باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

اۋىرعان بالانىڭ قىزۋىن قايتارۋداعى قاتەلىكتەر

    كەلۋ قاينارى: شينجياڭ حالىق راديو ىستانسياسى    2017-10-06 17:04:45  
1. قىزعان بالانى وراپ-شىمقاپ، تەرلەتۋ ارقىلى قىزۋىن تۇسىرۋگە ۇرىنۋ. كەي اتا-انالار بالاسى قىزىپ اۋىرعاندا ءدارى ىشكىزەدى دە، وراپ-شىمقاپ تاستايدى. تەرلەسە قىزۋى تۇسەدى دەپ قارايدى. ال قالىڭ عىپ وراپ تاستاعان بالانىڭ دەنەسىنىڭ ىستىقتى تاراتۋى كەدەرگىگە ۇشىراپ، دەنە تەمپەراتۋراسى ونان ارى ورلەپ كەتەدى.
دۇرىس ءتاسىلى: بالا قىزعاندا، كيىمىن بارىنشا جەڭىلدەتىپ، بولمەنىڭ اۋاسىن الماستىرۋعا كوڭىل ءبولۋ كەرەك. دەگەنمەن، بالانىڭ اياق-قولىنىڭ جىلى بولۋىنا كوڭىل بولگەن ءجون.
2. بالا قىزعاندا جۋىندىرۋعا بولمايدى دەپ قاراۋ. كەي اتا-انالار بالا قىزىپ تۇرعاندا سۋعا تۇسىرۋگە بولمايدى، سۋىق ءتيىپ قالادى دەپ الاڭدايدى. بالا قىزعاندا سۋىق سۋعا قۇيىندىرىپ جىبەرۋ كەرەك دەپ قارايتىندار دا بار. بۇل 2 كوزقاراس تا دۇرىس ەمەس.
دۇرىس ءتاسىلى: بالا قىزىپ اۋىرعاندا، جىلى سۋعا شومىلدىرسا، دەنە تەمپەراتۋراسىنىڭ تارالۋىنا سەپتىگى تيەدى.
3. بالا قىزا قالسا بولدى قىزۋ قايتاراتىن ءدارى ىشكىزۋ. بالا قىزا بەرگەندە - اق قىزۋ قايتاراتىن ءدارى ىشكىزۋگە بولمايدى.
دۇرىس ءتاسىلى: بالانىڭ دەنە تەمپەراتۋراسى 38.5 سەلتسي گرادۋستان تومەن بولعاندا، قىزۋدى فيزيكالىق تاسىلدەرمەن قايتارۋ كەرەك. ال قىزۋى ودان ارى ورلەگەندە، فيزيكالىق قىزۋ قايتارۋ ادىستەرىن قولدانۋمەن قاتار، قىزۋ قايتاراتىن دارىلەردى ىشكىزگەن ءجون.
4. بالا قاتتى قىزىپ تۇرسادا شيپاگەرگە كورسەتپەي تۇرىپ، ەش امال ىستەمەۋ. كەيبىر اتا- انالار بالاعا قىزۋ قايتاراتىن ءدارى ىشكىزگەننەن كەيىن، شيپاگەرگە اپارساق دياگنوز انىق بولماي قالادى دەپ قارايدى. ال كەيبىرى نەندەي ءدارى- دارمەك ىستەتۋدى مۇلدە بىلمەيتىندىكتەن، شيپاگەردىڭ بىر جاقتىلى ەتۋىنە عانا سۇيەنەدى.
دۇرىس ءتاسىلى: بالا وتە قىزىپ باراجاتقاندا، شيپاگەردى كۇتپەي-اق قىزۋ قايتاراتىن ادىستەردەن پايدالانۋ كەرەك. بالا ۇزاق ۋاقىت قاتتى قىزسا وتە قاتەرلى بولادى.
ءان الەمى

جول توسىلىپ قالدى

تۇلپارىم