باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

ۇلتتار ىنتىماعىن شىنايى قورعاپ، اتا مەكەنىمىزدىڭ ادال قورعاۋشىلارىنان بولايىق

    كەلۋ قاينارى: xjbs    2017-08-13 19:50:31  

اۆتونوميالى رايوندىق مادەنيەت مەڭگەرمەسى كوركەمونەر باسقارماسىنىڭ تەكسەرىپ، زەرتتەۋشىسى

 شينجياڭ كوركەمونەر زەرتتەۋ ورنىنىڭ ورىنباسار باستىعى، زەرتتەۋشىسى ءدىلشات پارحات

مەن ۇرىمجىدە تۋىپ ءوستىم. شينجياڭداعى ءار ۇلت باۋىرلاستارىنىڭ بەينە ءبىر وتباسىنىڭ ادامدارىنداي تاتۋ - ءتاتتى وتكەنىن ەسىمنەن شىعارعان ەمەسپىن، شينجياڭنىڭ تۇكپىر - تۇكپىرىندە ۇلتتار ىنتىماعى حيكاياسى ايتىلىپ كەلەدى، وسى حيكايالاردىڭ بارلىعى جان تەبىرەنتەرلىك ەدى. مەن بالا باقشادان باستاپ حانزۋ تىلىندە ءتالىم الدىم، تولىسىپ، جەتىلۋ بارىسىمدى پارتيانىڭ باۋلىپ - تاربيەلەۋىنەن، حانزۋ وقىتۋشىلاردىڭ دەن قويا ۇيرەتۋىنەن بولە قاراۋعا بولمايدى. ءار جولى وقىتۋشىمدى ەسكە العان سايىن، جۇرەگىمدى ءسۇيىنىش كەرنەپ، العىس ايتۋ جانە شاپاعات سەزىمى قاۋلايدى، مەنىڭ ءوسىپ - جەتىلۋ بارىسىمدى ۇلتتار ىنتىماعىنىڭ ناقتى بايانى دەۋگە بولادى.

  سوڭعى جىلدارى «ءۇش ءتۇرلى كۇش» وتاندى بولشەكتەۋدەي سۇرقيا ماقساتتارىنا جەتۋ ءۇشىن، «ۇلتتى» جانە «ءدىندى» جەلەۋ ەتىپ، ۇلتتىق بولشەكتەۋشىلىك تۋدىرىپ، ۇلتتىق وشپەندىلىككە جەلىكتىرىپ، ۇلتتار ارا قاتىناسقا ىرىتكى سالدى، «عازاۋات سوعىسىندا قازا بولعاندار جانناتقا كىرەدى» دەگەن ساندىراقتى تاراتىپ، دىنگە سەنەتىن حالىق بۇقاراسىن ۋلادى، ولاردىڭ كوزىن كولەگەيلەپ، جەلىكتىردى، اسا قانقۇيلى تاسىلدەرمەن ايتىلمىس «عازاۋات سوعىسىن» قوزعاپ، زورلىقتى كۇش، لاڭكەستىك ارەكەتتەرى ارقىلى قوعامدا دۇربەلەڭ تۋدىرىپ، شينجياڭنىڭ قوعام ورنىقتىلىعى مەن باياندى تىنىشتىعىنا اسا ۇلكەن قاتەر ءتوندىردى. ءبىز، ءسوزسىز، ۇلتتىق بولشەكتەۋشىلىككە، ءدىني ۇشقارىلىققا جانە زورلىقتى كۇش، لاڭكەستىك ارەكەتتەرىنە قارسى تۇرىپ، «ءۇش ءتۇرلى كۇشتىڭ» سۇرقيا ماقساتىن باتىلدىقپەن اشكەرەلەپ، سىن تەزىنە الۋىمىز، «ءۇش ءتۇرلى كۇشپەن» باتىل كۇرەس جاساۋىمىز قاجەت. «ءۇش ءتۇرلى كۇش» جۇڭحۋا ۇلى شاڭىراعىنىڭ ورتاق جاۋى. ءبىز ۇلتتىق بولشەكتەۋشى كۇشتەرگە، ءدىني ۇشقارى كۇشتەرگە جانە زورلىقتى كۇش، لاڭكەستىك كۇشتەرىنە قارسى تۇرامىز، ءبىز ۇلى وتانىمىزدى، بەيبىتشىلىكتى، ىنتىماقتى، تىنىش تا باقىتتى تۇرمىسىمىزدى قىزۋ سۇيەمىز.

