باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

رايونىمىزدىڭ جەر-جەرى ساياحاتتىڭ قىزۋ ورلەۋگە كوتەرىلگەن تاماشا مەزگىلىن قارسى الدى

    كەلۋ قاينارى: شينجياڭ حالىق راديو ىستانسياسى    2017-08-04 12:43:20  
ءتاڭىرتاۋ تورابىنىڭ حابارى: تاياۋدان بەرى، رايونىمىزدىڭ جەر-جەرى ساياحاتتىڭ قىزۋ ورلەۋگە كوتەرىلگەن تاماشا مەزگىلىن قارسى الدى. مۇندا ساياحات ۇيىرمەلەرى مەن ساياحاتشىلار ساياحات جول باستاۋشىسىنا الدىن الا تاپسىرىس بەرىپ قانا قالماستان، اۆتوكولىك، جاتىن ورىن سياقتىلارعا دا كۇنى بۇرىن تىزىمدەلدى. ۇعىسۋعا قاراعاندا، ساياحات كورىنىس رايوندارىنىڭ ماڭىنداعى مەيمانسارايلار مەن قوناق ۇيلەرگە تامىز ايىندا نەگىزىنەن الدىن الا تاپسىرىس بەرىلىپ بولعان، اۋەلى كەيبىر قوناق ۇيلەرگە قازان ايىنا دەيىن تاپسىرىس بەرىلگەن. رايونىمىزدا تۇرپان، قاناس سياقتى كوپتەگەن ايگىلى ساياحات ورىندارىنا ساياحاتشى كوپتەپ كەلە باستاعان. ناقتىلى ساندى مالىمەتكە نەگىزدەلگەندە، قاناس ساياحات كورىنىس رايونى بيىلعى جىلدىڭ الدىڭعى جارتىسىندا ساياحاتشى قابىلداۋ مولشەرى مەن ساياحات كىرىسىندە قاتارىنان جىلدام ارتۋ جاعدايىن ساقتاعان؛ قاڭتاردان ماۋسىم ايىنا دەيىن قاناس 471 مىڭ 65 ادام-رەت ساياحاتشى قابىلداعان، بۇل وتكەن جىلدىڭ وسى مەزگىلىندەگىدەن %68.4 ارتىق؛ ال ساياحات كىرىسى 379 ميلليون يۋان بولىپ، وتكەن جىلدىڭ وسى مەزگىلىندەگىدەن %71.2 ارتقان. مۇندا ساياحاتشىلار رايونىمىز سىرتىنداعى ساياحاتشىلاردى نەگىز ەتكەن، ال رايونىمىز ىشىندەگى ساياحاتشى مولشەرى جالپى ساننىڭ تەك %23.3 ىن عانا يەلەگەن.قاناس ساياحات كورىنىس رايونىن باسقارۋ كوميتەتىنە قاراستى ساياحات مەكەمەسىنىڭ باستىعى لي حۋا تانىستىرىپ بىلاي دەدى: ساياحاتشى سانى وتكەن جىلداعىدان نەداۋىر مولشەردە ارتتى؛ قازىرگى ساياحات ۇيىرمە سيپاتىنداعى توپتىق ساياحاتتى نەگىز ەتەدى، ساياحاتشىلاردىڭ كوبى بەيجيڭ، شاڭحاي، جياڭسۋ، جىجياڭ سياقتى ىشكەرىدەگى ەكونوميكاسى دامىعان ولكە-قالالاردان كەلگەندەر.
ءان الەمى

جول توسىلىپ قالدى

تۇلپارىم