باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

رايونىمىز اۋىل-قىستاقتاردا حالىقتى اۋقاتتاندىراتىن 300 مىڭ بەيقۇت ءۇي سالۋدى جوسپارلادى

    كەلۋ قاينارى: xjbs    2017-08-13 20:09:39  

بيىل، رايونىمىز اۋىل-قىستاقتاردا حالىقتى اۋقاتتاندىراتىن 300 مىڭ بەيقۇت ءۇي سالۋدى جوسپارلادى، نەشە ءجۇز مىڭ ءار ۇلت حالىق بۇقاراسىنىڭ تۇرعىن ءۇي شارت-جاعدايى جاقساراتىن بولدى. ەندى ستانسيامىزدىڭ تىلشىلەرى چىن جۇيلەي، ايبىنحازى راحمان ۇلى، ديڭ شياۋداننىڭ جانە اقسۋ راديو ستانسياسىنىڭ ءتىلشىسى لي پۋدىڭ وسى جونىندەگى حابارىن تىڭداڭىزدار. جاقىندا، ءتىلشى حوتان قالاسى سورباق اۋىلى اقلەڭگەر قىستاعىندا تىلشىلىك ىستەۋ بارىسىندا، جەرگىلىكتى ورىنداعىلاردىڭ وتە جىگەرلى ەكەنىن، كەيبىرەۋىنىڭ بەيقۇت ءۇي سالىپ حالىقتى اۋقاتتاندىرۋ قۇرىلىسىنا قاتىناسسا، كەيبىرەۋىنىڭ جاڭا ۇيلەرىن اشكەيلەۋمەن ابىگەر ەكەنىن، ال كەيبىر قىستاق ديحاندارىنىڭ اۋلاسىنا قوي قورا جانە كەپتەر ۇياسىن سالىپ جاتقانىن كوردى. قىستاق ديحانى تۇرسىنتوقتى روزى ماۋسىمنىڭ سوڭىندا كەڭ دە جارىق بەيقۇت ۇيگە كوشىپ كىردى، قازىر ول ۇيلەرىنەن دۇكەن اشىپ، كىرىسىن ارتتىرۋ جولىن قاراستىرۋدا. تۇرسىنتوقتى روزى: قازىرگى تۇرعان بەيقۇت ۇيىمىزگە سۋ، توك جەتكىزىلگەن، تازالىق بولمەسى بار. پارتيا مەن ۇكىمەتتىڭ جاقسى ساياساتىنىڭ ارقاسىندا، وتباسىمىز 30 مىڭ يۋاننان ارتىق اقشانى ۇنەمدەپ قالدى. تاماشا تۇرمىسىمىزدى قاستەرلەيمىز،-دەدى. حالىققا تيىمدىلىك جاساۋ ساياساتىنىڭ ارقاسىندا، بيىل رايونىمىزداعى 300 مىڭ وتباسىنىڭ تۇرعىن ءۇي شارت-جاعدايى تۇرسىنتوقتى روزى سەكىلدى تۇبەگەيلى جاقسارىپ، كىرىسى ارتادى. 

 اۆتونوميالى رايوندىق تۇرعىن ءۇي جانە قالا-اۋىل قۇرىلىسى مەڭگەرمەسى قىستاق-قالاشىق قۇرىلىسى باسقارماسىنىڭ باستىعى گاۋ فىڭ تىلشىگە، قازىرگە دەيىن، رايونىمىزدىڭ جەر-جەرى اۋىل-قىستاقتىڭ بەيقۇت ءۇي قۇرىلىسىنان 244 مىڭىن باستاپ سالدى. ءارى بيىل بەيقۇت ءۇي سالىپ، حالىقتى اۋقاتتاندىرۋ ينجەنەرياسى تاعى كەدەيلەردى دالمە-ءدال سۇيەمەلدەۋ قىزمەتىمەن تىعىز ۇشتاستىرىلدى، الدا 300 مىڭ بەيقۇت ءۇي سالىپ، حالىقتى اۋقاتتاندىرۋداعى ينجەنەريا قۇرىلىسى جىلدىق جالپى مىندەتىنىڭ %67.6 ى رايونىمىز اۋىل-قىستاقتارىنداعى ارحيۆ تۇرعىزىپ، كارتشكا تاراتىلعان كەدەي وتباستارى، ەڭ تومەنگى تۇرمىسى قامتاماسىزداندىرىلاتىندار، اۋىل-قىستاقتاعى ءبىتىراڭعى قونىستانعان قارايلاساتىن ەرەكشە كەدەي وتباسىلارى، اۋىل-قىستاقتاعى كەدەي، مۇگەدەك وتباسىلارى سياقتى ءتورت ءتۇرلى ءتۇيىندى وبيەكتىلەردىڭ تۇرعىن ءۇي سالۋ قاجەتىن قاناعاتتاندىرۋدى قولداۋعا پايدالانىلادى، 200 مىڭنان ارتىق قينشىلىعى بار وتباسى تيىمدىلىككە كەنەلەتىن بولادى. گاۋ فىڭ بىلاي دەدى: كەدەي حالىق سانىنا 40 شارشى مەتردەن 60 شارشى مەترگە دەيىنگى كەڭدىكتەگى تۇرعىن ءۇي سالدىق، ولاردىڭ اقشا جۇمساماي، از اقشا جۇمساپ، جۇكتەرىن عانا الىپ جاڭا ۇيگە كوشىپ كىرۋىن تالاپ ەتەمىز. كەدەي وتباستارىنىڭ تۇرعىن ءۇي سالۋىنا بەرىلەتىن قوسىمشا قاراجاتتىڭ تەبىنىن ارتتىرىپ، پارىقتى قوسىمشا قاراجات ساياساتىن اتقاردىق. تەحنيكالىق جاقتان جەتەكشىلىك ەتۋ تەبىنىن ارتتىرىپ، قۇرىلىستىڭ ساپاسىن باسقارۋ جاۋاپكەرلىگىن ماڭگى قۋزاستىرۋ ءتۇزىمىن ورناتتىق. 2018-جىلى قالعان 260 مىڭ وتباسىنىڭ 40 شارشى مەتردەن 60 شارشى مەترگە دەيىنگى تۇرعىن ءۇيىن سالۋ مىندەتىن ورىنداۋمەن بىرگە، 2020-جىلعا بارعاندا، ءجاي بۇقاراعا تۇرعىن ءۇي سالىپ بەرۋ مىندەتىن تۇگەل ورىندايمىز.

