باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

ءۇي ءىشىنىڭ تەمپەراتۋراسى مەن دىمقىلدىعى قانداي بولسا ۇيلەسىمدى بولادى؟

    كەلۋ قاينارى: شينجياڭ حالىق راديو ىستانسياسى    2017-10-03 19:10:19  
ءۇي ءىشىنىڭ تەمپەراتۋراسى مەن دىمقىلدىعى ۇيلەسىمدى بولسا، ادامداردىڭ دەنساۋلىعىنا، قىزمەتىنە، ۇيرەنۋىنە جانە تۇرمىسىنا ەرەكشە پايدالى.
ءۇي ءىشىنىڭ تەمپەراتۋراسى ەرەكشە جوعارى بولسا، ادامنىڭ دەنە تەمپەراتۋراسىن دۇرىس رەتتەۋىنە ىقپالى تيەدى. مۇنداي ورتادا ىستىقتىڭ تارالۋى جاقسى بولماعاندىقتان ادامنىڭ دەنە تەمپەراتۋراسى جوعارىلايدى، قان تامىرلارى كەڭەيەدى، تامىر مەن جۇرەكتىڭ سوعۋى تەزدەيدى. قىس ماۋسىمىندا ءۇي ءىشىنىڭ تەمپەراتۋراسى ۇنەمى 32 سەلىتسي گرادۋستان جوعارى بولسا ماۋجىراۋ، باس اينالىپ قۇلاق شىڭىلداۋ، پىكىر جۇرگىزۋ، ەستە ۇستاۋ قۋاتىنىڭ ناشارلاۋى سياقتى جايىتتەر بايقالادى. ءۇي ءىشى مەن سىرتتىڭ تەمپەراتۋرا پارقى ۇلكەن بولعاندىقتان ادام دەنەسى بۇعان سايكەسە الماي وڭاي تۇماۋ تيەدى. ەگەر ءۇي ءىشىنىڭ تەمپەراتۋراسى وتە تومەن بولسا ادام دەنەسىنىڭ زات الماستىرۋ قۋاتى تومەندەپ، تامىر سوعۋى، تىنىس الۋى باياۋلاپ، تەرى استىنداعى قان تامىرلار تارايىپ كەتەدى. تىنىس الۋ جۇيەسىندەگى كىلەگەي پەردەلەردىڭ قارسىلىق قۋاتى السىرەپ، ادام تىنىس جولى اۋىرۋىنا وڭاي شالدىعادى. سول ءۇشىن عالىمدار ادامنىڭ سۋىققا توزىمدىلىك ەتە الۋ شەگى 11 سەلتسي گرادۋس، ال ىستىققا توزە الۋ شەگى 32 سەليتسي گرادۋس دەپ بەلگىلەگەن.
ءۇي ءىشىنىڭ تەمپەراتۋراسىن رەتتەۋگە كوڭىل بولۋمەن بىرگە ءۇي ءىشىنىڭ دىمقىلدىعىنادا كوڭىل بولگەن ءجون. جاز ماۋسىمىندا، ءۇي ءىشىنىڭ دىمقىلدىعى وتە جوعارى بولىپ كەتسە ادام دەنەسىنىڭ ىستىق تاراتۋى كەدەرگىگە ۇشىراپ، دەم سىعىلىپ جايسىزدانادى. قىس ماۋسىمىندا ءۇي ءىشىنىڭ دىمقىلدىعى وتە جوعارى بولسا، ادام قوڭىلتاقسىپ قالادى. دىمقىلدىق وتە تومەن بولسا، تىنىس الۋ جۇيەسىندەگى كىلەگەي پەردەلەردىڭ سۋ قۇرامى ازايىپ، اۋىز كەۋىپ، جۇتقىنشاق ءىسىپ اۋىرىپ، تاماق قارلىعىپ، مۇرىننان قان اعادى ءارى وڭاي تۇماۋراتىپ قالادى. تاجىريبەگە قاراعاندا ادامدارعا ەڭ ۇيلەسىمدى ءۇي ءىشى تەمپەراتۋراسى قىس كۇندەرى 18 گرادۋستان 25 گرادۋسقا دەيىن، دىمقىلدىعى 30 پروتسەندتەن 80 پروتسەندكە دەيىن بولسا، جاز كۇندەرى تەمپەراتۋرا 23 تەن 28 گرادۋسقا دەيىن، دىمقىلدىعى 30 پروتسەندتەن 50 پروتسەندكە دەيىن بولسا ەڭ ۇيلەسىمدى بولادى. اۋا رەتتەگىش ورناتىلعان ۇيلەردىڭ تەمپەراتۋراسى 19 دان 24 گرادۋسقا دەيىن، دىمقىلدىعى 40 پروتسەندتەن 50 پروتسەندكە دەيىن بولسا ەڭ ۇيلەسىمدى بولعانى. ەگەر ءۇي ءىشىنىڭ تەمپەراتۋراسى 18 گرادۋس، دىمقىلدىعى 40 پروتسەندتەن 60 پروتسەندكە دەيىن بولسا ادامداردىڭ كوڭىل-كۇيى كوتەرىڭكى بولىپ قىزمەت ونىمدىلىگى ارتا تۇسەدى.
ءان الەمى

جول توسىلىپ قالدى

تۇلپارىم