باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

قالا كەلبەتى جاقسارۋمەن بىرگە، بۇقارانىڭ باقىتتى سەزىنۋ كورسەتكىشى دە ءۇرتىس جوعارلادى

    كەلۋ قاينارى: شينجياڭ حالىق راديو ىستانسياسى    2017-10-13 18:32:07  

ستانسيامىزدىڭ ءتىلشىسى ما گولەيدىڭ حابارىن تىڭداڭىزدار: بيىل، ءۇرىمجى قالاسىنداعى كونە قالا رايونىن وزگەرتىپ سالۋ، دارەجەسىن جوعارلاتۋ ينجەنەرياسى مەن كورىكتەندىرۋ ينجەنەرياسى جاپپاي اتقارىلىپ، قالا كەلبەتى جاقسارۋمەن بىرگە، بۇقارانىڭ باقىتتى سەزىنۋ كورسەتكىشى دە ءۇرتىس جوعارلادى.
ءۇرىمجى قالاسىنىڭ نانحۋ شىعىس كوشەسىندەگى كورىكتەندىرۋ ينجەنەريا قۇرىلىس ورنىندا، قۇرىلىس جۇمىسشىلارى جاياۋلار جولىنا گۇلدى گرانيت جاتقىزۋمەن ابىگەر. ولاردىڭ ارت جاعىنداعى كوشە بويىنداعى عيماراتتاردى كورىكتەندىرۋ ينجەنەرياسى نەگىزىنەن اياقتالدى، بۇرىنعى «ورمەكشىنىڭ تورى» تارىزدەس ايقاسىپ جاتاتىن ەلەكتر سىمى بىرتىندەپ ازايتىلىپ، قۇرىلىستاردىڭ اۋەلگى رەتسىز الۋان رەڭى ءبىر ىڭعاي اقسارى، سۇرعىلت تۇسكە اۋىستىرىلىپ، قاراپايىم ءارى تازا كورىنەتىن بولدى. حۋبەيلىق جۇمىسشى نان حۇڭ تىلشىگە، ءوزىنىڭ ءۇرىمجى قالاسىندا جۇمىس ىستەگەنىنە ون جىلعا جۋىق ۋاقىت بولعانىن، وسى قالانى كورىكتەندىرۋگە ءبىر كىسىلىك ۇلەس قوسقانىنا ماقتاناتىنىن ايتا كەلىپ: قاراپ راحاتتانامىز، ءارى ماقتانامىز. وزگەرىس نەداۋىر زور، جول كەڭىپ، ءۇي كوبەيىپ، جاسىلداندىرىلدى. پارتيا 19-قۇرىلتايى اشىلۋ الدىندا تۇر، ءبىز دە قولىمىزداعى جۇمىستى تەز ارادا، ويداعىداي تىندىرامىز،-دەدى.
بيىل مامىردا، ءۇرىمجى قالاسى تۇتاس قالانى كورىكتەندىرۋ ينجەنەرياسىن جاپپاي اتقارىپ، قالاداعى 35 ءمالىنى وزگەرتىپ جاڭالادى. وسى بىرنەشە كۇننەن بەرى، تيانشان رايونىنداعى قۇرىلىس كوشەسى، دەموكراتيا كوشەسى جانە حالىق كينوحاناسىنىڭ ماڭىنداعى «كورىكتەندىرۋ ينجەنەرياسىنان» ۇلگى كورسەتەتىن كوشە رايونداردىڭ قۇرىلىس جۇمىسى تۇگەل اياقتالدى، تاماشا رەتتەلگەن جاسىل بەلدەۋلەردىڭ كورىنسى مەن جول بويىنداعى ەۆروپا ۇلگىسىندەگى قۇرىلىستار كوز تارتىپ، وسى كونە مالىگە تىڭ ومىرشەڭدىك كۇش قوستى. 72 جاستاعى ءۇرىمجى قالاسىنىڭ تۇرعىنى ساۋ حانىم: «قاراڭىزشى، وزگەرتىپ سالىنعان قۇرىلىستار قانداي كەرەمەت، ءبىر جىلداعى وزگەرىس وتە زور، كىسىگە شىت جاڭا بەينەگە ەنگەندەي اسەر بەرەدى»،-دەدى.
