باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

حانزوھرام ءبىزدىڭ اياۋلى قىزىمىز

    كەلۋ قاينارى: شينجياڭ گازەتى    2017-10-13 19:41:34  

ەرىكتى تىلشىلەر جاڭ تەليڭ، جاڭ چيڭ

«اتا، اپا، ايكۇلشە جەڭىزدەر!»، 3 - قازان حانزوھرام رەيىم ەلەكتروسيكلىنەن تۇسە بەرە قاسىنداعى ۇلى ايكۇلشەنى كوتەرە جۇگىرگەن بويى چىن حاۋبيننىڭ ۇيىنە كىرىپ كەتتى. ىلە - شالا حانزوھرام دا كيىم - كەشەك، ەت، كوكونىس، جەمىس - جيدەكتەر تولتىرىلعان دوربالاردى كوتەرىپ ۇلىنىڭ ارتىنان كىردى.
  توسەكتە جاتقان سۇڭ فاڭجى حانزوھرام مەن ونىڭ كىشكەنتاي ۇلىن كورگەن جەردەن قۋانا ورنىنان تۇرۋعا ۇمسىنا بەرىپ ەدى، حانزوھرام قولىنداعى نارسەلەرىن قويا سالىپ، جۇگىرىپ بارىپ قارت اجەيدى سۇيەپ وتىرعىزىپ، جاستىقپەن ارتىن تىرەدى. حانزوھرامنىڭ ۇلى ءبىر جاقتا ايكۇلشەنىڭ قورابىن اشىپ، اتاسى مەن اپاسىنا ايكۇلشەدەن ءدام تاتقىزدى، ولاردىڭ ريزا بولعان كۇلكىسىن كورىپ، كىشكانتاي ءسابي دە قاتتى قۋاندى.
  امان - سالەمنەن سوڭ، حانزوھرام ەكى قارتقا ارناپ العان جاڭا شاپان مەن ءجۇن پوپايكەنى الىپ شىعىپ، كيىپ كورۋگە بەردى، اراسىنشا ولاردىڭ اۋىستىرعان كيىم - كەشەكتەرىن الىپ كىر جۋعىشقا سالىپ تا ۇلگىردى. ىلە - شالا اكەلگەن ەت مەن كوكونىستەردى الىپ اس ۇيگە كىرىپ كەتتى. كوپ ۇزاماي ۇستەل تولى ءدامدى قۇجىردايىن بولدى، حانزوھرام مەن ۇلى ەكى قارتپەن بىرگە مارە - سارە بولىپ تاماقتانىپ، ورتاڭعى كۇز مەرەكەسىن ءبىرقانشا كۇن بۇرىن قۇتتىقتادى.
  حانزوھرام ءۇشتۇرپان اۋدانى جاڭا اۋات اۋىلى جاڭا اۋات قىستاعى پارتيا ياچەيكاسىنىڭ شۋجيى، قىستاق تۇرعىندار كوميتەتىنىڭ مەڭگەرۋشىسى. بيىل 82 جاستى چىن حاۋبين بيڭتۋان 1 - ديۆيزياسى 4 - پولكى 14 - روتاسىنداعى كەدەي شارۋا. ونىڭ ايەلى سوڭ فاڭجى تۇلا بويىن جەلقوز رەۆماتيزمى كەرىپ، توسەك تارتىپ قالعانىنا 12 جىل بولعان، تۇرمىستا ءوزىن بيلەي المايدى، قارتتىڭ ۇل - قىزدارى تۇگەلدەي سىرتتا.
  بىلتىر حانزوھرام قىستاق كادرلارىن 14 - روتاعا باستاپ اپارىپ «ۇلتتار ىنتىماعىنىڭ بەرەكەلى شاڭىراعى» قيمىلىن وتكىزىپ، ولاردان ەڭ اۋىر قيىنشىلىعى بار وتباسىلارىمەن تۋىس بولۋدى ىرىقتىلىقپەن تالاپ ەتتى. روتا پارتيا ياچەيكاسىنىڭ شۋجيى چىن جۇنفىڭنىڭ تانىستىرۋىنشا حانزوھرام چىن حاۋبين وتباسىمەن وسى كەزدە جۇپ قۇراپ، تۋىس بولعان ەكەن.
