باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

تۇتاس رايونىمىزدا قازىر مەملەكەت دارەجەلى جاسىل كەن سىناق ءتۇيىنى 26عا جەتتى

    كەلۋ قاينارى: xjbs    2017-08-12 19:38:34  

شينجياڭ حۋاتيان كەن كاسىبى شەكتى جاۋاپكەرلىك سەرىكتەستىگىنىڭ نىلقى اۋدانى سۇڭحۋ تەمىر كەن زاۆود رايونىنىڭ تولىق كورىنىسى

 )22 - شىلدەدە(. سۋرەتتى ءتىلشىمىز زوۋ ي تۇسىرگەن

اۆتونوميالى رايونىمىزدا كەندەردىڭ گەولوگيالىق ورتاسى ءونىمدى قورعالدى

 ءتىلشىمىز چىن چياڭۋي 9 - تامىزدا ۇرىمجىدەن حابارلايدى. «جاسىل كەن قۇرىلىسى مەملەكەتتىڭ كەن كاسىپورىندارىن دامىتۋ تالابىنا ۇيلەسىپ قانا قالماستان، كاسىپورىنداردىڭ بولاشاقتىق دامۋ قاجەتىنە دە ساي كەلەدى. كاسىپورىندارىمىز جاراقسىز سۋدى قۇدىق استىنداعى قالىپتى وندىرىسكە پايدالانىپ، جىلىنا 288 مىڭ 500 يۋان قارجى ۇنەمدەپ قالادى»، - دەدى 3 - تامىزدا شينجياڭ ياكىسى بايلىق اشۋ شەكتى جارنا سەرىكتەستىگىنىڭ ورىنباسار باس ديرەكتورى يان شۋەجۇن.  

 ۇعىسۋعا قاراعاندا، شينجياڭ ياكىسى بايلىق اشۋ شەكتى جارنا سەرىكتەستىگىنىڭ حۋاڭشان مىس، نيكەل كەنى − رايونىمىزداعى مەملەكەت دارەجەلى 26 جاسىل كەن قۇرىلىسى سىناق ءتۇيىنىنىڭ ءبىرى ەكەن.   2012 - جىلى اۆتونوميالى رايون جاسىل كەن قۇرىلىسى قىزمەتىن ورىستەتتى. اۆتونوميالى رايوندىق مەملەكەت جەر بايلىعى مەڭگەرمەسىنىڭ بەلسەنە قۇلشىنۋىندا، اۆتونوميالى رايونىمىزدان 26 كەن كاسىپورنى مەملەكەت دارەجەلى جاسىل كەن قۇرىلىسى سىناق ءتۇيىنى اتاعىنا يە بولدى، مۇنىڭ ىشىندە 14 كەن كاسىپورنى تەكسەرۋدەن ءوتىپ، ەلىمىزدەگى جاسىل كەن قۇرىلىسى ورنىنا رەسمي اينالدى، تەمىر، مىس، نيكەل، التىن، سيرەك كەزدەسەتىن مەتال، مىرىش، ۋران، مۇناي، كومىر، كالي تۇزى سياقتى كەن ونىمدەرىنە ساياتىن كەن گەولوگيالىق ورتاسى ءونىمدى قورعالدى.

  مەملەكەت قارجىلاندىرعان شينجياڭ لوپنۇر كولى كاليلى تۇز شەكتى جاۋاپكەرشىلىك سەرىكتەستىگى چارقىلىق اۋدانى لوپنۇر كولىنىڭ سولتۇستىگىندەگى كاليلى تۇز كەن رايونىندا 16 مىڭ 174 شارشى مەتر سورتاڭدى ويپاڭ جەرگە ءشوپ ءوسىردى. بيىل ماۋسىم ايىنا دەيىن، سەرىكتەستىك قورشاعان ورتانى جونگە سالۋ، قورشاعان ورتا قۇرىلعىلارىن ىسكە قوسۋ، ەكولوگيانى قورعاۋ، قورشاعان ورتانى قورعاۋدى ۇگىتتەۋ سياقتى جاقتارعا جالپى 247 ميلليون يۋان قارجى شىعاردى.

