باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

بيىل شىلدەدە شينجياڭ ونەركاسىبى ارتقان قۇنىنىڭ ارتۋ قارقىنى بۇكىل مەملەكەت ونەركاسىبى ارتقان قۇنىنىڭ ورتاشا ارتۋ قارقىنىنان 4.8 پايىز جوعارى بولدى

    كەلۋ قاينارى: شينجياڭ حالىق راديو ىستانسياسى    2017-09-25 17:58:58  
شينجياڭ گازەتىنىڭ حابارى: بيىل شىلدەدە شينجياڭ ونەركاسىبى ارتقان قۇنىنىڭ ارتۋ قارقىنى %11. 2 كە جەتىپ، بۇكىل مەملەكەت ونەركاسىبى ارتقان قۇنىنىڭ ورتاشا ارتۋ قارقىنىنان 4. 8 پايىز جوعارى بولىپ، مەملەكەت بويىنشا 3-ورىنعا شىقتى. بۇل رايونىمىزدىڭ كولەمنەن جوعارى ونەركاسىپ كاسىپورىندارى جاڭا قالىپقا ەنگەننەن بەرى ايلىق ونەركاسىپ قۇنى ارتۋ قارقىنىنداعى ەڭ تاماشا ناتيجە، بۇل تۇتاس جىلداعى ونەركاسىپ قۇنى ارتۋ قارقىنىن %6 كە جەتكىزۋ نىساناسىن ورىنداۋعا پارمەندى نەگىز قالادى. شينجياڭدا ونەركاسىپ ەجەلدەن بەرى حالىق شارۋاشىلىعىنىڭ تەز ارتۋىن ىلگەرىلەتۋدەگى ەڭ ماڭىزدى بەلگىلەۋشى فاكتور بولىپ، تۇتاس اۆتونوميالى رايونىمىزدىڭ ەكونوميكاسى مەن قوعامىنىڭ دامۋىندا اسا ماڭىزدى رول اتقارىپ كەلەدى.
پارتيانىڭ 18-قۇرىلتايىنان بەرى، اۆتونوميالى رايوندىق پارتكوم، حالىق ۇكىمەتى پارتيا ورتالىق كوميتەتى تۇراقتاندىرعان شينجياڭدى جونگە سالۋ جالپى جوباسىن تىعىز ارقاۋ ەتىپ، قامداۋ جاعىنداعى قۇرىلىمدىق رەفورمانى نەگىزگى جەلى ەتۋدەن جازباي، عىلىم-تەحنيكادا جاڭالىق اشۋدى قوزعاۋشى كۇش، كاسىپورىن دامۋىنا قىزمەت كورسەتۋدى وزەك ەتىپ، ونەركاسىپ پەن ينفورماتسيالاندىرۋدى دامىتۋدى بارىنشا ىلگەرىلەتىپ، ونەركاسىپ ەكونوميكاسى جالپى مولشەرىنىڭ ۇزدىكسىز كەڭەيىپ، ساپا، قۇرىلىم جانە ونىمدىلىگىنىڭ كورنەكتى جوعارىلاۋىن جەبەدى، شينجياڭنىڭ جاڭاشا ونەركاسىپكە قاراي دامۋى دا جاڭا بەلەسكە كوتەرىلدى.
قازىر رايونىمىزدىڭ توقىما ونەركاسىبىندە ماقتا ءوندىرىس قۋاتى 13 ميلليون 600 مىڭ ۇرشىقتان اسىپ، باتىس بولىكتەگى ولكە، رايونداردىڭ الدىڭعى لەگىنە ءوتتى، جەڭىل ونەركاسىپ ءونىم قۇنى ميلليارد يۋانعا جەتكەن 2-كاسىپ سالاسىنا اينالدى؛ جەل كۇشى گەنەراتورى، جۇگەرى ورۋ ماشيناسى، سۋ ۇنەمدەۋ جابدىعى، ەلەكتروندى اليۋمين كەبەكشەسى سياقتى ونىمدەردىڭ مولشەرى مەملەكەت بويىنشا ءبىرىنشى؛ مۇناي، تابيعي گاز، ترانسفورماتور، ەلەكتروليزدەلگەن اليۋمين، قويمالجىڭ جەلىم سىقىلدى ءبىرسىپىرا ونىمدەر مولشەرى دە مەملەكەت بويىنشا الدىڭعى ورىندا. . . ونەركاسىپتىڭ تۇلعالىق قۋاتى كورنەكتى ارتىپ، شينجياڭ قوعامىنىڭ ورنىقتىلىعى مەن باياندى تىنىشتىعىن جۇزەگە اسىرۋعا بەرىك نەگىز قالادى.