  حانزوھرام العاش چىن حاۋبيننىڭ ۇيىنە باس سۇققاندا كوزىنە تۇسكەنى ەكى قارتتىڭ ءۇمىتسىز جانارى، مۇرنىنا كەلگەنى ءشوپ ءدارىنىڭ جانە ۇيدەگى دىمقىلدىڭ جاعىمسىز ءيىسى ەدى.
  «كىرىپ بارعاندا توسەكتە ءبۇرىسىپ جاتقان اپايدى كوردىم، ۇستەلدەگى بۋنان كوگەرىپ كەتىپتى، اپاي مەنى ەلەگەن جوق، اندا - ساندا باسىن كوتەرىپ ءبىر قاراپ قويادى»، - دەدى حانزوھرام.
  سۇڭ فاڭجى قارت سول كەزدى ەسكە الىپ: «مەن سول كەزدە ءبىر ۇيعۇر ۇلتىنان شىققان ايەل شۋجيدىڭ بىزبەن تۋىس بولۋى مۇمكىن بە؟ انشەيىن فورما شىعار دەپ ويلادىم»، - دەدى. الايدا ول حانزوھرامنىڭ ونى الىمسىنباعاننىڭ ورنىنا، جۇپ قۇراپ، تۋىس بولعان سول كۇنى ونىڭ باسىن جۋىپ، مونشاعا ءتۇسىرىپ، ءۇيىن تازالاپ بەرەرىن ويلاماعان ەدى. سودان باستاپ، حانزوھرام ءار ون نەشە كۇندە ءبىر رەت كەلىپ، كومەكتەسىپ ءۇي جۇمىسىن ىستەپ بەرەدى.
  كوكتەم كەلىسىمەن حانزوھرام ەكى قارتتىڭ كوكونىس باقشاسىنىڭ جەرىن اۋدارىپ، سۋارىپ، كوكونىس ەگەدى؛ جاز كىرە، ەكى قارتتى جالعىزسىراماسىن دەپ، ءار جولى بارعاندا ۇلىن ەرتە بارادى، ۇلى اتاسى مەن اپاسىنا بالالار قىزىقتى اڭگىمەلەرىن ايتىپ، اياق - قولىن ۋقالاپ، قۋانتىپ تاستايدى؛ كۇز كەلىپ كۇن سۋىتا باستاعاندا، ءوزىنىڭ ۇيىندەگى تور ماقتانى اكەلىپ قارتتارعا جابادى، ونىمەن قويماي ەرتە باستان ولاردىڭ قىستىق كيىمدەرىن دايىنداپ قويادى.
  «مىنە، ءبىر جىلدان بەرى حانزوھرام چىن حاۋبيننىڭ ۇيىنە ات ءىزىن سۋىتپاي كەلىپ تۇردى، ءوزىنىڭ توركىنىنە بارعاننان دا ارتىق، تاماق جاساپ، كىر جۋىپ، وسى ءۇيدىڭ ادامى بولىپ كەتتى. مەن تاعى ونىڭ ۇنەمى ەكى قارتقا كۇرىش، ۇن، ماي، ەت، ءدارى - دارمەك اكەلىپ تۇراتىنىن كورەم، ول راسىندا ءبىزدىڭ ۇيرەنۋىمىزگە تاتيدى!» - دەدى 14 - روتانىڭ باستىعى گاۋ حۇڭۋىن.
  حانزوھرامنىڭ كوڭىل قويىپ قاراۋىندا، ەكى قارتتىڭ كوڭىلى كوتەرىلىپ سەرپىلىپ قالدى. چىن حاۋبين كورگەن ادامنىڭ بارىنە: حانزوھرام ءبىزدىڭ اياۋلى قىزىمىز، بىزگە تۋعان قىزىمىزدان دا ارتىق كوڭىل بولەدى، - دەپ ماقتايدى.

ءان الەمى

جول توسىلىپ قالدى

تۇلپارىم