  «لوپنۇر كولى وڭىرىندە قىزمەت ىستەپ، تۇرمىس كەشىرىپ جاتقان قالىڭ جۇمىسشى - قىزمەتشىلەردىڭ تۇرمىس ورتاسىن جاقسارتۋ ءۇشىن، سەرىكتەستىك جۇڭگو عىلىم اكادەمياسى شينجياڭ ەكولوگيا، جاعراپيا زەرتتەۋ ورنىمەن سەلبەسىپ، لوپنۇر كولى بويىنداعى سورتاڭ جەردە وسەتىن وسىمدىك تۇقىمىن ەنگىزىپ سىناق رەتىندە ەگۋ نىسانىن اتقارىپ، كەن رايونىنىڭ ەكولوگيالىق ورتاسىن باستاپقى قادامدا جاقسارتتى»، - دەدى شينجياڭ لوپنۇر كولى كاليلى تۇز شەكتى جاۋاپكەرشىلىك سەرىكتەستىگى كەن ونىمدەرى بايلىعى ءبولىمىنىڭ ورىنباسار مەڭگەرۋشىسى جاڭ فانكاي.

  تاياۋدا مەملەكەت جەر بايلىعى مينيسترلىگى، قازىنا مينيسترلىگى سياقتى 6 مينيسترلىك، كوميتەت «جاسىل كەن قۇرىلىسىن جەدەلدەتۋ جونىندەگى پىكىردى» شىعاردى. اۆتونوميالى رايوندىق مەملەكەت جەر بايلىعى مەڭگەرمەسى جاسىل كەن قۇرىلىسىن ورتالىقتىڭ «بەستى ءبىر تۇلعالاندىرۋ» تۇلعالىق ورنالاستىرۋى مەن «ءتورتتى جاپپاي ورىنداۋدى» سايكەستى ىلگەرىلەتۋ ستراتەگيالىق ورنالاستىرۋىنداعى تالاپتى تياناقتاندىرۋداعى ماڭىزدى شارانىڭ ءبىرى ەتىپ، «تۇنىق سۋ، جاسىل تاۋدىڭ ءوزى بايلىق» سىندى جاڭا دامۋ ۇستانىمىنان جازباي، رايونىمىزدىڭ جاسىل كەن قۇرىلىسى قىزمەتىن ويداعىداي ورنالاستىرىپ، «13 - بەسجىلدىق» جوبانىڭ سوڭىنا بارعاندا، جاسىل كەندەردى 400دەن اسىرۋعا قۇلشىنادى.

  «سوڭعى جىلداردان بەرى، اۆتونوميالى رايون جاسىل كەن قۇرىلىسىندا بەلسەندى ناتيجەلەرگە قول جەتكىزدى. اۆتونوميالى رايوندىق مەملەكەت جەر بايلىعى مەڭگەرمەسىنىڭ باستاماشىلىعىندا قۇرىلعان جاسىل كەن قۇرۋ قىزمەتىنە باسشىلىق ەتۋ گرۋپپاسى <اۆتونوميالى رايوننىڭ جاسىل كەن قۇرىلىسىن اتقارۋ جوباسىن> جاسادى. اۆتونوميالى رايون جەرگىلىكتى جاعدايعا قاراۋ، تۇرلەر بويىنشا جەتەكشىلىك ەتۋ پرينسيبى بويىنشا جاسىل كەن ولشەمدى جۇيەسىن زەرتتەپ بەلگىلەپ، كاسىپ سالاسى مەن كەن تۇرلەرىنە قاراي ولشەم بەلگىلەپ، جاسىل كەن قۇرۋدى بەرىك نەگىزبەن قامتاماسىز ەتتى. كەلەسى قادامدا، اۆتونوميالى رايون جاسىل كەن قۇرىلىسىنا پايدالانىلاتىن جەر، قازىنا - باجى ساياساتى، فينانستىق قولداۋ سياقتى جاقتاردان قامتاماسىز ەتۋدىڭ سايكەستى شارالارىن اتقارىپ، اۆتونوميالى رايوننىڭ جاسىل كەن قۇرىلىسىنىڭ جان - جاقتى، ءساتتى اتقارىلۋىن جەبەيدى»، - دەدى اۆتونوميالى رايوندىق مەملەكەت جەر بايلىعى مەڭگەرمەسى جوبالاۋ باسقارماسىنىڭ قاتىستى جاۋاپتىسى.

ءان الەمى

جول توسىلىپ قالدى

تۇلپارىم