باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

شي جينپيڭ كەدەيلىكتەن قۇتىلدىرۋدان قامال الۋ قىزمەتى جونىندە ماڭىزدى نۇسقاۋ بەرىپ كۇش ۇستىنە كۇش قوسىپ، قىزمەتتى تىڭعىلىقتى ىستەپ، كەدەيلىكتەن قۇتىلدىرۋدان قامال الۋ شايقاسىنىڭ جەڭىسىنە، ءسوزسىز، قول جەتكىزۋدى باسا دارىپتەدى

    كەلۋ قاينارى: شينجياڭ گازەتى    2017-10-10 19:33:31  

لي كىچياڭ بەكىتۋ جازدى

 شينحۋا اگەنتتىگىنىڭ 9 - قازاندا بەيجيڭنەن بەرگەن حابارى. مەملەكەتتىك 4 - رەتكى كەدەيلەردى سۇيەمەلدەۋ كۇنى كەلۋ بايلانىسىمەن، ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ كەدەيلىكتەن قۇتىلدىرۋدان قامال الۋ قىزمەتى جونىندە ماڭىزدى نۇسقاۋ بەرىپ، مىنالاردى باسا دارىپتەدى: سوتسياليزم ەڭبەكپەن ورناعان. كەدەيلىكتەن قۇتىلدىرۋدان قامال الۋ سۇراپىل شايقاستىڭ ىشىندەگى سۇراپىل شايقاس، ءسوزسىز، بارىنشا قۇلشىنۋ كەرەك. بۇكىل پارتيا، بۇكىل قوعام كۇش ۇستىنە كۇش قوسىپ، قىزمەتتى تىڭعىلىقتى ىستەپ، كەدەيلىكتەن قۇتىلدىرۋدان قامال الۋ شايقاسىنىڭ جەڭىسىنە، ءسوز جوق، قول جەتكىزىپ، جاپپاي دوڭگەلەك داۋلەتتى قوعام قۇرۋ جورىعىندا ۇزدىكسىز تىڭ ناتيجە جاراتۋ كەرەك.
  شي جينپيڭ مىنالاردى اتاپ كورسەتتى: كەدەيلىكتەن ارىلتۋ قالىڭ حالىق بۇقاراسىن باقىتقا كەنەلدىرۋ ءۇشىن بولىپ تابىلادى، ول پارتيامىز بەن مەملەكەتىمىزدىڭ دامۋدى ىلگەرىلەتۋدەگى ءتۇبىرلى ماقساتى. پارتيانىڭ 18 - قۇرىلتايىنان بەرى، پارتيا ورتالىق كوميتەتى 2020 - جىلعا جەتكەندە قازىرگى ولشەم نەگىزىندە اۋىل - قىستاقتارداعى كەدەيلەردى كەدەيلىكتەن قۇتىلدىرۋ سالتاناتتى ۋادەسىن بەردى. جەر - جەر، تاراۋلار پارتيا ورتالىق كوميتەتىنىڭ شەشىمدەرىن، ورنالاستىرۋلارىن مۇقيات دايەكتىلەندىرىپ، كەدەي وڭىرلەردەگى قالىڭ كادرلار مەن جۇرتشىلىق ءوزىن الۋەتتەندىرىپ، ءوز كۇشىنە سۇيەنىپ، قاجىرلىلىقپەن شىنايى ىستەپ، بۇكىل پارتيا، بۇكىل قوعام سۇيەمەلدەۋگە زەيىن - زەردەسىن، كۇش - قۋاتىن ارناپ، كەدەيلەردى دالمە - ءدال سۇيەمەلدەۋدى، كەدەيلىكتەن دالمە - ءدال قۇتىلدىرۋدى ىشكەرىلەي ىلگەرىلەتىپ، ءتۇزىلىستى، مەحانيزمدى جاڭالاپ، كەدەيلىكتەن قۇتىلدىرۋدان قامال الۋدى ىلگەرىلەتۋدە كورنەكتى ىلگەرىلەۋشىلىكتەرگە قول جەتكىزدى، ناتيجەلەردى تولىق تۇراقتاندىرۋعا تاتيدى.