توقىما جانە كيىم-كەشەك كاسىبى شينجياڭنىڭ بايلىق باسىمدىعىنا بۇرىلىس جاساعان ءداستۇرلى تىرەكتى كاسىبى، سونداي-اق جۇمىسقا ورنالاستىرۋداعى ەڭ كوپ جەبەيتىن حالىق تۇرمىسى كاسىبى.
»شينجياڭنىڭ توقىماشىلىق پەن كيىم-كەشەك كاسىبىن دامىتۋ قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرىپ، كەدەيلىكتەن قۇتىلدىرۋدان قامال الۋدى ىلگەرىلەتىپ، جاپپاي دوڭگەلەك داۋلەتتى قوعام قۇرۋدى ورىنداپ، 1-، 2-، 3-كاسىپتەردىڭ سايكەسە دامۋىن ىلگەرىلەتۋدە ەرەكشە ماڭىزدى رولعا يە»،-دەدى اۆتونوميالى رايوندىق توقىما كاسىبى كەڭسەسىنىڭ مەڭگەرۋشىسى ليۋ ياننيڭ.
2014-جىلدان بەرى، اۆتونوميالى رايون توقىما جانە كيىم-كەشەك كاسىبىن دامىتۋ ارقىلى جۇمىسقا ورنالاستىرۋدى ىلگەرىلەتۋ ستراتەگياسىن بەلسەنە اتقاردى. توقىماشىلىق، كيىم-كەشەك تاسىمالىنا كومەك قاراجات، شينجياڭ ماقتاسىن پايدالانۋعا كومەك قاراجات، كاسىپورىنداردىڭ قوعامدىق قامتاماسىزداندىرۋ كومەك قاراجاتى، باسۋ-بوياۋ لاس سۋلارىن ءبىر جاقتى ەتۋ جابدىعى قۇرىلىسىنا كومەك قاراجاتى سياقتى ءبىرسىپىرا حالىققا تيىمدىلىك جەتكىزۋ ساياساتتارى شينجياڭنىڭ توقىما، كيىم-كەشەك كاسىبىندە جاڭادان جۇمىسقا ورنالاسقاندار سانىن 248 مىڭ 800 گە جەتكىزدى، سونداي-اق شينجياڭدى مەملەكەت بويىنشا توقىما جانە كيىم-كەشەك كاسىبىنە قارجى ەڭ مول قوسىلاتىن ولكەگە اينالدىردى.
»بيىل ماۋسىمعا دەيىن تىزىمگە الدىرعان توقىماشىلىق، كيىم-كەشەك كاسىپورىن سانى 2 مىڭ 525 كە جەتىپ، 3جىلدىڭ الدىنداعىدان ءبىر مىڭ 965 كاسىپورىن ارتتى، بۇل 3 جىلدىڭ الدىنداعىدان 5. 4 ەسە كوپ، مۇنىڭ ىشىندە ىشكى ولكەلەردەن شينجياڭعا قارجى قوسىپ سالىنعان زاۆود-كاسىپورىن سانى 3 جىلدىڭ الدىنداعى 10 نان 2 مىڭ 525 كە جەتتى»،-دەدى ليۋ ياننيڭ، 3 جىلدان بەرى بۇكىل شينجياڭنىڭ توقىماشىلىق، كيىم-كەشەك كاسىبىندە جاڭادان جۇمىسقا ورنالاسقان ادام سانى 248 مىڭ 800 گە جەتىپ، شينجياڭنىڭ اۋىل-قىستاقتارداعى ارتىق ەڭبەككۇشتەردى جۇمىسقا ورنالاسۋعا باۋرايتىن ماڭىزدى ارناسىنىڭ بىرىنە اينالدى.
سونىمەن بىرگە، اۆتونوميالى رايونىمىز كومەك قاراجات ءۇشىن جالپى ءبىر ميلليارد 700 ميلليون يۋان قوسىپ، «تەز ءونىم بەرەتىن» نىسانداردان 2 مىڭ 923 ىن اتقاردى، 3 جىلدان بەرى بۇل نىساندار جالپى 26 ميلليارد يۋان قوعامدىق قارجىنىڭ قوسىلۋىنا سەپ بولىپ، ونەركاسىپتىڭ ارتقان ءونىم قۇنىن 3 ميلليارد 200 ميلليونعا جەتكىزىپ، جاڭادان 176 مىڭ ادامدى كاسىپكە ورنالاستىردى، مۇنىڭ ىشىندە اۋىل-قىستاقتارداعى ارتىق ەڭبەككۇشتەردەن جاڭادان 120 مىڭ ادام جۇمىسقا ورنالاستى.
ءان الەمى

جول توسىلىپ قالدى

تۇلپارىم