  اۆتونوميالى رايوننىڭ لاڭكەستىككە قارسى تۇرىپ، ورنىقتىلىقتى قورعاۋ كۇرەسىنىڭ ىشكەرىلەي ورىستەتىلۋىنە بايلانىستى، ءبىر توپ «ەكىبەتكەيلەر» كوزگە ءتۇستى. ولاردىڭ «ءۇش ءتۇرلى كۇشپەن» كۇرەس جاساۋداي ۇلكەن دۇرىس پەن ۇلكەن بۇرىس ماسەلەسىندە پوزيتسياسى كۇڭگىرت بولىپ، ءسوزى مەن ويى قابىسپادى، ءىشى مەن سىرتى بىركەلكى بولمادى، اۋەلى «ءۇش ءتۇرلى كۇشپەن» جەڭ ۇشىنان جالعاسىپ، شاشباۋىن كوتەردى، ولار قوعام ورنىقتىلىعى مەن باياندى تىنىشتىقتى قورعاۋدا زورلىقتى كۇش لاڭكەستەرىنەن دە وتكەن سۇرقيا، جاۋىز، ولاردىڭ زاردابى ءتىپتى دە اۋىر،ءتىپتى دە ۇزاق مەرزىمدىك ءبۇلدىرۋ قۋاتىنا يە. ادال، پاك، جاۋاپكەرشىلىكتى باتىلدىقپەن ارقالايتىن پارتيالى كادرلار قوسىنى لاڭكەستىككە قارسى تۇرىپ، ورنىقتىلىقتى قورعاۋ كۇرەسىندەگى پارمەندى كەپىل سانالادى. «ءۇش ءتۇرلى كۇشپەن» بولعان قيان - كەسكى شايقاستا پارتيالى كادرلار باسىن ءباي تىگە وتىرىپ، ۇلگى - ونەگە كورسەتۋلەرى كەرەك. ەگەر پارتيالى كادرلار قوسىنى اراسىندا ءىشى مەن سىرتى بىردەي ەمەس «ەكىبەتكەيلەر»، سونداي - اق زورلىقتى كۇش، لاڭكەستىك قيمىلدارىن ۇيىمداستىرعان «پەردە ارتىنداعى قارا قولدار» جارىققا شىقسا، قوعام ورنىقتىلىعى مەن باياندى تىنىشتىققا اكەلەتىن زاردابىن مولشەرلەۋ قيىنعا سوعادى. ەگەر باسشى كادرلار اراسىندا «ەكىبەتكەيلەر» جارىققا شىقسا، لاڭكەستىككە قارسى تۇرىپ، ورنىقتىلىقتى قورعاۋدىڭ ءتۇرلى شارالارىن ناقتاپ تياناقتاندىرۋدان اۋىز اشۋعا بولمايدى، اۋەلى، كەرى كەتۋ جايتى تۋىلۋى مۇمكىن، ەگەر مادەنيەت قوسىنى اراسىندا «ەكىبەتكەيلەر» جارىققا شىقسا، وندا يدەولوگيا سالاسىنىڭ بىلىعىپ، ورنىقتىلىق قىزمەتىنە اۋىر زارداپ اكەلەرى داۋسىز، ەگەر ساياسي - زاڭ قوسىنىندا «ەكىبەتكەيلەر» جارىققا شىقسا، لاڭكەستىككە قارسى تۇرىپ، ورنىقتىلىقتى قورعاۋدا جاۋىنگەرلىك قۋات سولعىندايدى، قىلمىستىلار قانات استىنا الىنىپ، ادىلدىك پەن ادىلەتتىلىكتىڭ وركەن جايۋىنا اسەرى تيەدى. ەگەر نەگىزگى ساتى كادرلارى اراسىندا «ەكىبەتكەيلەر» جارىققا شىقسا، بۇقارانى جاراسىمدىلىقتى جەبەۋگە، ورنىقتىلىقتى قورعاۋعا باستاۋ، «نەگىزگى ساتىنى كۇشەيتىپ، نەگىزدى بەكەمدەۋ» سىلدىر سوزگە اينالىپ قالادى دا، لاڭكەستىككە قارسى تۇرىپ، ورنىقتىلىقتى قورعاۋدا بىرىككەن كۇش ۇيىستىرۋىمىز قيىنعا سوعادى.

   ءبىز ۇيعۇر پارتيالى كادرلار پارتياعا ادال بولىپ، ءوز باسىمىز پاك بولۋى، باتىل جاۋاپكەرشىلىك ارقالايتىن اڭعارلى دا شىنايى ادام بولا ءبىلۋىمىز ءتيىس. شينجياڭنىڭ قوعام ورنىقتىلىعى مەن باياندى تىنىشتىعى قىزمەتىندە مىندەت اۋىر، جول ۇزاق، سوندىقتان ءار ۇلت باۋىرلاستارى اناردىڭ دانىندەي تىعىز ۇيىسىپ، «ءۇش ءتۇرلى كۇشپەن» جانە «ەكىبەتكەيلەرمەن» باتىل كۇرەس جاساۋى، «ءۇش ءتۇرلى كۇشتى» جانە «ەكىبەتكەيلەردى» ءتۇپ - تۇقيانىمەن الاستاپ، تۇبەگەيلى قۇرتۋى، ءسويتىپ، ەڭبەكشىل قوس قولىمىزعا سۇيەنىپ، شينجياڭداعى ءار ۇلت حالقىنىڭ جارقىن بولاشاعىن جاراتۋعا قۇلشىنۋىمىز كەرەك.

ءان الەمى

جول توسىلىپ قالدى

تۇلپارىم