رايونىمىزدىڭ بەيقۇت ءۇي سالىپ، حالىقتى اۋقاتتاندىرۋ ينجەنەرياسى قىستاق تۇرعىندارىنىڭ تۇرعىن ءۇي شارت-جاعدايىن جاقسارتۋمەن بىرگە، اۋىل-قىستاقتاعى بۇرىنعىدان دا كوپ ارتىق ەڭبەككۇشكە كاسىپتەنۋ ورايىن جاراتىپ بەردى. كەدەي وتباسىلارى تۇرعىن ءۇي سالۋ قوسىمشا قاراجاتىنان يگىلىكتەنۋدەن سىرت، قۇرىلىس سالۋعا بەلسەنە قاتىناستى، وسىلاي بولعاندا تۇرعىن ءۇي سالۋدىڭ وزىندىك قۇنىن ازايتۋمەن بىرگە، تەحنيكالىق ونەر يگەرۋگە دە بولادى. رايونىمىزدىڭ تۇرعىن ءۇي جانە قالا-اۋىل قۇرىلىسى تاراۋى «تۇرعىن ءۇي قۇرىلىسى ارقىلى تاربيەلەۋگە ، تۇرعىن ءۇي قۇرىلىسى ارقىلى باۋلۋعا جەبەۋ» سياقتى ءتۇرلى فورمالار ارقىلى اۋىل-قىستاقتىڭ بەيقۇت ءۇي سالىپ، حالىقتى اۋقاتتاندىرۋ ينجەنەريا قۇرىلىسىن باسقارۋ دەڭگەيىن جاپپاي جوعارىلاتىپ، اۋىل-قىستاقتاعى ءار ۇلت شەبەرلەرىنىڭ ونەرىن ۇشتاپ، اۋىل-قىستاقتاعى ارتىق ەڭبەككۇشتەردى سول جەردىڭ وزىنەن، جاقىن ماڭىنان، ايماق، رايون اتتاپ جۇمىسقا ورنالاسۋىن ىلگەرىلەتىپ، ينجەنەريا قۇرىلىسىنا قاتىناسۋعا جەبەدى. 

 شايار اۋدانى قىزىلتۋ قالاشىعى بازار قىستاعىنىڭ ديحانى تۇرعۇن تۇردى تيىمدىلىككە كەنەلۋشىنىڭ ءبىرى، جارىم جىلعا جۋىق ۋاقىت كاسىپتىك جاقتان تاربيەلەنۋدىڭ ناتيجەسىندە، ول كىرپىششى بىلۋگە ءتيىستى ونەرگە جاتىلىپ، كۇنىنە 130 دا 140 يۋان كىرىس كىرگىزدى، ول: كىرىسىم ارتتى، الدا تاعى وسىندا ۇيرەنگەن قۇرىلىس سالۋ ونەرىنەن پايدالانىپ، سىرتقا شىعىپ جۇمىس ىستەپ، بۇرىنعىدان دا كوپ اقشا تابامىن، ەرەكشە راحىمەت،-دەدى. اۆتونوميالى رايوندىق تۇرعىن ءۇي جانە قالا-اۋىل قۇرىلىسى مەڭگەرمەسى قىستاق-قالاشىق قۇرىلىسى باسقارماسىنىڭ باستىعى گاۋ فىڭ، قازىرگە دەيىن، بەيقۇت ءۇي سالىپ، حالىقتى اۋقاتتاندىرۋ، حالىققا تيىمدىلىك جەتكىزۋ ينجەنەرياسىندا، رايونىمىزدىڭ جەر-جەرى اۋىل-قىستاقتان 305 مىڭ 800 ادام رەت قۇرىلىس جۇمىسشىسىن تاربيەلەگەنىن ايتا كەلىپ، بىلاي دەدى: اۋىل-قىستاقتاعى ءبىر توپ قۇرىلىس شەبەرىن تاربيەلەدىك، بۇل ديحانداردىڭ كىرىسىن ارتتىرۋ، كاسىپتەندىرۋ، باسقا سالادا جۇمىسقا ورنالاستىرۋدا ماڭىزدى رول اتقاردى. اۆتونوميالى رايون جىل سايىن بەلگىلى دارەجەدە تاربيەلەۋ قارجىسىن شىعارىپ، تاربيەلەۋمەن بىرگە، ايماق، اۋدان، اۋىل سىندى ءۇش دارەجە بويىنشا تاعى تاربيەلەدى.

ءان الەمى

جول توسىلىپ قالدى

تۇلپارىم