باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

شي جينپيڭ ۇسىنىس بويىنشا فرانسيانىڭ زۇڭتۇڭى ماكرونمەن تەلەفوندا سويلەستى

    كەلۋ قاينارى: شينجياڭ گازەتى    2017-09-10 19:05:41  
 شينحۋا اگەنتتىگىنىڭ 8 - قىركۇيەكتە بەيجيڭنەن بەرگەن حابارى. مەملەكەت ءتوراعاسى شي جينپيڭ ۇسىنىس بويىنشا فرانسيانىڭ زۇڭتۇڭى ماكرونمەن تەلەفوندا سويلەستى.
  شي جينپيڭ مىنانى اتاپ كورسەتتى: جۇڭگو جۇڭگو مەن فرانسيانىڭ ءداستۇرلى دوستىعىنا باسا ءمان بەرەدى. زۇڭتۇڭ مىرزامەن گامبۋرگتە تۇڭعىش رەت كەزدەسكەندە، جۇڭگو مەن فرانسيانىڭ قۋاتتى جان - جاقتى ستراتەگيالىق سەرىكتەستىك قاتىناسىن دامىتۋ جونىندە كەلەلى ورتاق تانىمعا كەلدىك. تاراپتار ءبىر - ءبىرىنىڭ وزەكتى مۇددەسى مەن كەلەلى قاداعالايتىن ماسەلەلەرىنە ءوزارا قۇرمەت ەتۋ نەگىزىندە، مۇنان دا تىعىز سەلبەستىكتەردى ۇزدىكسىز ورىستەتىپ، جوعارى دەڭگەيدە ءوزارا پايدا جەتكىزۋدى، يگىلىككە تەڭ كەنەلۋدى جۇزەگە اسىرىپ، جۇڭگو مەن فرانسيا قاتىناسىنىڭ اقاۋسىز، ورنىقتى دامۋىن جەبەۋى كەرەك. جۇڭگو فرانسيا مەن ەۆروپانى دۇنيە ءجۇزىنىڭ ورنىقتىلىعىن، كوركەيىپ - گۇلدەنۋىن قورعايتىن ماڭىزدى كۇش دەپ بىلەدى، مەن ەكى ەلدىڭ الەمدىك جانە وڭىرلىك كەلەلى ماسەلەلەردە تىعىز پىكىرلەسۋ، سايكەسۋ جاعدايىن ساقتاۋىن قۇپتايمىن.  ماكرون جۇڭگونىڭ بريكس ەلدەرى باسشىلارىنىڭ شيامىنداعى كەزدەسۋىن ءساتتى وتكىزگەندىگىن قۇتتىقتادى. ول: فرانسيا مەن جۇڭگو − جان - جاقتى ستراتەگيالىق سەرىكتەر. كەزەكتەگى حالىقارالىق جاعدايدا، فرانسيا - جۇڭگو سەلبەستىگى دۇنيە جۇزىلىك سىن - سايىستارعا توتەپ بەرۋ جونىنەن ءتىپتى دە ماڭىزدى. فرانسيا فرانسيا - جۇڭگو قاتىناسىن تەرەڭدەتىپ، مەحانيزم سيپاتىندىق تىلدەسۋلەردى ويداعىداي وتكىزىپ، ەكونوميكا، يادرو ەنەرگياسى، قورشاعان ورتا سياقتى سالالارداعى سەلبەستىكتى نىعايتۋعا كۇش سالادى، - دەدى.
  ەكى ەل باسشىلارى كورەي تۇبەگى جاعدايى جونىندە كوزقاراستارىن ايتتى. شي جينپيڭ مىنانى باسا دارىپتەدى: جۇڭگو كورەي تۇبەگىن يادرولىق قارۋسىزداندىرۋ نىساناسىنان جازبايدى، حالىقارادا يادرولىق قارۋلاردىڭ تارالۋىنىڭ الدىن الۋ جۇيەسىن باتىل قورعاپ، شىعىس سولتۇستىك ازيانىڭ بەيبىتشىلىگى مەن ورنىقتىلىعىن باتىل قورعايدى. كورەي تۇبەگى ماسەلەسى، سايىپ كەلگەندە، تىلدەسۋ، كەڭەسۋ سياقتى بەيبىت تاسىلدەرمەن شەشىلەدى. فرانسيا جاقتىڭ ب م ۇ حاۋىپسىزدىك القالار كەڭەسىنە تۇراقتى مۇشە ەل تۇرعىسىنان جاعدايدى باسەيتۋدە، كەلىسسوزدى قايتا باستاۋدا سىندارلى رول اتقارۋىن ءۇمىت ەتەمىن.
  ماكرون بىلاي دەدى: فرانسيا كورەي تۇبەگىنىڭ بەيبىتشىلىگى مەن ورنىقتىلىعىن كۇش سالا قورعايدى، جۇڭگونىڭ كورەي تۇبەگىن يادرولىق قارۋسىزداندىرۋ ماسەلەسىندەگى تۇرعىسى مەن ماڭىزدى رولىنا باسا ءمان بەرەدى، جۇڭگومەن سەلبەستىكتى نىعايتىپ، كورەي تۇبەگىن يادرولىق قارۋسىزداندىرۋ ماسەلەسىن ۇيلەسىمدى شەشۋدى جەبەيدى.
ءان الەمى

جول توسىلىپ قالدى

تۇلپارىم