باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

قاتىناس تاسىمال ىستەرى قارىشتاپ دامىپ، ءار ۇلت بۇقاراسى تولاعاي باقىت سەزىمىنە كەنەلدى

    كەلۋ قاينارى: شينجياڭ حالىق راديو ىستانسياسى    2017-10-13 18:19:04  

ستانسيامىزدىڭ حابارىن تىڭداڭىزدار: اۆتونوميالى رايوننىڭ تاس جول، تەمىر جول، اۋياتسيا قۇرىلىسى تەبىنىن ۇزدىكسىز ارتتىرۋىنا بايلانىستى، قازىر تاسپاداي تارتىلعان تاسجولدار، جولاۋشىلار پويەزى جانە اۋەجايدىڭ ىسكە قوسىلۋى، ءار ۇلت حالقىنىڭ ساپار جولىن ىركىلىكسىزدەندىرىپ، تۇرمىسىنا قولايلىق اكەلۋمەن بىرگە، شينجياڭنىڭ ىشكى ولكەمەن، اۋەلى دۇنيە جۇزىمەن ارا قاشىقتىعىن جاقىنداتتى.
جولاۋشىلار پويەزىنىڭ قوزعالۋىمەن، التاي قالاسىنىڭ تۇرعىنى لي يۇيچياڭ وتىرعان K9772 كەزەكتى جولاۋشىلار پويەزى باياۋ قوزعالىپ ۆاگزالدان شىقتى، سونىمەن التاي قالاسىنان اقسۋعا باراتىن جولاۋشىلار پويەزى رەسمي قاتىنادى، لي يۇيچياڭنىڭ اقسۋدا قىزمەت ىستەيتىن قىز دوسىمەن ارالىعى بۇرىنعىدان بەتەر جاقىندادى. ول: بۇرىن اۆتوبوسقا نەمەسە ايروپلانعا وتىرىپ باراتىنمىن، وزىندىك قۇنى وتە جوعارى ەدى. قازىر ارناۋلى جولاۋشىلار پويەزى قاتىنادى، وتە قولايلى بولدى، مەن قىز دوسىما وسى جولاۋشىلار پويەزى ەكەۋىمىز ءۇشىن قاتىناعان «ماحاببات ارناۋلى پويەزى» بولدى دەپ قالجىڭدادىم،-دەدىم.
الاڭ ەلەڭدە، ۇزاق جولدى جولاۋشى تاسىمال بەكەتىنىڭ شوفەرى سۇن شوۋفىڭ قۇمىل قالاسىنىڭ ەۋىرعۇل رايونىنان نوم قالاشىعىنا قاتىنايتىن جەڭىل اۆتوكولگىمەن جولعا شىقتى، جاڭا سالىنعان تاس جولدا زاۋلاپ بارا جاتقان 58 جاستاعى سۇن شوۋفىڭنىڭ كوڭىلىندە ەش الاڭ جوق. ول بىلاي دەدى: قازىر جول بىتكەن تۇگەل اسپاليتتەندى، وتە كەرەمەت. جايشىلىقتا ءار كۇنى الدىڭعى ءۇش اۆتوكولىك حالىققا قولايلىق جاراتاتىندىقتان، كوبىرەك قاتىنايدى، قاربالاس بولامىز. نەگىز‍گى ارمانىمىز ــ حاۋىپسىزدىكتى مىقتى يگەرىپ، تاسجول قاتىناس تاسىمالىنىڭ ىركىلىكسىزدىگىنە كوبىرەك ۇلەس قوسىپ، حاۋىپسىز قاتىناۋعا بارىنشا كۇش سالۋ.
وزگەرىستى سەزىنىپ، باقىتتى اۋىزعا الار بولساق. قازىرگى اۋقاتتانۋدىڭ سارا جولى تاۋ قويناۋىنا، ءشول دالاعا دەيىن جەتىپ، شاعىن قىستاقتار شالعاي شەكارا وڭىردە كەنجە قالۋ جاعدايىنا قوش ايتتى. سونىمەن بىرگە، قاۋىرت جۇرگىزىلگەن ينجەنەريا نىسانى دا وسى وڭىردەگى تۇرعىنداردىڭ كاسىپتەنۋىنە تىڭ وراي جاراتتى. قىستاق دارەجەلى 294-تاس جول لەنياسىنىڭ قۇرىلىس ورنىندا، توقسۋ اۋدانى بەيسەنبى بازار اۋىلى بەيسەنبى بازار قىستاعىنىڭ ديحانى راحىمان عاپپار اۋىلداستارمەن بىرگە قىزۋ ىنتامەن قۇرىلىس جۇمىسىن ىستەۋدە. ول: وسى ايدا 4 مىڭ 500 يۋان اينالاسىندا ەڭبەكاقى الدىم، پارتيا 19-قۇرىلتايى اشىلۋ الدىندا تۇر، وسى تاس جولدىڭ ءساتتى سالىنىپ، الدا سىرتقا شىعۋىمىزعا ءتىپتى قولايلى بولۋىن ءۇمىت ەتەمىن،-دەدى.
كورلا اۋەجايىنىڭ ايروپلان كۇتۋ عيماراتىندا، جياڭ چىڭدۇڭ ۇيىندەگىلەرمەن بىرگە ايروپلانعا شىعۋ ءراسيماتىن ءبىتىرىپ، چىڭدۋعا ساياحاتتاۋعا دايىندالۋدا. ول تىلشىگە: سوڭعى ەكى جىلدان بەرى، ەل ءىشى-سىرتىنا كوپ رەت ساياحاتتادىم، قازىر وتە قولايلى، كورلادان ىشكى ولكەگە قاتىنايتىن اۋەياتسيا لەنياسى دا اشىلدى، قايدا بارعىڭىز كەلسە سوندا بارا الاسىز،-دەدى.
شينجياڭداعى 6 مىڭ 232 كيلومەترلىك تەمىر جول تاسىمال لەنياسىنىڭ ىسكە قوسىلۋىنا بايلانىستى، قايشالىسقان حالىقارالىق جولاۋشى تاسىمال پويەزى شينجياڭعا جينالىپ، شينجياڭدى باسىپ ءوتتى. ءۇرىمجى ورتا ەۆروپا، ورتا-ازيا جولاۋشى پويەزى ورتالىعىندا، پويەز شوفەرى چىن گاڭ جولعا شىعۋدان بۇرىنعى سيگنال جۇيەسىن تەكسەرىپ جاتتى، پويەز جۇرگىزگەن 20 جىلدان بەرى، ول بيىل ەڭ قاربالاس بولدى، ءارى كوڭىلى دە ورنىقتى. ول بىلاي دەدى: ورتا-ەۆروپا وڭىرىنە قاتىنايتىن جولاۋشى پويەزى بۇرىن ءۇش كۇندە ءبىر رەت قاتىنايتىن، قازىر ورتا ەسەپپەن كۇنىنە ءتورت پويەز قاتىنايدى. ءار كۇنى وسىنشاما كوپ جولاۋشى پويەزىنىڭ ەۆروپاعا قاتىناۋى، ەلىمىز ەكونوميكاسىنىڭ دامىعاندىعىنىڭ ايعاعى. ەلىمىز دامىپ، قۇدىرەتتەنسە، مەن ارينە قۋانامىن، ورتا-ەۆروپا وڭىرىنە قاتىنايتىن جولاۋشى پويەزىنىڭ شوفەرى تۇرعىسىنان، ارينە داڭق سەزىنەمىن، ءارى ماقتانامىن.

ءان الەمى

جول توسىلىپ قالدى

تۇلپارىم