باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

ولار اسكەري پاراتتى توتە تاراتۋدى تىڭداپ جانە كورىپ، ماقتانىش سەزىمگە بولەندى

    كەلۋ قاينارى: شينجياڭ حالىق راديو ىستانسياسى    2017-07-31 18:50:11  

ستانسيامىزدىڭ جيناق حابارىن تىڭداڭىزدار: 30-شىلدە تۇستەن بۇرىن، جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعىن قۇتتىقتاۋ اسكەري پاراتى جۋرىحى جاتتىعۋ بازاسىندا وتكىزىلدى. رايونىمىزدىڭ ءار ۇلت كادرلارى مەن بۇقاراسى جانە شينجياڭدا تۇراتىن اسكەري بولىمدەردەگى وفيتسەرلەر مەن اسكەرلەر توتە تاراتۋدى تىڭداپ، كورىپ، مەملەكەت ابرويىنىڭ ارميا ابرويى ەكەنىن سەزىنىپ، ماقتانىش سەزىمگە بولەندى.
اسكەري پاراتتا، سالتاناتتى ساپ تۇزەگەن جاۋىنگەرلەر اسقاق ايباتىن ايگىلەپ، %40 جابدىق تۇڭعىش رەت بوي كورسەتتى، توتە تاراتۋدى كورگەن شينجياڭ اسكەري رايونىنىڭ بەلگىلى ساۋىتتى اۆتوموبيل تۋانىنىڭ ورىنباسار يىڭجاڭى مۇرادىل مۇقتار قاتتى جەلپىنىپ بىلاي دەدى: «جىگەرىم تاسقىنداپ، سەنىمىم ەسەلەپ ارتتى، جۇڭگونىڭ جاۋىنگەرلەرى بولعان ءبىزدىڭ بارلىق جاۋ كۇشتەردى جەڭەرلىكتەي سەنىمىمىز بەن بەكىمىمىز بار. شينجياڭ اسكەري رايونى بەلگىلى زەڭبىرەكشى اسكەرلەر تۋانىنىڭ جاۋىنگەرى لي گوياڭ: «مەن وتانىمدى ماقتانىش ەتىپ، پارتيانىڭ قولباسشىلعىىنا قۇلاق اسىپ، شايقاستا جەڭىسكە جەتىپ، تاماشا ستيلدى ساقتايمىن، وتان مەنى قاجەت ەتسە بولعانى،ءسوزسىز، كەۋدە كەرە العا شىعىپ، قارۋىمدى سەرت ۇستاپ، حالىقتى، وتاندى قورعايمىن»،-دەدى.
90 جىلدىق تاريح حالىق ارمياسىنىڭ پارتيانىڭ قولباسشىلىعىنا بويسۇنىپ، وتان ءۇمىتىن ادالدىقپەن اقتاپ، جۇڭحۋا ۇلتتارىنىڭ ۇلى كوركەيۋى جولىندا قايسارلىقپەن كۇرەس جاسايتىن قاھارمەن ارميا ەكەندىگىن تولىق دالەلدەدى. وفيتسەرلەر مەن اسكەرلەر: پارتيا كورسەتكەن باعدار حالىق ارمياسىنىڭ ۇدىرە العا تارتاتىن باعدارى ەكەنىن ايتتى، شينجياڭ قوعام حاۋىپسىزدىگى شەكارا قورعانىس باس اترەتى بۇراتالا وبلىستىق قوعام حاۋىپسىزدىگى شەكارا قورعانىس تارماق اترەتى زاپاس ورتا اترەت ءبىرىنشى پايىنىڭ باستىعى دۋ ۋىنحاۋ: «قارۋلى ساقشى شەكارا قورعانىس اترەتىنىڭ ءبىر مۇشەسى رەتىندە، سەنىمىمىز بەن بەكىمىمىز كۇشتى. شەكارا رايوننىڭ قوعام ورنىقتىلىعى مەن تىنشتىعىن باتىل قورعاپ، لاڭكەستىككە قارسى تۇرىپ ورنىقتىلىقتى قورعاۋ شايقاسىندا باتىل جەڭىسكە جەتىپ، وتاننىڭ گۇلدەنىپ كوركەيۋىنە تيەسىلى ۇلەس قوسۋعا قۇلشىنامىن»،-دەدى.

