باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

تۋىم ايقىن تۇردە بولشەكتەۋشىلىككە قارسى تۇرامىن، تۇرعىم بەرىك تۇردە پارتياعا ىلەسەمىن

    كەلۋ قاينارى: xjbs    2017-08-12 19:59:11  

قارامايلى قالالىق ساياسي كەڭەس پارتيا باسشىلىق گرۋپپاسىنىڭ ورىنباسار شۋجيى، ءتوراعا بۇرحان قاھار

مەنىڭ شينجياڭدا جاساعانىما 54 جىل بولدى، مەن وسى جەردى قىزۋ سۇيەمىن، شينجياڭنىڭ سوڭعى جىلدارداعى وزگەرىسىندە جەر مەن كوكتەي پارىق بولدى دەۋگە بولادى. مەن جۇڭگو كوممۋنيستىك پارتياسىنىڭ باسشىلىعىندا ءبىزدىڭ تۇرمىسىمىزدىڭ بارعان سايىن جاقساراتىنىن، بولاشاعىمىزدىڭ ءتىپتى نۇرلى بولاتىنىن تەرەڭ سەزىندىم.

  قارامايلى قالاسىنىڭ 60 جىلدان استام دامۋ تاريحىنا كوز جىبەرەر بولساق، ءبىز قالاداعى ءار دارەجەلى پارتيا ۇيىمدارىنىڭ پارمەندى باسشىلىعىندا، وسىناۋ «سۋسىز، قاعىر، قۇلان جورتپاس» قۋمەديان دالادا ەلىمىزدىڭ باتىسىنداعى العاشقى 10 ميلليون توننالىق ءىرى مۇناي الابىن، باتىس بولەكتەگى ەڭ ءىرى مۇناي ايىرۋ، حيميا ونەركاسىپ بازاسىن، باتىس تەرىستىك 5 ولكە بويىنشا ايماق دارەجەلى العاشقى «مەملەكەتتىك وركەنيەتتى قالانى» قۇرىپ شىقتىق، قارامايلى ىلگەرىندى - كەيىندى مەملەكەتتىك تازا قالا، ورتانى قورعاۋداعى مەملەكەتتىك ۇلگىلى قالا، مەملەكەتتىك تاڭداۋلى ساياحات قالاسى، جۇڭگوداعى ادام قونىستانۋدان ۇلگى كورسەتۋ سيلىعى قاتارلى داڭقتارعا يە بولدى. وسىنداي جەتىستىكتەرگە بۇكىل قالاداعى ءار ۇلت ۇلاندارىنىڭ ىنتىماقتاسا كۇرەس جۇرگىزىپ، قايسارلىقپەن قۇلشىنۋىنىڭ ارقاسىندا قول جەتكەن، ونى ىستىق قانىمىزبەن جانە ومىرىمىزبەن قورعاۋعا ابدەن تاتيدى.  

 «ءۇش ءتۇرلى كۇش» «ۇلتتى»، «ءدىندى» جەلەۋ ەتىپ، ۇلتتىق قايشىلىققا جانە ۇلتتىق وشپەندىلىككە ايتاقتاپ، زورلىقتى كۇش، لاڭكەستىك دەلولارىن تۋدىرىپ، شينجياڭداعى ءار ۇلت بۇقاراسىنىڭ ءومىرى مەن مال - مۇلكىنىڭ حاۋىپسىزدىگىنە اۋىر قاتەر ءتوندىرىپ، شينجياڭنىڭ تىنىش، ىنتىماقتى جالپى جاعدايىن اۋىر دارەجەدە ءبۇلدىردى، بۇل «ءۇش ءتۇرلى كۇشتىڭ» ادامزاتقا قارسى، قوعامعا قارسى، وركەنيەتكە قارسى جاۋىز كەيىپ - كەسپىرىن پاش ەتتى. «ءۇش ءتۇرلى كۇشپەن» كۇرەس − ۇلت ماسەلەسى ەمەس، ءدىن ماسەلەسى دە ەمەس، قايتا وتان تۇتاستىعىن، ۇلتتار ىنتىماعىن، ءار ۇلت بۇقاراسىنىڭ ءتۇبىرلى مۇددەسىن قورعايتىن، پارتيانىڭ بيلىك جۇرگىزۋ ورنىن بەكەمدەيتىن قاتاڭ ساياسي كۇرەس. ءبىز باس شۋجي شي جينپيڭنىڭ مەملەكەتتىك 12 - كەزەكتى حالىق قۇرىلتايىنىڭ 5 - ءماجىلىسى كەزىندە شينجياڭ ۋاكىلدەر ۇيىرمەسىنىڭ تالقىسىنا قاتىناسقانداعى سويلەگەن ماڭىزدى ءسوزىنىڭ رۋحىن ،ءسوز جوق، باتىل دايەكتىلەندىرىپ، تياناقتاندىرىپ، ج ك پ اۆتونوميالى رايوندىق 9 - كەزەكتى كوميتەتى ەكىنشى جالپى (كەڭەيتىلگەن) ءماجىلىسىنىڭ رۋحىن ويداعىداي دايەكتىلەندىرىپ، تياناقتاندىرىپ، تىعىز ىنتىماقتاسىپ، جەدەل ىسكە كىرىسىپ، ادىلەت ءۇنىن قاتىپ، ادىلەت ارەكەتىن ىستەپ، ادىلەت پوزيتسياسىن ءبىلدىرىپ، قۇرىش قامال سوعىپ، اسپاندا تور، جەردە قاقپان قۇرۋىمىز كەرەك.