قازىرگە دەيىن، ءۇرىمجى قالاسى مالىلەردى كورىكتەندىرىپ، جاڭالاۋ ينجەنەرياسى بويىنشا 16 ءمالى وزگەرتىپ جاڭالاندى، قالعان 19 ءمالى قازاننىڭ ورتا شەنىندە ىركەس-تىركەس وزگەرتىپ جاڭالانىپ، قالا تابيعاتىن جاقسارتۋمەن بىرگە، الدا تاعى يقۋاتتى ءمالى رايونى فۋنكتسياسىن ىسكە قوسىلىپ، قالا تۇرعىندارىنا بۇرىنعىدان دا كوپ قولايلىلىقتار جاراتپاقشى. ءۇرىمجى قالاسىنىڭ قالا باسقارۋ كوميتەتى امبەباب سايكەستىرۋ باسقارماسىنىڭ ورىنباسار باستىعى ياڭ ۋىنلي بىلاي دەدى: حابارلاسۋعا جانە باسقاعا پايدالانىلاتىن سىمدى كابەلدەر تۇگەل جينالىپ، جەر استىنا كومىلدى، قازىرگى بار قاتىناس تاسىمالدى باقىلاپ مەڭگەرۋ، قوعام اماندىعىن باقىلاپ مەڭگەرۋ جابدىعى دا ءوزارا بىرىكتىرىلدى، كوز الدا تاعى بەلگىلى اۋماقتاعى بۇقارانى سىمسىز توراپ ارقىلى قىزمەت وتەۋدەن يگىلكتەندىرۋدەن سىرت، جولداردى، تازالىق ۇيلەرىن تەكسەرە الاتىن تەكشەنى دە ورناتۋدى ويلاستىرىپ وتىرمىز.
سونىمەن بىرگە، ءۇرىمجى قالاسىنداعى تاريحتان بەرگى كولەمى ەڭ ۇلكەن، قيىندىق دارەجەسى ەڭ جوعارى كونە قالا رايونىن وزگەرتىپ سالۋ، دارەجەسىن جوعارلاتۋ ينجەنەرياسى دا قاۋىرت جۇرگىزىلۋدە، نىساندار تيانشان رايونى، سايباق رايونى سىندى 6 قالا رايونىن، 173 شارشى كيلومەترلىك وزگەرتىپ سالىناتىن اۋماقتى، سونداي-اق ءبىر ميلليون 600 مىڭ ءار ۇلت حالىق بۇقاراسىن قامتيدى.
ءۇرىمجى قالاسىنىڭ كونە قالا رايونىن وزگەرتىپ سالۋ، دارەجەسىن جوعارلاتۋ ينجەنەرياسى قولباسشىلىق شتابى كەڭسەسىنىڭ ورىنباسار مەڭگەرۋشىسى شيە مين بىلاي دەدى: قازىرگە دەيىن 90 مىڭ وتباسى جاڭا تۇراققا كوشىرىلدى، كونە قالا رايونىن وزگەرتىپ سالۋدىڭ شىعار ءتۇيىنى ـــ حالىق بۇقاراسىنىڭ قونىستانۋ ورتاسىن جاقسارتىپ، سۋدى قالاعا باستاپ، اعاش ەگىپ، كومىر جاعۋدى گاز پايدالانۋعا وزگەرتىپ، ورتانى جاسىلداندىرىپ، اسپانى اشىق، كورىكتى قالا قۇرۋ.

ءان الەمى

جول توسىلىپ قالدى

تۇلپارىم