مەملەكەتتى قۇدىرەتتەندىرۋ ءۇشىن،ءسوزجوق، ارميانى قۇدىرەتتەندىرۋ قاجەت، ارميانى قۇدىرەتتەندىرگەندە عانا مەملەكەت تىنىش بولادى. سالتاناتتى اسكەري پاراتتىڭ توتە تاراتىلۋىن تاماشالاعان كورەرمەندەر ايرىقشا ءسۇيىندى. اۆتونوميالى رايوندىق حالىق قۇرىلتايى تۇراقتى كوميتەتى زاڭ-ءتۇزىم قىزمەتى كوميتەتى ەكونوميكاعا قاتىستى زاڭ شىعارۋ باسقارماسىنىڭ ورىنباسار باستىعى باقتيار ءمىجيت بىلاي دەدى: «2009-جىلى بەيجيڭدەگى تيان-انىمىن الاڭىنا بارىپ اسكەري پاراتتى كورگەنىم ەسىمدە. بۇگىنگى كۇندە اسكەري جابدىق 2009-جىلداعىدان بارىنشا جاقساردى. ارميانىڭ قۇدىرەتتەنۋى وتاندى قۇدىرەتتەندىرىپ، تۇرمىسىمىزدى ونان ارى جاقسارتادى، ءبىز قىزمەت ورنىندا تاپجىلماي قۇلشىنا قىزمەت ىستەۋىمىز ءتيىس، سوندا عانا وتانىمىزدى قۇدىرەتتەندىرۋ، شينجياڭدى قۇدىرەتتەندىرۋ ىستەرىنە بۇرىنعىدان دا كوپ ۇلەس قوسا الامىز».
بيڭتۋان پارتكومى ساياسي-زاڭ كوميتەتىنىڭ ورىنباسار شۋجيى ۋاڭ جيانمين بىلاي دەدى: «توتەنشە جەلپىنىپ، ەرەكشە تەبىرەندىك. باس شۋجيدىڭ تالابى بويىنشا، پارتيانىڭ قولباسشىلىعىنا بويسۇنىپ، شايقاستا جەڭىسكە جەتۋ، ستيلى تاماشا بولۋ سەنىمىمىز بارىنشا كۇشەيدى، ساياسي-زاڭ شەبىنىڭ كادرى رەتىندە، باس شۋجيدىڭ شينجياڭدى جونگە سالۋ جالپى جوباسى بويىنشا، اۆتونوميالى رايوننىڭ ورنىقتىلىقتى قورعاۋ كەشەندى شارالارى مەن تالاپتارى جانە بيڭتۋان پارتكومىنىڭ ورنالاستىرۋىنا ساي، ەڭ وزىق حالىق جاساعىن قۇرۋدى مىقتى يگەرىپ، ءار جاقتىلى قىزمەتتى ورنىقتىرۋىمىز كەرەك».
ايباتتى اسكەري پارات مىعىم مەملەكەت قۋاتىن، اسكەري كۇشتى ايگىلەپ، ۇلت رۋحىن بارىنشا تاسقىنداتىپ، شينجياڭداعى ءار ۇلت كادرلارى مەن بۇقاراسىنىڭ وتاندى ءسۇيۋ قىزعىندىلىعىن ارتتىرىپ، جۇڭحۋا ۇلتتارىنىڭ ۇلى كوركەيۋى سىندى جۇڭگو ارمانىن ىسكە اسىرۋدىڭ مىزعىماس سەنىمىن ونان ارى بەكەمدەدى. ءۇرىمجى قالاسىنداعى ساۋدا ورنى حالىققا قولايلى ساقشى پۋنكتىنىڭ ورىنباسار باستىعى جاڭ رىن بۇرىن اسكەر بولعان ەكەن. ول: «ءبىرىنشى شەپتەگى حالىق ساقشىسى رەتىندە، الداعى جەردە ورنىقتىلىقتى قورعاۋ قىزمەتىن ونان ارى ءونىمدى ىستەپ، ونان ارى ويداعىداي تياناقتاندىرىپ، ساپامىزدى جوعارىلاتۋ ارقىلى قوعام ورنىقتىلىعى مەن باياندى تىنىشتىق باس نىساناسىن ورىنداۋىمىز كەرەك»،-دەدى.
حوتان قالاسى گۋجيانباق اۋىلى تامباقويلا قىستاعى تۇرعىندار كوميتەتىندە قىستاق تۇرعىندارى باس قوسىپ توتە تاراتۋدى كوردى. قىستاق پارتيا ياچەيكاسىنىڭ شۋجيى ابدۇرازاق روزىمامەت: «وتانىمىزدىڭ قۇدىرەتتىلىگىن، ارميامىزدىڭ كۇشتىلىگىن كوردىك. مەملەكەت ورنىقتى دامىسا، ءار ۇلت حالقى تىنىش، باقىتتى تۇرمىس كەشىرەدى، ءارقايسىمىز قۇلشىنىپ، جۇڭگو ارمانىن ورىنداۋعا ۇلەس قوسۋىمىز كەرەك»،-دەدى.
كۇنەس اۋدانى كۇنەس قالاشىعى دۇڭچىڭ الەۋمەتتىك اۋماعىنىڭ تۇرعىنى ابدىشۇكىر ابدىراحىمان: «56 ۇلت ءبىر نيەتتە بولىپ، پارتياعا العىس ايتىپ، پارتيانىڭ سوزىنە قۇلاق اسىپ، پارتياعا ىلەسىپ، ىنتىماقتاسىپ ءوزارا كومەكتەسىپ، شينجياڭنىڭ تىنىشتىعى مەن ىنتىماعىن قورعاۋىمىز كەرەك»،-دەدى.

ءان الەمى

جول توسىلىپ قالدى

تۇلپارىم