باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

ماي قۇيۋ پۋنكتىندە نە ءۇشىن جىلجىمالى تەلەفون پايدالانۋعا بولمايدى؟

    كەلۋ قاينارى: شينجياڭ حالىق راديو ىستانسياسى    2017-09-03 21:10:30  
ءسىز ماي قۇيۋ پۋنكتىندە نە ءۇشىن جىلجىمالى تەلەفون پايدالانۋعا بولمايتىنىن بىلەسىزبە؟
مىنا تاجىريبەگە نازار سالىڭىزدار.
ءبىر اق قاڭىلتىر قۇمىرانىڭ قاقپاعىنا ديامەترى شامامەن ءبىر سانتيمەتر كەلەتىن كىشكەنە تەسىك تەسىپ، قۇمىرانىڭ ىشىنە بەنزيىندى بىرنەشە رەت تامىزعاننان كەيىن، قۇمىرانىڭ قاقپاعىن جابامىز. ءبىراق، قاتتى جاپپاۋ كەرەك. قۇمىرانى تەمىر سىمنان جاسالعان قوندىرعىنىڭ ۇستىنە قويىپ، ءارى بالاۋىز شامدى جاعىپ كىشكەنە تەسىكتىڭ جانىنا قويىپ، ودان سوڭ سپيرت لامپاسىمەن تەمىر قۇمىرانىڭ استىن قىزدىرامىز. ءبىرازدان كەيىن «كۋپ» ەتكەن داۋىسپەن بىرگە قۇمىرانىڭ اۋزى اتىلىپ شىعىپ، زارەڭدى ۇشىرادى. ءبىراق، بۇل تۇردەگى تاجىريبەنى ءسوزسىز كاسىپتىك ادامنىڭ جەتەكشىلىگىندە جاساۋ كەرەك.
تەك بىرنەشە تامشى بەنزين نە ءۇشىن قوپارىلىس جاسايدى؟
اسىلىندە جاناتىن ءارقانداي گاز بەن اۋانىڭ قوسپاسى وتقا كەزدەسسە پارتىلايدى. بەنزين قىزدىرىلعاندا گازعا اينالادى. ونىڭ ۇستىنە تەمىر قۇمىرانىڭ ىشىندەگى اۋامەن بىرىگەدى. بۇل تۇردەگى بىرىكپە گاز بەلگىلى دارەجەگە جەتكەندە وتقا كەزدەسسە دەرەۋ وتالىپ كۇشتى پارتىلايدى.
سوندىقتان، ماي قۇيۋ پۋنكتى، بەنزين قامباسى جانە حيميا ونەركاسىپ زاۆودى سياقتى جانعىش گاز پايدا بولاتىن جەرلەردىڭ بارلىعىندا «تەمەكى شەگۋگە بولمايدى»، «وتتى شەكتەيدى» دەگەن ەسكەرتۋ بار. ءسال كوڭىل بولمەي قالساڭىز، قوپارىلىس تۋىلىپ، حالىقتىڭ ءومىرى. مال-مۇلكى زيانعا ۇشىرايدى.
وندا نە ءۇشىن ماي قۇيۋ پۋنكتتەرىندە تەلەفون پايدالانۋعا بولمايدى؟
اسىلىندە جىلجىمالى تەلەفوننىڭ ىشىندە ءبىرقاتار ەلەكتروندىق ەلەمەنتتەر دەتالى بولادى. جىلجىمالى تەلەفوندى پايدالانعاندا تەلەفوننىڭ ىشىندە ۇساق ەلەكتىر ۇشقىندارىنا ۇقسايتىن وتە ءالسىز توك شىعارۋ جاعدايى پايدا بولادى.
ەگەر ماي قۇيۋ پۋنكتىنىڭ توڭىرەگىندەگى اۋاداعى بەنزين گازىنىڭ اۋاداعى سالىستىرماسى وتە جوعارى بولىپ كەتسە، بۇل تۇردەگى ەلەكتر ۇشقىندارىنا جولىقسا پارتىلايدى. سوندىقتان، ماي قۇيۋ پۋنكتتەرىنىڭ جاقىن ماڭىندا تەلەفون پايدالانۋعا تيىم سالىنادى. ۇقساس قاعيدا بويىنشا ماماندار ادامدارعا مىنانى ەسكەرتەدى. ەگەر وتباسىندا گاز قاشۋ سياقتى جاعداي تۋىلسا، دەلونى مالىمدەۋگە ءاركەز ۇيدەگى تەلەفوندى پايدالانباۋ كەرەك. ويتكەنى، ترۋپكانى قولعا العان سول ۋاقىتتا تەلەفون اپپاراتىنىڭ ىشىندە ەلەكتىر ۇشقىندارى پايدا بولۋى مۇمكىن. ەگەر ۇيدە گازدىڭ قويۋلىق دارەجەسى جوعارى بولسا، قاتەرلى پارتىلاۋ قويعاسى تۋىلادى.
ءان الەمى

جول توسىلىپ قالدى

تۇلپارىم