باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

اۋىل شارۋاشىلىق ونىمدەرىن يمپورت - ەكسپورت ەتەتىن 4 «جاسىل ارنانىڭ» ونىمدىلىگى كۇن سايىن كورنەكتىلەنە ءتۇستى

    كەلۋ قاينارى: شينجياڭ گازەتى    2017-10-13 19:39:30  

الدىڭعى 8 ايدا رايونىمىزدىڭ اۋىل شارۋاشىلىق ونىمدەرىن يمپورت-ەكسپورت ەتۋ مولشەرى %20 ارتتى

 ءتىلشىمىز چىن چياڭۋەي 11 - قازاندا ۇرىمجىدەن حابارلايدى. ءتىلشىنىڭ ءۇرىمجى كەدەنىنەن ۇعىسۋىنشا، رايونىمىزدا اۋىل شارۋاشىلىق ونىمدەرىن يمپورت - ەكسپورت ەتەتىن 4 «جاسىل ارنا» اشىلعاننان بەرى، ونىمدىلىگى كۇن سايىن كورنەكتىلەنە تۇسكەن. بيىل الدىڭعى 8 ايدا، شينجياڭنىڭ شەكارا وتكەلدەرىنەن يمپورت - ەكسپورت ەتىلگەن اۋىل شارۋاشىلىق ونىمدەرى 307 مىڭ 600 تونناعا، ساۋدا سوماسى 2 ميلليارد 440 ميلليون يۋانعا جەتىپ، جەكە - جەكە %20.3، %20.6 ارتقان.
  2013 - جىلى 23 - جەلتوقساندا جۇڭگو مەن قازاقستان اراسىنداعى باقتى − باقتى شەكارا وتكەلدەرىندە اۋىل شارۋاشىلىق ونىمدەرىن كەدەننەن جىلدام جونەلتۋ «جاسىل ارناسى» (تومەندە قىسقارتىلىپ «جاسىل ارنا» دەلىنەدى) اشىلدى، بۇل ەلىمىزدىڭ كورشىلەس ەلدەرگە اۋىل شارۋاشىلىق ونىمدەرىن يمپورت - ەكسپورت ەتەتىن العاشقى جىلدام ارناعا اينالدى. 2015 - جىلى جۇڭگو مەن تاجىكستان اراسىنداعى قاراسۋ - كۇلمە شەكارا وتكەلدەرىندە، جۇڭگو مەن قىرعىزىستان اراسىنداعى ەركەشتان - وركەشتام، تورعات - تورۋعارت وتكەلدەرىندە اۋىل شارۋاشىلىق ونىمدەرىن يمپورت - ەكسپورت ەتەتىن 3 «جاسىل ارنا» ىركەس - تىركەس اشىلدى.
  باقتى شەكارا وتكەلىندە العاش «جاسىل ارنا» اشىلعان بىرنەشە جىلدان بەرى، اۋىل شارۋاشىلىق ونىمدەرىن يمپورت - ەكسپورت ەتۋ مولشەرى جىلدام ارتتى. 2013 - جىلى وسى وتكەلدەن يمپورت - ەكسپورت ەتىلگەن اۋىل شارۋاشىلىق ونىمدەرى 50 مىڭ توننا عانا بولسا، 2016 - جىلى بۇل ارادان يمپورت - ەكسپورت ەتىلگەن اۋىل شارۋاشىلىق ونىمدەرى 102 مىڭ تونناعا جەتىپ، جۇك جونەلتۋ مولشەرى ءبىر ەسە ارتتى. باقتى شەكارا وتكەلىنەن وتكەن جۇڭگو شينجياڭنىڭ اۋىل شارۋاشىلىق ونىمدەرى استانا، الماتى، ماسكەۋ، سانكت - پەتەربۋرگ، چەليابينسك قاتارلى قالالاردىڭ جەمىس - جيدەك، كوكونىس بازارىنا جەتكىزىلدى، ءبىر ءبولىم اۋىل شارۋاشىلىق ونىمدەرى رەسەي ارقىلى ەۆروپانىڭ باسقا قالالارىنا اپارىلىپ ساتىلدى.
  ءۇرىمجى كەدەنىنىڭ قاتىستى جاۋاپتىسى: يمپورت - ەكسپورت «جاسىل ارناسىنىڭ» اشىلۋى اۋىل شارۋاشىلىق ونىمدەرىنىڭ زيانىن ءونىمدى ازايتىپ، كاسىپورىنداردىڭ باسەكەلىك قۋاتىن جوعارىلاتۋدا، ورتا ازيا بازارىنا ءورىس اشۋدا، شينجياڭنىڭ اۋىل شارۋاشىلىق ونىمدەرىن ەكسپورت ەتۋدى كەڭەيتۋدە بەلسەندى رول اتقاردى. شينجياڭنىڭ سىرتقا ەسىك اشۋ ورەسىنىڭ ۇزدىكسىز جوعارىلاۋىنا، سونداي - اق بۇكىل ەلدە كەدەننەن ءوتۋدى ءبىر تۇلعالاندىرۋ، «3 ءوزارا» بويىنشا كەدەن باسقارۋ سياقتى رەفورمالاردىڭ ىلگەرىلەۋىنە بايلانىستى، شينجياڭنىڭ اۋىل شارۋاشىلىق ونىمدەرىن يمپورت - ەكسپورت ەتۋ «جاسىل ارناسىنىڭ» رولى ۇزدىكسىز كورنەكتىلەنە تۇسەتىن بولادى، - دەدى.

ءان الەمى

جول توسىلىپ قالدى

تۇلپارىم