  شي جينپيڭ مىنالاردى باسا دارىپتەدى: كەدەيلىكتەن قۇتىلدىرۋدان قامال الۋدىڭ جالىندى امالياتى بارىسىندا، ءبىر توپ وزات تيپتەر جارىققا شىقتى، مەملەكەتتىك كەدەيلىكتەن قۇتىلدىرۋدان قامال الۋ سيلىعىنىڭ يەگەرلەرى ولاردىڭ اراسىنداعى تاڭداۋلى ۋاكىلدەر. ولاردىڭ نەگىزگى ساتىعا تەرەڭ تامىر تارتۋ، ماڭىزدى جاۋاپكەرلىكتى باتىلدىقپەن ارقالاۋ، قالتقىسىز ۇلەس قوسۋ، جۇرەكتىلىكپەن جاڭالىق اشۋ رۋحىن ساۋلەلەندىرىپ، ءار تاراپتى سەنىمدى نىعايتىپ، بەلسەنە ارەكەتتەنىپ، كەدەيلىكتەن قۇتىلدىرۋدان قامال الۋدىڭ بىرىككەن كۇشىن اناعۇرلىم كۇشەيتۋگە ىنتالاندىرۋ كەرەك. نەگىزگى ساتىنىڭ ءبىرىنشى شەبىندەگى كەدەيلەردى سۇيەمەلدەۋ قىزمەتكەرلەرى كەدەيلىكتەن قۇتىلدىرۋدان قامال الۋدىڭ ارىندى كۇشى، ولارعا ساياسي جاقتان كوڭىل ءبولىپ، قىزمەت جاعىنان قولداۋ كورسەتىپ، تۇرمىس جاعىنان قامتاماسىز ەتىپ، ولاردىڭ كەدەيلىكتەن قۇتىلدىرۋدان قامال الۋ شايقاسىندا قۇلشىنا ءىس تىندىرۋىن، رولدارىن بارىنشا ساۋلەلەندىرۋىن قولداۋ كەرەك.
  ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى لي كىچياڭ بەكىتۋ جازىپ، مىنالاردى اتاپ كورسەتتى: كەدەيلىكتەن قۇتىلدىرۋدان قامال الۋ شايقاسىنىڭ جەڭىسىنە قول جەتكىزۋ − جالپى حالىقتىڭ رەفورما، دامۋ جەتىستىكتەرىنەن بىرگە يگىلىكتەنۋىن قامتاماسىز ەتۋدەگى، ورتاق اۋقاتتانۋدى جۇزەگە اسىرۋداعى كەلەلى شارا.
  بۇل رەت سارالانىپ، ماداقتالىپ - سيلانعاندار كەدەيلىكتەن قۇتىلدىرۋدان قامال الۋدىڭ نەگىزگى شايقاس مايدانىندا جانە نەگىزگى ساتىنىڭ ءبىرىنشى شەبىندە ۇزاق جىلدار كۇرەس جاسادى، ولار وزدەرىنىڭ قىزمەت ورىندارىندا ونەگەلىك، باستاماشىلدىق رولدارىن بەلسەنە ساۋلەلەندىرىپ، ەرەسەن سۇيىنەرلىك ناتيجە جاراتتى، وسى ورايدا ماداقتالىپ - سيلانعان جولداستاردى قىزۋ قۇتتىقتايمىن! كەزەكتە كەدەيلىكتەن قۇتىلدىرۋدان قامال الۋ شەشۋشى شايقاستىڭ شەشۋشى جەڭىس كەزەڭىنە اياق باستى. جەر - جەر، تاراۋلار باس شۋجي شي جينپيڭنىڭ جەلىلەس ماڭىزدى ءسوزىنىڭ رۋحىن جانە ەل باسقارۋداعى جاڭا ۇستانىمدارىن، جاڭا يدەيالارىن، جاڭا ستراتەگيالارىن ىشكەرىلەي ۇيرەنىپ، دايەكتىلەندىرىپ، كەدەيلەردى دالمە - ءدال سۇيەمەلدەۋ، كەدەيلىكتەن دالمە - ءدال قۇتىلدىرۋ نەگىزگى جالپى جوباسىنا تاباندى بولىپ، اۋىر كەدەي وڭىرلەردى ءتۇيىن ەتۋدەن جازباي، وزات تيپتەردى ۇلگى ەتىپ، اناعۇرلىم كۇشتى جاۋاپكەرلىك، اناعۇرلىم قاتاڭ شارا، اناعۇرلىم زور كۇش - قۋات ارقىلى كەدەيلىكتەن قۇتىلدىرۋعا تۇساۋ بولىپ وتىرعان شەشۋشى بوگەتتەردى جانە كورنەكتى قيىنشىلىقتاردى شەشۋگە، كەدەيلىكتەن قۇتىلدىرۋدان قامال الۋدىڭ ناقتى ونىمدىلىگىن جوعارىلاتۋعا، كەدەي وڭىرلەردىڭ ءوزىن دامىتۋ قۋاتىن ارتتىرۋعا كۇش سالۋ كەرەك. نەگىزگى ساتىداعى كەدەيلەردى سۇيەمەلدەۋ قىزمەتكەرلەرىنىڭ قىزمەتىنە، تۇرمىسىنا قولداۋ كورسەتىپ، كوڭىل ءبولىپ، بۇكىل قوعامنىڭ كۇشىن ونان ارى شوعىرلاندىرىپ، قۇلشىنا العا ىلگەرىلەپ، شىنايى، قاجىرلىلىقپەن ىستەپ، كەدەي بۇقارانىڭ دەر كەزىندە كەدەيلىكتەن قۇتىلۋىنا كەپىلدىك ەتىپ، جاپپاي دوڭگەلەك داۋلەتتى قوعام قۇرۋ كۇرەس نىساناسىن دەر كەزىندە جۇزەگە اسىرۋعا ءتىپتى دە زور ۇلەس قوسۋ كەرەك.
