باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

قانداي قىزىعۋشىلىقتار تابىس اكەلەدى؟

    كەلۋ قاينارى: شينجياڭ حالىق راديو ىستانسياسى    2017-09-08 21:08:08  
«ومىردە ءوز ورنىڭدى تابۋعا ۇمتىلۋ كەرەك، ءوز قىزىعۋشىلىعىڭدى ايقىنداپ، اينالىساتىن ءىسىڭدى جاقسى كورۋىڭ كەرەك» دەگەن سيپاتتاعى ماقالالاردى كوپ وقيمىز. ارينە،ءوز ءىسىن ءسۇيىپ ىستەگەن ۋاقىتتا عانا ۇلكەن جەتىستىككە جەتۋگە بولادى. ناقتى قانداي قىزىعۋشىلىقتار ارقىلى اقشا تابۋعا بولادى، سارالاپ كورەيىك.
فيزيكالىق جاتتىعۋلار
ەگەر ءسىز يوگا، فيتنەس، توبەلەس شەبەرلىكتەرىمەن، جۇگىرۋ، بوديبيلدينگ نەمەسە تاعى باسقا كوپتەگەن سالاۋاتتى ءومىر سالتىن ءناسيحاتتايتىن باعىتتارمەن شىنداپ اينالىسساڭىز، ءتۇپتىڭ تۇبىندە ۇلكەن جەتىستىكتەرگە جەتەسىز. كەيىن كەم دەگەندە نۇسقاۋشى نەمەسە باپكەر بولا الاسىز. ال بولاشاقتا ءوز جاتتىعۋ امالدارىڭىزدى ساتىپ، اقشا تابۋعا، ءتىپتى قىزىعۋشىلىعىڭىز تانىمالدىلىققا الىپ كەلۋى دە بەك مۇمكىن.
سۋرەتكە ءتۇسىرۋ
البەتتە، سۋرەتكە ءتۇسىرۋ اركىمنىڭ قولىنان كەلەدى، الايدا وتە جاقسى سۋرەتكە ءتۇسىرۋ ۇلكەن شەبەرلىكتى تالاپ ەتەدى. ەگەر شىعارماشىلىقتىڭ وسى تۇرىنە يكەمىڭىز بار بولسا، وندا ماماندىعىڭىزعا اينالدىرۋعا ابدەن بولادى. جاقسى فوتواپپارات ساتىپ الىڭىز، سۋرەتكە كوپ ءتۇسىرىڭىز، ءاردايىم ىزدەنىستە بولىڭىز، كوپ وقىڭىز، سۋرەتكە تۇسىرۋگە ارنالعان قيمىلدارعا  قاتىسىپ، سۋرەتتەرىڭىزدى ساتىپ كورىڭىز.
مۋزىكا
ەگەر تابيعات سىزگە تاماشا ەسىتۋ قابىلەت پەن مۋزىكاعا دەگەن شەكسىز ماحاببات سيلاپ، ءبىراق تاعدىر ءسىزدى زەرىكتىرەتىن كەڭسەگە وتىرعىزىپ قويسا، بۇل ادىلەتسىزدىكتى جەڭۋدىڭ جولى بار. بىردەن جۇلدىزدىق ءمانساپتى ارمانداماس بۇرىن بالكىم گيتارا ويناۋدان نەمەسە ۆوكالدان ساباق بەرەرسىز، كەيىن اۋەسقويلاردىڭ كونتسەرتتەرىنە قاتىسىپ، ودان كەيىن بالكىم ۇلكەن ساحناعا دا از قادامدار قالار.
سانگەر بولۋ بىرەۋگە تاڭعاجايىپ كورىنەر. الايدا كۇنى بويى ءسان جۋرنالدارىن پاراقتاپ، ءسان كيىمدەرىن تالقىلاۋ ءسىزدىڭ جاڭا ماماندىعىڭىزدىڭ باستاماسى بولۋى مۇمكىن. ەگەر تالعامىڭىز جوعارى بولسا، سوڭعى ساندىك مودىلاردى جاقسى سارالاي الساڭىز، ءوزىڭىزدى وسى سالادا جاقسى كورسەتە الامىن دەسەڭىز، الدىڭىزدا زور مۇمكىندىكتەر كۇتىپ تۇر.
تاماق ءپىسىرۋ
ەگەر جاقىن ادامدارىڭا ءوزىڭىزدىڭ ەرەكشەلىكتەرىڭىزبەن تانىمال بولساڭىز، ال تۋىستارىڭىز بەن تانىستارىڭىز  ءسىزدىڭ وسى جاقتاعى قۇپيالارىڭىزدى سۇراپ قويماسا، بالكىم ءسىز وسى سالادا قابىلەتتى شىعارسىز؟ كىشكەنتاي اسحانا، نە كافە اشىپ، تاۋەكەلگە بارۋ كەرەك شىعار؟
ساياحاتتاۋكوپ شىعىندى تالاپ ەتەتىن ساياحاتتاۋ ءىسى دە تابىس اكەلە الادى. ساياحاتتاعاندى بارلىق ادام جاقسى كورەدى، الايدا دۇرىس ساياحاتتاۋدى ەكىنىڭ ءبىرى بىلە بەرمەيدى. ەگەر جارتى الەمدى شارلاپ شىققان ساياحاتشى بولساڭىز، جاڭادان باستاپ كەلە جاتقان ساياحاتشىلارعا ءبىلىمىڭىزدى ساتساڭىز دا بولادى. ياعني  ساياحاتشىلاردى ۇيىمداستىرۋعا، باعىتتى ايقىنداۋعا، ەكسپەرتتىك كەڭەس بەرۋگە جانە ت. ب. بۇل سالانىڭ دا قولدانىس كولەمى كەڭ كاسىپ.
ءان الەمى

جول توسىلىپ قالدى

تۇلپارىم