باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

جۇڭگونىڭ اۋە شابۋىلىنان قورعانۋ باسقارىلمالى بومبىشىلارى ەرەكشە ارىن بايقاتتى

    كەلۋ قاينارى: شينجياڭ حالىق راديو ىستانسياسى    2017-08-02 17:23:20  

ستانسيامىزدىڭ ءتىلشىسى چيۋ جيننىڭ جولداعان حابارىن تىڭداڭىزدار: «1-تامىز» ارميا قۇرىلۋ مەرەكەسىندە، جۇڭگو قۇرىلىق ارمياسى ۇستىنە الىپ وتكىزگەن «2017-جىلعى حالىقارالىق اسكەري جارىستىڭ» شينجياڭنىڭ كورلاسىنداعى جارىس رايونىندا ەكىنشى جارىس كۇنىندەگى بەلدەسۋ ءوتىپ، جۇڭگونىڭ اۋە شابۋىلىنان قورعانۋ باسقارىلمالى بومبىشىلارى ەرەكشە بەينە بايقاتىپ، كورەرمەندەردىڭ قىزۋ قارسى الۋىنا يە بولىپ، مەرەكەنى ەرەكشە ماعىنالى وتكىزدى.
كورەرمەندەردىڭ قىزۋ قول شاپالاق ءۇنى ىشىندە، جارىسقا قاتىناسقان ەلىمىز كومانداسى ءتورتىنشى بولىپ، ويلى-شۇڭقىر جولداردان نىسانانى بەتكە الىپ اتتاندى.
قايراڭنان، بەتكەيدەن ءوتىپ، تانكى جويعىش، اۆتوماتتى مىلتىق، كەڭىستىكتەگى نىسانانى اتاتىن پۋلەموت سياقتىلاردى ىسكە قوسىپ، باسقارىلمالى بومبىمەن كەڭىستىكتەگى نىسانانى اتتى.
ەڭ سوڭعى نىسانا اتۋ ورنىندا ــــ باسقارىلمالى بومبىمەن ۇقساتپالى تۇردە كەڭىستىكتەگى نىسانانى قۋالاپ اتۋ ءساتتى بولعاننان كەيىن، جارىسقا قاتىناسقان جۇڭگو كومانداسى 12 تۇردەن ەشقانداي اعاتتىق جىبەرمەي، التى تۇردەن تۇگەل نىساناعا ءدال تيگىزۋدەي جوعارى دەڭگەيمەن ءوز ەرەكشەلىگىن ويداعىداي ساۋلەلەندىرىپ جارىستى ءتامامدادى. جۇڭگو كومانداسىنىڭ مۇشەسى لو حۋادۇڭ بىلاي دەدى: بۇگىن تۋ باستان ويداعىداي دايىندالدىق، جارىستى جاتتىعۋ دەپ قارادىق. جارىستا تەك مەڭگەرۋ مەن تۇتاس بارىسى ويداعىداي جۇرگىزىلگەندە عانا، تالاپقا تولادى دەپ ويلادىق.
«اشىق اسپان» اتىنداعى اۋە شابۋىلىنان قورعانۋ باسقارىلمالى بومبىشىلارىنىڭ ونەر جارىسىندا، جارىسقا قاتىناسقاندار اۆتوماتتى مىلتىق، دالدىگى جوعارى پۋلەمەت، اۋە شابۋىلىنان قورعانۋعا پايدالانىلاتىن باسقارىلمالى بومبى سياقتى قارۋلارمەن جەردەگى جانە كەڭىستىكتەگى نىسانانى اتىپ، مىلتىق ورناتىلعان ساۋىتتى اۆتوموبيلىن جۇرگىزىپ، توسقاۋىلدان وتەدى. بۇل كورلا جارىس رايونىنداعى ءتورت جارىس ءتۇرىنىڭ ىشىندەگى، جارىسقا قاتىناسقان مەملەكەت، ادام سانى، پايدالانىلاتىن باسقارىلمالى بومبى ەڭ كوپ قولدانىلعان جارىس ءتۇرى، جارىس ەرەكشە قيان-كەسكى بولدى.
جارىسقا قاتىناسقان 7 ەلدىڭ سوڭعى ناتيجەسى جارىس اياقتاعان كۇننىڭ ەرتەسى جاريالاناتىن بولعانىمەن، ءبىراق كورەرمەندەردىڭ نازارىندا اعا جۇلدەگەر بەلگىلەنىپ بولدى. ءبىر كورەرمەن: «جارىس وتە قيان-كەسكى بولدى، ولار نىساناعا ءدال تيگىزدى، جاقسى جاتتىعىپتى، جاۋىنگەرلەردىڭ دەڭگەيى وتە جوعارى،»-دەسە؛ ەندى بىرەۋى: «وتە جاقسى، الگىندە تەك جۇڭگو كومانداسىنداعىلار عانا نىساناعا ءدال تيگىزدى، ارەكەتى دە وتە شيراقى دا شاپشاڭ، ولاردىڭ بۇگىنگى بەينەسى جۇڭگولىقتاردىڭ ماقتانىشى، ەلىمىزدىڭ اناعۇرلىم قۇدىرەتتەنە ءتۇسۋىن تىلەيمىن»،-دەدى.
جارىس سوڭىندا، جۇڭگو قۇرىلىق ارمياسىنىڭ اقپارات مالىمدەمەشىسى،شاڭشياۋ تان يىڭشۋاي تىلشىلىكتى قابىلداعاندا بىلاي دەدى: «اشىق اسپان» جارىسىن ءاسىلى 2 مىڭنان ارتىق كورەرمەن تاماشالايدى دەپ جوسپارلاعانبىز، جارىستى كورۋگە كەلگەندەردىڭ سانى 7 مىڭ ادامنان استى. اسكەري قوسىن سوعىستا جەڭىسكە جەتۋدە، حالىق بۇقاراسىنا سۇيەنەدى، جۇڭگو قۇرىلىق ارمياسىنىڭ قۇدىرەتتەنگەنى تەك قۇرىلىق ارمياسىنىڭ عانا قۇدىرەتتەنگەنى ەمەس، ول تاعى حالىق بۇقاراسىنىڭ قۇدىرەتتەنگەنىنىڭ بەينەسى، جۇڭگو حالقى بۇلجىماي تاباندىلىقپەن قولداعاندىقتان، جۇڭگو ارمياسى جەڭىسكە جەتپەي تىنبايتىن قۇدىرەتتى كۇشكە يە بولدى، بۇرىن دا، قازىردە، بولاشاقتا دا وسىلاي بولماق، ارميا مەن حالىق ىنتىماقتاسىپ، توننىڭ ىشكى باۋىنداي بولعاندا، جەڭبەيتىن جاۋى، المايتىن قامالى بولمايدى.

ءان الەمى

جول توسىلىپ قالدى

تۇلپارىم