  كەدەيلىكتەن قۇتىلدىرۋدان قامال الۋ بويىنشا وزات ىزگى ىستەردەن مالىمەت بەرۋ ءماجىلىسى 9 - قازان تۇستەن بۇرىن بەيجيڭدە وتكىزىلدى. ج ك پ ورتالىق كوميتەتى ساياسي بيۋروسىنىڭ مۇشەسى، مەملەكەتتىك كەڭەستىڭ كەدەيلەردى سۇيەمەلدەۋ، وركەندەتۋ قىزمەتىنە باسشىلىق ەتۋ گرۋپپاسىنىڭ باستىعى ۋاڭ ياڭ مالىمەت بەرۋ ماجىلىسىنە قاتىناستى ءارى ءسوز سويلەدى. ول مىنالاردى باسا دارىپتەدى: باس شۋجي شي جينپيڭنىڭ كەدەيلەردى سۇيەمەلدەۋ، وركەندەتۋ قىزمەتىندەگى ماڭىزدى ستراتەگيالىق يدەياسىن ىشكەرىلەي دايەكتىلەندىرىپ، كوپتىڭ اقىل - پاراساتىن، كۇش - قۋاتىن توپتاپ، كەدەيلەردى دالمە - ءدال سۇيەمەلدەۋ، كەدەيلىكتەن دالمە - ءدال قۇتىلدىرۋ قىزمەتىن تىڭعىلىقتى ىلگەرىلەتۋ كەرەك. وزات تيپتەردىڭ ۇلگىلىك، باستاماشىلدىق رولىن ساۋلەلەندىرىپ، كەدەيلەردى سۇيەمەلدەۋگە بەل بۋۋ، كەدەيلىكتەن قۇتىلدىرۋدا جەڭىسكە جەتۋ بورىشىن ارقالاۋ جاۋاپكەرلىگىن كۇشەيتىپ، ءوز كۇشىنە سۇيەنىپ ءومىر ءسۇرۋ، قاجىرلىلىقپەن كۇرەس جۇرگىزۋدەي العا باسۋ رۋحىنا تاباندى بولىپ، قايسارلىقپەن رەفورما جاساۋ، باتىلدىقپەن ىزدەنىس جاساۋداي جاڭالىق اشۋ تانىمىن ورناتىپ، كەدەيلەردى سۇيەمەلدەۋ، قيىنشىلىعى بارلارعا كومەكتەسۋ، ءبىر - بىرىنە قول ۇشىن بەرۋدەي ءداستۇرلى تاماشا ءمورالدى ساۋلەلەندىرىپ، كەدەيلىكتەن قۇتىلدىرۋدان قامال الۋ شايقاسىنىڭ جەڭىسىنە، ءسوزسىز، قول جەتكىزۋ كەرەك.  ءماجىلىس شي جينپيڭنىڭ ماڭىزدى نۇسقاۋىن جانە لي كىچياڭنىڭ بەكىتۋىن جەتكىزدى، مەملەكەتتىك كەدەيلىكتەن قۇتىلدىرۋدان قامال الۋ سيلىعىنىڭ يەگەرلەرىن ماداقتاپ - سيلادى. سيلىق يەگەرلەرىنىڭ ۋاكىلدەرى دىڭ يىڭشياڭ، لي چاۋياڭ، چىن كايجى، لي جۇن، ليۋ جينشيۋ ىزگى ىستەرىنەن مالىمەت بەردى.
  2017 - جىلعى مەملەكەتتىك كەدەيلىكتەن قۇتىلدىرۋدان قامال الۋ سيلىعى يەگەرلەرىنىڭ جانە 2016 - جىلعى مەملەكەتتىك كەدەيلىكتەن قۇتىلدىرۋدان قامال الۋ سيلىعى يەگەرلەرىنىڭ ۋاكىلدەرى، مەملەكەتتىك كەڭەستىڭ كەدەيلەردى سۇيەمەلدەۋ، وركەندەتۋ قىزمەتىنە باسشىلىق ەتۋ گرۋپپاسىنىڭ مۇشەلەرى، تۇيىندە كەدەيلەردى سۇيەمەلدەۋ مىندەتىن ارقالاعان بەيجيڭدەگى ورتالىقتىڭ مەكەمەلەرىنىڭ قاتىستى جاۋاپتىلارى، مەملەكەتتىك كەدەيلىكتەن قۇتىلدىرۋدان قامال الۋ سيلىعىن سارالاۋ كوميتەتىنىڭ ۋاكىلدەرى، اقپارات قۇرالدارىنىڭ ۋاكىلدەرى، ت. ب ماجىلىسكە قاتىناستى.

ءان الەمى

جول توسىلىپ قالدى

تۇلپارىم