باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

جاسىل دامۋ ۇستانىمىنان جازباي، ەكولوگيالىق قورشاعان ورتانى تىڭعىلىقتى جونگە سالۋ، جاقسارتۋ، قورعاۋ كەرەك

    كەلۋ قاينارى: xjbs    2017-09-09 17:12:31  

 ەرىكتى ءتىلشى تاڭ جيانيۇڭ 7 - قىركۇيەكتە چاقىلىقتان حابارلايدى.

ورتالىقتىڭ قورشاعان ورتانى قورعاۋدى باقىلاۋ - تەكسەرۋ 8 - گرۋپپاسىنىڭ باستىعى لي جياشياڭ 5 - قىركۇيەكتەن 7 - قىركۇيەككە دەيىن اقسۋ ايماعىنىڭ، بايىنعولين موڭعۇل اۆتونوميالى وبلىسىنىڭ ءبىر ءبولىم اۋدان، قالالارىنا ىلگەرىندى - كەيىندى بارىپ، ەكولوگيالىق قورشاعان ورتانى قورعاۋ قىزمەتىنە باقىلاۋ - تەكسەرۋ جۇرگىزدى. ول مىنالاردى باسا دارىپتەدى: وڭتۇستىك شينجياڭ ءوڭىرىنىڭ ەكولوگيالىق قورشاعان ورتاسى ءالسىز، قورشاعان ورتانىڭ كوتەرىمدىلىك قۋاتى تومەن، وڭاي بۇلىنەدى، وڭايلىقپەن قالپىنا كەلمەيدى، جاسىل دامۋ ۇستانىمىنان جازباي، ەكولوگيالىق قورشاعان ورتانى تىڭعىلىقتى جونگە سالۋ، جاقسارتۋ، قورعاۋ كەرەك.  

 5 - قىركۇيەكتە لي جياشياڭ ونسۋ اۋدانى كوكيار باسقارۋ اۋماعىنداعى مەملەكەت دارەجەلى جاڭعاق وسىرۋدەن ۇلگى كورسەتۋ بازاسىنا، اقسۋ گومانتاڭ جەمىس - جيدەك شارۋاشىلىعىن وركەندەتۋ شەكتى سەرىكتەستىگىنىڭ شىلان باقشاسىنا بارىپ تەكسەرۋ - زەرتتەۋ جۇرگىزدى. لي جياشياڭ جۇمىس باسىنا بارىپ، جەمىس ورمانىن ەگۋ، قۇمايتتانۋدان ساقتانۋ، قۇمدى تىزگىندەۋ سياقتى قاتىستى جاعدايلاردى تاپتەشتەي ۇعىستى. ول مىنالاردى اتاپ كورسەتتى: ەكولوگيانى قورعاۋدى مىقتى ۇستاۋمەن بىرگە، بەلسەندىلىكپەن جاڭالىق اشىپ، ەكونوميكالىق ونىمدىلىك جاراتىپ، حالىق بۇقاراسىنا قورشاعان ورتانى قورعاۋ الا كەلگەن ونىمدىلىكتەردى شىن مانىندە سەزىندىرۋ كەرەك.

  سول كۇنى لي جياشياڭ اقسۋ قالاسى حۇڭچيپو شاعىن اۋماعىن باسقارۋ كوميتەتىنىڭ حۇڭچيپو ەگىنشىلىك الاڭى 3 - بولىمشە الاڭى 9 - اترەتىنە بارىپ، بۇقارا ارىز بەرگەن مال - قۇس باعىمشىلىعىنداعى تەزەك، ساڭعىرىقتاردىڭ تۇرمىس ورتاسىن لاستاۋىن ءبىر جاقتى ەتۋ جاعدايىنا جۇمىس باسىندا باقىلاۋ - تەكسەرۋ جۇرگىزدى. تانىستىرۋعا قاراعاندا، وزگەرتۋگە تابىستاعان ماسەلەنى تاپسىرىپ العاننان كەيىن، اقسۋ ايماعى وسكەلەڭ ءمان بەرىپ، دەرەۋ تەكسەرىپ، تاباندى ءبىر جاقتى ەتىپتى. قازىر، وزگەرتۋگە تابىستاعان ماسەلە ءبىر جاقتى ەتىلىپ، وزگەرتۋ شاراسىنىڭ تالاپتارى نەگىزىنەن تياناقتاندىرىلىپتى.

  لي جياشياڭ مىنالاردى اتاپ كورسەتتى: بۇقارا اڭىس ەتكەن ماسەلەنىڭ اربىرەۋىن تۇگەل تياناقتاندىرۋ، اربىرەۋىنە تۇگەل جاۋاپ قايتارۋ كەرەك، قورشاعان ورتانى قورعاۋدا كىشكەنە ءىس جوق، ءتۇيىندىسى ۇزبەي جالعاستىرۋ، قورشاعان ورتانى قورعاۋ قىزمەتىن شىن مانىندە كۇشەيتىپ، ەكولوگيالىق قورشاعان ورتانى قورعاۋدىڭ باياندى مەحانيزمىن قالىپتاستىرۋ كەرەك.

