باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

شينجياڭدىق جاس شەبەر ۋاڭ جىحاۋ ەرلەردىڭ 10 مەتردەن گاز ناگان اتۋ جارىسىندا قولا مەدالدى جەڭىپ الدى

    كەلۋ قاينارى: شينجياڭ حالىق راديو ىستانسياسى    2017-08-31 14:27:06  
ستانسيامىزدىڭ ءتىلشىسى سۇن ۋيدىڭ حابارىن تىڭداڭىزدار: 30-تامىز مەملەكەتتىك 13-كەزەكتى دەنە-تاربيە جارىسىنىڭ نىسانا اتۋ جارىسىنان قۋانىشتى حابار تارالىپ، شينجياڭدىق جاس شەبەر ۋاڭ جىحاۋ ەرلەردىڭ 10 مەتردەن گاز ناگان اتۋ جارىسىندا قولا مەدالدى جەڭىپ الدى، ۋاڭ دۇڭچۋ ەرلەردىڭ 50 مەتردەن مىلتىقتى جاتىپ اتۋ جارىسىندا جەتىنشى بولىپ، شينجياڭ نىسانا اتۋ كومانداسىنىڭ 4-كەزەكتى مەملەكەتتىك دەنە-تاربيە جارىسىنان بەرگى وسى جارىس تۇرىندەگى ەڭ جاقسى ناتيجەسىنە يە بولدى.
ەرلەردىڭ 10 مەتردەن گاز ناگان اتۋ شەشۋشى جارىسىندا، ۋاڭ جىحاۋ مىلتىقتى العاش نەشە رەت اتقاننان كەيىن جەتىنشى جانە سەگىزىنشى ورىندى عانا يەلەدى، جانىندا وليمپيادانىڭ اعا جۇلدەگەرى پاڭ ۋي، دۇنيە جۇزىلىك ساۋىتقا تالاسۋ جارىسىنىڭ، دۇنيە جۇزىلىك جۇلدەگە تالاسۋ جارىسىنىڭ اعا جۇلدەگەرى تان زۇڭلياڭ تۇرسادا مەملەكەتتىك دەنە-تاربيە جارىسىنا تۇڭعىش رەت قاتىناسقان شينجياڭدىق جاس شەبەر اسا زور قىسىمدى جەڭدى. جارىستىڭ سوڭعى جارىمىندا، ۋاڭ جىحاۋ كوڭىل-كۇيىن ورنىقتىرىپ، جارىس ريتىمىنە ءتۇسىپ، قاتارداعى ورنى بىرتىندەپ ورلەپ ءۇشىنشى ورىنعا شىقتى، ءارى سوڭىندا قولا مەدالعا قول جەتكىزدى. ۋاڭ جىحاۋ: «تەحنيكالىق جاقتا كوپ ماسەلە جوق، تەك كوڭىل-كۇي ماڭىزدى ورىندا تۇردى. ورنىقتىلىق نەگىزىندە ءسال سەرپىلۋ ەڭ تاماشا كوڭىل-كۇي سانالادى. وسى رەت قولا مەدال العان ەكەم، كەلەر جولى كۇمىس مەدالعا جانە التىن مەدالعا يە بولۋ سەنىمىم كۇشتى»،-دەدى.
21 جاستاعى ۋاڭ دۇڭچۋدىڭ شينجياڭ نىسانا اتۋ كومانداسىنا قوسىلعانىنا نەبارى ءۇش اق جىل بولعان، ونىڭ ەڭ جاقسى ناتيجەسى مەملەكەتتىك مىلتىق اتۋ شەشۋشى جارىسىنىڭ اعا جۇلدەگەرلىگى-ەدى. وسى رەتكى مەملەكەتتىك دەنە-تاربيە جارىسىندا تەك جەتىنشى ورىندا تۇرعانىمەن، ونىڭ جارىسقا قاتىناسۋداعى قۇندى تاجىريبەسىنىڭ اناعۇرلىم زور تابىس ەكەندىگى داۋسىز. ول: «وكىنەرلىگى جوق. دەڭگەي ۇزدىكسىز ارتادى. ەگەر وسىنداي جارىسقا تاعى ءبىر رەت قاتىناسسام، بۇگىنگىدەي قوبالجىماس ەدىم، ەڭ كەمىندە كوڭىل-كۇيىم قارىزگىدەن ورنىقتى بولار ەدى»-، دەدى.
وسى كەزەكتى مەملەكەتتىك دەنە-تاربيە جارىسىندا، شينجياڭ نىسانا اتۋ كومانداسىنان جالپى 9 سپورتشى شەشۋشى جارىسقا قاتىناستى، بۇل شينجياڭ نىسانا اتۋ كومانداسىنىڭ مەملەكەتتىك دەنە-تاربيە جارىسىنا قاتىناسقان سپورتشى سانىنىڭ رەكورتىن جاڭالادى، اۆتونوميالى رايوندىق دەنە-تاربيە مەكەمەسىنىڭ جاتتىعۋ ەكىنشى ۇلكەن اترەتىنىڭ باستىعى ما جۇڭ: «سپورتشىلارىمىزدىڭ ناتيجەسى نەداۋىر تەز جوعارىلادى، كوپتەگەن تالانىتتى جاس شەبەرىمىز بار، ولاردىڭ بولاشاقتاعى بەينەسىنىڭ ءسوزسىز تاماشا بولاتىندىعىنا كامىل سەنەمىز»،-دەدى.
ءان الەمى

جول توسىلىپ قالدى

تۇلپارىم