باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

اماليات نەگىزىندە نازاريادا جاڭالىق اشۋدى باتىلدىقپەن ىلگەرىلەتەيىك

    كەلۋ قاينارى: xjbs    2017-08-13 20:02:43  

  − باس شۋجي شي جينپيڭنىڭ «26 - شىلدەدەگى» ماڭىزدى ءسوزىنىڭ رۋحىن ۇيرەنۋ، دايەكتىلەندىرۋ جونىندە (6)

حالىق گازەتىنىڭ شولۋشىسى

 حالىق گازەتىنىڭ شولۋشىسى امالياتتىق دامۋدىڭ شەگى بولمايدى، اقيقاتتى تانۋدىڭ شەگى بولمايدى، نازاريادا جاڭالىق اشۋدىڭ شەگى بولمايدى.  

 «جاڭا ءداۋىر شارت - جاعدايىندا، ءبىزدىڭ ۇلى كۇرەستەر جۇرگىزىپ، ۇلى ينجەنەريالار قۇرىپ، ۇلى ىستەردى ىلگەرىلەتىپ، ۇلى ارماندى جۇزەگە اسىرۋىمىز ءالى دە ماركستىك ساياسي پارتيانىڭ داۋىرمەن بىرگە العا باساتىن نازاريالىق قاسيەتىن ساقتاۋدى، اماليات نەگىزىندە نازاريادا جاڭالىق اشۋدى باتىلدىقپەن ىلگەرىلەتۋدى قاجەت ەتەدى». باس شۋجي شي جينپيڭنىڭ ولكە، مينيسترلىك دارەجەلى نەگىزگى باسشى كادرلاردىڭ ارناۋلى تاقىرىپتىق زەرتتەۋ - تالقىلاۋ كۋرسىنىڭ ساباق باستاۋ سالتىندا ماڭىزدى ءسوز سويلەپ، جاڭا تاريحي شارت - جاعدايدا جۇڭگوشا سوتسياليزمدە تاباندى بولۋ جانە ونى دامىتۋعا قاتىستى ءبىرسىپىرا ماڭىزدى نازاريالار مەن امالي ماسەلەلەردى تەرەڭ بايىمداۋى پارتيامىزدىڭ نازاريا قۇرىلىسىنا جانە نازاريالىق جەتەكشىلىككە ەرەكشە ءمان بەرەتىندىگىن ايگىلەدى.

  جۇڭگو كوممۋنيستىك پارتياسى قۇرىلعان كۇننەن باستاپ ماركسيزمدى ءوزىنىڭ جەتەكشى يدەياسى ەتىپ بەلگىلەدى.  

 پارتيامىز پارتيانىڭ يدەيالىق قۇرىلىسىن يگەرۋگە، ماركسيزم نازارياسىمەن بۇكىل پارتيانى قارۋلاندىرۋعا باستان - اياق ءمان بەرىپ، يدەيالىق نازاريالىق قۇرىلىستى قاشاندا پارتيا قۇرىلىسىنداعى ماڭداي الدى ورىنعا قويىپ كەلدى. ماركستىك ساياسي پارتيانىڭ ەڭ ماڭىزدى نازاريالىق قاسيەتى ءارقانداي ىستە ءىس جۇزىندىكتى شىعار ءتۇيىن ەتۋدە تاباندى بولىپ، نازاريا مەن امالياتتى بايلانىستىرىپ، شىندىقتى ءىس جۇزىنەن ىزدەپ، اماليات بارىسىندا اقيقاتتى سىننان وتكىزىپ جانە دامىتىپ، اماليات نەگىزىندە نازاريادا جاڭالىق اشۋدى ۇزدىكسىز ىلگەرىلەتۋىندە بەينەلەندى. داۋىرمەن بىرگە دامىپ وتىرعان وسىنداي نازاريالىق قاسيەت − پارتيامىزدىڭ جالىندى ومىرشەڭدىك كۇش پەن جاسامپازدىق كۇشتى باستان - اياق ساقتاۋىنداعى شەشۋشى فاكتور. نەگىزگى نازاريا مەن جەتەكشى يدەيا جاعىندا ءداۋىردىڭ دامۋىنا ىلەسىپ العا ىلگەرىلەپ وتىرعاندىعى سەبەپتى، پارتيامىزدىڭ بارلىق قىزمەتى ءداۋىر ەرەكشەلىگىن ايگىلەپ، زاڭدىلىقتى يگەرىپ، جاسامپازدىققا باي بولىپ، جاڭالىق اشۋداعى ماڭگى تولاستامايتىن ومىرشەڭدىك كۇشىن ايگىلەدى.  