  20 جىلدىق شتاجى بار پارتيا مۇشەسى، از ۇلتتان شىققان باسشى كادر رەتىندە، مەن ۇلتتار ىنتىماعىن جەبەۋ، ۇلتتىق بولشەكتەۋشىلىككە قارسى تۇرۋ، ءدىني ۇشقارىلىقتى تەجەۋ سياقتى جاقتاردا باتىلدىقپەن جاۋاپكەرشىلىك ارقالاپ، بەلسەنە ىسكە كىرىسىپ، ءىس جۇزىندىك ارەكەتىم ارقىلى ۇلگى بولامىن:  

 ءبىرىنشى، پارتياعا ابسوليۋتتى ادال بولامىن. اماليات مىنانى دالەلدەدى: كوممۋنيستىك پارتيانىڭ دۇرىس باسشىلىعى بولماسا، شينجياڭنىڭ بۇگىنگىدەي گۇلدەنۋى، شينجياڭداعى ءار ۇلت حالقىنىڭ باقىتتى تۇرمىسى بولماق ەمەس. سۋ ىشكەندە قۇدىق قازۋشىنى ۇمىتپا، پارتيا − جۇڭگوشا سوتسياليزم ىستەرىنىڭ باسشىلىق ۇيتقىسى، ءبىزدىڭ جول باستاۋشىمىز، پارتيالى باسشى كادر رەتىندە، مەن «4 تانىمدى» مىقتاپ ورناتىپ، باس شۋجي شي جينپيڭنىڭ باسشىلىق ۇيتقىلىق ورنىن باتىل قورعاپ، پارتيا ورتالىق كوميتەتىنە، پارتيانىڭ نازارياسى مەن لۋشيان، باعىت - ساياساتتارىنا قاراي باتىل ساپ تۇزەپ، پارتياعا ماڭگى العىس ايتىپ، پارتيانىڭ سوزىنە قۇلاق اسىپ، پارتياعا ىلەسەمىن.

  ەكىنشى، «ءۇش ءتۇرلى كۇشپەن» سوڭىنا دەيىن باتىل كۇرەسەمىن. «ورنىقتىلىق − قۇت، بۇلگىنشىلىك − جۇت» ەكەنىن جەتە ءتۇسىنىپ، «ءۇش ءتۇرلى كۇشتىڭ» شينجياڭداعى ءار ۇلت حالقىنىڭ ورتاق جاۋى ەكەنىن قىراعىلىقپەن تانىپ، «ءۇش ءتۇرلى كۇشتىڭ» ارام نيەتىن، شەكتەن اسقان قىلمىستارىن، جاۋىز كەيىپ - كەسپىرلەرىن جەتە تانىپ، وي - سانام سەرگەك تۇردە دۇرىس پەن بۇرىستى انىق اجىراتىپ، تۇرعىم بەرىك، پوزيتسيام بەكەم، تۋىم ايقىن بولىپ، ماسەلەگە كەزىككەندە تايسالماي، باتىلدىقپەن ءۇن قاتىپ، ايقىن پوزيتسيا ءبىلدىرىپ، باتىلدىقپەن اشكەرەلەپ، سىن تەزىنە الىپ، جازعىرىپ، شىن سىردى باتىلدىقپەن ايقىندايمىن. ادىلەتتىڭ ،ءسوزسىز، جەڭەتىنىنە، بەيبىتشىلىكتىڭ، ءسوزسىز، جەڭەتىنىنە، حالىقتىڭ، ءسوزسىز، جەڭەتىنىنە كامىل سەنىپ، وتان تۇتاستىعىن قورعاۋ، ۇلتتىق بولشەكتەۋشىلىككە قارسى تۇرۋ كۇرەسىندە ۇلگى بولىپ، اتويلاپ الدا ءجۇرىپ، «ءۇش ءتۇرلى كۇشپەن»، «ەكىبەتكەيلەرمەن» باتىل كۇرەسىپ، كوشەدەن وتكەن تىشقاندى ادامنىڭ ءبارى ۇر - ۇردىڭ استىنا الاتىن جاعداي جاراتىپ، ولارعا بارار جەر، باسار تاۋ قالدىرماي، ولاردىڭ شينجياڭ بايتاق دالاسىنان قاراسىن ءوشىرۋ ءۇشىن بار كۇشىمدى سالامىن.

