتيكا 400 مەتر بوگەتتەن سەكىرىپ جۇگىرۋ جاتتىعۋ جۇمىسىنا جاۋاپتى، ول ءبىر جاعىنان بوگەتتەن سەكىرىپ جۇگىرۋدەن ۇلگى قيمىلىن كورسەتىپ، سپورتشىلارعا قايتكەندە ەڭ جاقسى جاتتىعۋ ناتيجەسىنە جەتۋگە بولاتىنىن ءتۇسىندىرىپ جاتتى. ول تىلشىگە: «قازىر سپورتشىلاردىڭ دەنساۋلىق جاعدايىنان جاتتىعۋ جاعدايىنا دەيىن بۇرىنعىعا قاراعاندا زور ىلگەرىلەۋ بار، كوپشىلىكتىڭ جاعدايى وتە جاقسى، جاتتىعۋ ناتيجەسى دە ويداعىداي»،-دەدى.
ۇعىسۋعا قاراعاندا، 400 مەترلىك بوگەتتەن سەكىرىپ جۇگىرۋ سپورتشىلارى ءار كۇنى تىنباي 6 ساعات جاتتىعۋ جۇرگىزەدى ەكەن، بۇلار دەنە ساپاسى جاتتىعۋىن، دەنە قۋاتى جاتتىعۋىن، كۇش جيناۋ جاتتىعۋىن جانە ارناۋلى جاتتىعۋلاردى قامتيدى. بۇدان سىرت، كاسىپتىك شيپاگەرلەر سپورتشىلاردىڭ دەنە قۋاتىن قالپىنا كەلتىرۋگە كومەكتەسەدى ەكەن.
مەملەكەتتىك سپورت جينالىسنىڭ تاياپ قالۋىنا بايلانىستى، سپورتشىلار جارىستان بۇرىنعى جاتتىعۋعا باسا ءمان بەرۋدە. 400 مەترلىك بوگەتتەن سەكىرىپ جۇگىرۋدەن 10 جىلدىق جاتتىعۋ تاجىريبەسى بار ۋاڭ ياڭ، بيىل وتەتىن مەملەكەتتىك جەڭىل اتلەتيكا جارىسىنىڭ سۋجوۋ بەكەتى جارىسىندا 49 سەكۋند 69 داقىلدىق ۇزدىك ناتيجەگە يە بولدى. ول: « جاتتىعۋ جاعدايىما كوڭىلىم تولادى، سپورتتىڭ بۇل تۇرىندە فۋجيان كومانداسى مەن جىجياڭ كومانداسىنىڭ سپورتشىلارىنىڭ ناتيجەسى كورنەكتى. جارىستا ءوز رولىمدى جاقسى ساۋلەلەندىرسەم، بۇل جولعى جارىستا اعا جۇلدەگەر بولۋمەن بىرگە، ءوزىمنىڭ بۇرىنعى ريكورتىمدى جاڭالاۋعا سەنىمىم بار»،-دەدى.
ءان الەمى

جول توسىلىپ قالدى

تۇلپارىم