  باعراش كولى ەلىمىزدەگى ەڭ ۇلكەن ىشكى قۇرلىقتىق تۇششى كول، ول 2016 - جىلى «13 - بەسجىلدىق» مەملەكەتتىك مادەنيەت جانە تابيعي بايلىقتاردى قورعاۋ، پايدالانۋ قۇرىلعى قۇرىلىسىنىڭ ارناۋلى نىساندىق مۇراعات بايلىعى تىزىمدىگىنە ەنگىزىلىپ، سول جىلى مەملەكەتتىك ءتۇيىندى ەكولوگيالىق فۋنكتسيا رايونى قاتارىنا الىنعان. 6 - قىركۇيەكتە، لي جياشياڭ باعىراش كولىنە بارىپ تەكسەرۋ - زەرتتەۋ جۇرگىزگەن كەزدە مىنالاردى باسا دارىپتەدى: ساياحاتتى وركەندەتۋمەن بىرگە، ەكولوگيالىق قورشاعان ورتانى قورعاۋ قىزمەتىن دە تىڭعىلىقتى ىستەۋ كەرەك، ەكونوميكانىڭ دامۋى باياۋلاسا دا، قورشاعان ورتانى قۇرباندىققا بەرۋگە بولمايدى، باعراش كولىنىڭ ەكولوگيالىق قورشاعان ورتاسىن شىن مانىندە جاقسى قورعاۋ كەرەك.

  كورلا ەكونوميكالىق - تەحنيكالىق اشۋ رايونىندا، لي جياشياڭ شينجياڭ ماركور حيميا ونەركاسىبى جارنا شەكتى سەرىكتەستىگىنىڭ حيميا ونەركاسىبىنىڭ قورشاعان ورتانى لاستاۋىن تۇزەتۋ جاعدايىنا جۇمىس باسىندا باقىلاۋ جۇرگىزدى. ول مىنالاردى باسا دارىپتەدى: كاسىپورىن قورشاعان ورتانى قورعاۋداعى تۇلعالىق جاۋاپكەرشىلىگىن ساۋلەلەندىرىپ، ەكولوگيالىق قورشاعان ورتانى قورعاۋ ماسەلەسىندە استە نەمكەتتىلىك ىستەمەۋى، جۇمىس ولشەمىن كەمەيتپەۋى، ەكولوگيالىق قورشاعان ورتانى قورعاۋدى تىڭعىلىقتى ىلگەرىلەتۋى كەرەك.

  6 - قىركۇيەك تۇستەن كەيىن، لي جياشياڭ چەرچەن اۋدانى ارال اۋىلى ارال قىستاعىنداعى ورگانيكالى شىلان وسىرۋدەن ۇلگى كورسەتۋ باقشاسىنا، چەرچەن اۋدانى حىدۇڭ بوراننان ساقتانۋ، قۇمدى تىزگىندەۋ ينجەنەرياسىنا، چاقىلىق اۋدانى شىلان وسىرۋدەن ۇلگى كورسەتۋ باقشاسىنا بارىپ قۇرىلىس جاعدايىنا تەكسەرۋ - زەرتتەۋ جۇرگىزدى. ول مىنالاردى اتاپ كورسەتتى: وڭتۇستىك شينجياڭ ءوڭىرىنىڭ ەكولوگيالىق قورشاعان ورتاسى ءالسىز، دەسە دە، قۇم تەڭىزىنەن ءونىمدى پايدالانىپ، ءشول دالانى جاسىل القاپقا اينالدىراتىن بەكىممەن قۇمدى تىزگىندەۋدىڭ جاڭا ۇلگىسى جونىندە ىزدەنىس جاساپ، ەكولوگيالىق ونىمدىلىكتىڭ، قوعامدىق ونىمدىلىكتىڭ جانە ەكونوميكالىق ونىمدىلىكتىڭ ورگانيكالى ۇشتاسۋىن قۇلشىنا جۇزەگە اسىرۋ كەرەك.  

 7 - قىركۇيەكتە لي جياشياڭ چاقىلىق اۋدانى تىكەنلىك قالاشىعى عولوستەڭ قىستاعىنا بارىپ ەكولوگيالىق وركەنيەت قۇرىلىسىنىڭ جاعدايىنا تەكسەرۋ - زەرتتەۋ جۇرگىزدى. وسى قىستاقتىڭ شىلان شارۋاشىلىعىن زور كۇشپەن دامىتۋ ارقىلى تۇرعىنداردى كەدەيلىكتەن قۇتىلىپ، اۋقاتتانۋعا باستاعانىن ەستىگەننەن كەيىن، ول مىنالاردى اتاپ كورسەتتى: ەكولوگيالىق وركەنيەت قۇرىلىسىن كەدەيلىكتەن قۇتىلدىرۋدان قامال الۋمەن ورگانيكالى ۇشتاستىرىپ، حالىق بۇقاراسىنا قورشاعان ورتانى قورعاۋ الا كەلگەن ونىمدىلىكتى شىن مانىندە سەزىندىرىپ، جاسىل تاۋ، تۇنىق سۋ ارقىلى حالىق بۇقاراسىنىڭ كەنەلۋ سەزىمىن جوعارىلاتۋ كەرەك.

   اۆتونوميالى رايوننىڭ باسشىلارىنان جاۋ چۇڭجيۋ، جاڭ چۇنلين باقىلاۋ - تەكسەرۋدە بىرگە بولدى. كەلۋ قاينارى : شينجياڭ گازەتىنەن

ءان الەمى

جول توسىلىپ قالدى

تۇلپارىم