   ءۇشىنشى، ۇلتتار ىنتىماعىنىڭ ۇلى تۋىن تاباندىلىقپەن بيىك ۇستايمىن. ساياسي كەڭەستىڭ بايلانىسى كولەمدى، ارناسى كەڭ سىندى ۇيىمدىق باسىمدىعى مەن ءوز بويىمداعى از ۇلتتاردىڭ عۇرىپ - ادەتىنە، تۇرمىس تاسىلىنە، مادەنيەت داستۇرىنە تانىس بولۋداي وزگەشە باسىمدىعىمدى تولىق ساۋلەلەندىرىپ، بارلىق بەلسەندى فاكتورلاردى مۇمكىندىكتىڭ بارىنشا اتتانىسقا كەلتىرىپ، ىنتىماقتاسۋعا بولاتىن كۇشتەردىڭ بارلىعىمەن ىنتىماقتاسىپ، از ۇلت كادر - جۇرتشىلىعىنا پارتيانىڭ لۋشيان، باعىت - ساياساتتارىن بەلسەنە ۇگىتتەپ، پارتيانىڭ از ۇلت كادر - جۇرتشىلىعىنا دەگەن قامقورلىعى مەن سۇيىسپەنشىلىگىن دەر كەزىندە جەتكىزەمىن. «ۇلتتار ىنتىماعىنىڭ بەرەكەلى شاڭىراعى» قيمىلىن ىشكەرىلەي ىلگەرىلەتىپ، ۇلتتاردىڭ ارالاسۋ، ىشتەسۋ، توعىسۋىن شىن مانىندە كۇشەيتىپ، ۇلتتار ارا ءوزارا تۇسىنىسۋگە، ءوزارا قۇرمەتتەسۋگە، سيىسىمدى بولۋعا، ءبىر - ءبىرىنىڭ ارتىقشىلىعىن كورۋگە، ءوزارا ۇيرەنۋگە، ءوزارا كومەكتەسۋگە جەتەلەپ، بىرگە تۇرىپ، بىرگە ۇيرەنەتىن، بىرگە ىستەپ، بىرگە يگىلىكتەنەتىن تاماشا ورتا قالىپتاستىرىپ، ۇلتتار ىنتىماعىن بەينە اۋا، كۇن نۇرى ىسپەتتى، كۇندەلىكتى تۇرمىسىمىزدىڭ، قىزمەتىمىزدىڭ كەم بولسا بولمايتىن بولشەگىنە اينالدىرۋعا تىرىسامىن. «ۇلتتار ىنتىماعى بارىنەن دە جوعارى» ۇستانىمىن بەرىك ورناتىپ، «5 ورتاق تانىمدى» ۇزدىكسىز كۇشەيتىپ، شينجياڭداعى ءار ۇلت حالقىنىڭ وتان تۇتاستىعىن، ۇلتتار ىنتىماعىن، قوعام ورنىقتىلىعىن قورعايتىن قۇرىش قورعانىن سوعامىن. سوتسياليستىك وزەكتى قۇن كوزقاراسىنىڭ امالياتتا ايگىلەۋشىسى، قوعامنىڭ وڭ ەنەرگياسىنىڭ تاراتۋشىسى بولىپ، ءوز بويىمداعى وڭ ەنەرگيا ارقىلى ماڭايىمداعى قىزمەتتەستەرىمە، وتباسىمداعىلارىما جانە باسقا دا بۇقاراعا ىقپال جاساپ، ۇلتتار ىنتىماعىن، قوعام ورنىقتىلىعىن بىرگە قورعايمىن، بۇكىل قوعامعا ۇلتتار ىنتىماعىن نىعايتاتىن، قوعام جاراسىمدىلىعىن جەدەلدەتەتىن وڭ ەنەرگيانى بەلسەنە تاراتامىن.

كەلۋ قاينارى : شينجياڭ گازەتىنەن

ءان الەمى

جول توسىلىپ قالدى

تۇلپارىم