 نازاريا امالياتتان كەلەدى، امالياتقا جەتەكشىلىك ەتەدى، سونداي - اق امالياتتىڭ سىنىنان وتەدى. اماليات توقتاۋسىز دامىپ وتىرادى، اماليات نەگىزىندەگى نازاريا دا، ءسوز جوق، امالياتقا ىلەسىپ ۇزدىكسىز بايىپ جانە دامىپ وتىرۋى كەرەك. پارتيا 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى جۇڭگوشا سوتسياليزمدە تاباندى بولۋ جانە ونى دامىتۋ سىندى نەگىزگى تاقىرىپتى مىقتاپ ارقاۋ ەتىپ، پارتيا مەن حالىقتىڭ جاسامپازدىق جاراتۋ امالياتى بارىسىندا، نازاريادا جاڭالىق اشۋدىڭ وسكەلەڭ سانالىلىعى ارقىلى ءداۋىر مەن امالياتتىق دامۋدىڭ پارتيانىڭ ەل باسقارۋىنا قويعان سۇراۋىنا جاۋاپ قايتارىپ، نازاريالىق جاقتان ۇزدىكسىز تولعانىپ، جيناقتاپ، ءبىرسىپىرا جاسامپازدىققا باي جاڭا يدەيا، جاڭا كوزقاراس، جاڭا تۇجىرىم، جاڭا تالاپتاردى العا قويىپ، پارتيامىزدىڭ كوممۋنيستىك پارتيانىڭ بيلىك جۇرگىزۋ زاڭدىلىعى، سوتسياليستىك قۇرىلىس زاڭدىلىعى، ادامزات قوعامىنىڭ دامۋ زاڭدىلىعى جونىندەگى تانىمىن تىڭ ورەگە كوتەردى. بۇل باس شۋجي شي جينپيڭنىڭ جەلىلەس ماڭىزدى سوزدەرىنىڭ رۋحى مەن ەل باسقارۋداعى جاڭا ۇستانىمدارىندا، جاڭا يدەيالارىندا، جاڭا ستراتەگيالارىندا شوعىرلى بەينەلەندى.

  باس شۋجي شي جينپيڭنىڭ جەلىلەس ماڭىزدى سوزدەرىنىڭ رۋحى مەن ەل باسقارۋداعى جاڭا ۇستانىم، جاڭا يدەيا، جاڭا ستراتەگيالارىنىڭ مازمۇنى توتەنشە باي بولىپ، رەفورما جاساۋ، دامۋ، ورنىقتىلىق، ەل ءىشى ساياساتى، ديپلوماتيا، مەملەكەت قورعانىسى، پارتيانى جونگە سالۋ، مەملەكەتتى جونگە سالۋ، ارميانى جونگە سالۋ سياقتى ءتۇرلى جاقتى قامتىپ، عىلمي، كەمەلدى يدەيالىق نازاريا جۇيەسىن قالىپتاستىرۋى − ماركسيزمنىڭ جۇڭگوشالانۋىنىڭ قول جەتكىزگەن ەڭ جاڭا تابىسى بولىپ، ول وسى زامانعى جۇڭگوداعى ماركسيزمنىڭ دامۋىنىڭ جاڭا ءورىسى، پارتيامىزدىڭ 21 - عاسىرداعى ماركسيزمنىڭ دامۋىنا قوسقان تىڭ ۇلەسى. 5 جىلدان بەرى پارتيا مەن مەملەكەتىمىزدىڭ ءار سالا، ءار كاسىپتە تاريحي سيپات الاتىن تابىستارعا قول جەتكىزۋى، تاريحي سيپات الاتىن وزگەرىستەردىڭ تۋىلۋى سايىپ كەلگەندە، باس شۋجي شي جينپيڭنىڭ جەلىلەس ماڭىزدى سوزدەرىنىڭ رۋحى مەن ەل باسقارۋداعى جاڭا ۇستانىم، جاڭا يدەيا، جاڭا ستراتەگيالارىنىڭ عىلمي جەتەكشىلىگىنىڭ جەمىسى.

  ءداۋىر − يدەيانىڭ اناسى، اماليات − نازاريانىڭ قاينارى. ماركسيزم − اشىق، داۋىرمەن بىرگە العا ىلگەرىلەيتىن نازاريالىق جۇيە، ول اقيقاتقا توسقاۋىل بولماي، قايتا اقيقاتقا سارا جول اشىپ بەردى. وسى زامانعى جۇڭگو ەلىمىز تاريحىنداعى ەڭ كولەمدى ءارى تەرەڭ قوعامدىق وزگەرىستى باستان كەشىرۋدە، سونداي - اق ادامزات تاريحىنداعى ەڭ ايبىندى ءارى ەرەكشە امالياتقا جاڭالىق اشۋ ۇستىندە. ءبىز جۇڭگوشا سوتسياليزمدە تاباندى بولۋ جانە ونى دامىتۋ ءۇشىن، ءسوز جوق، نازاريانىڭ اتقاراتىن رولىنا توتەنشە ءمان بەرىپ، نازاريا سەنىمىن جانە ستراتەگيالىق تۇراقتىلىقتى كۇشەيتۋىمىز كەرەك. ءبىز جىلدام وزگەرىس ۇستىندەگى ءداۋىردى جەتە مەڭگەرىپ، جاڭا، ۇلى كۇرەستەردە جەڭىسكە جەتۋىمىز ءۇشىن، ماركسيزمنىڭ نەگىزگى قاعيدالارىنا تاباندى بولۋ نەگىزىندە، ءتىپتى دە كەڭ، ءتىپتى دە ۇزاق بولاشاقتىق كوزايامەن مەملەكەتتىڭ بولاشاق دامۋدا جولىعاتىن ءبىر قاتار كەلەلى ستراتەگيالىق ماسەلەلەرگە وي جۇگىرتۋىمىز، نازاريالىق جاقتا ۇزدىكسىز كوز ايامىزدى كەڭەيتىپ، تىڭ تۇجىرىمدامالار تۇيىندەۋىمىز، دامۋ ۇستىندەگى نازاريامەن جاڭا امالياتقا جەتەكشىلىك ەتۋدە تاباندى بولىپ، جۇڭگوشا سوتسياليزمنىڭ تىڭ جەڭىسىنە ۇزدىكسىز قول جەتكىزۋىمىز كەرەك.  

كەلۋ قاينارى : شينجياڭ گازەتىنەن

 (شينحۋا اگەنتتىگىنىڭ 4 - تامىزدا بەيجيڭنەن بەرگەن حابارى)

ءان الەمى

جول توسىلىپ قالدى

تۇلپارىم