باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

«قوس باتىس تاس جولى» تۇتاساتىن بولدى

    كەلۋ قاينارى: شينجياڭ گازەتى    2017-10-13 19:43:49  

ول ازيا-ەۆروپا قۇرلىقتارى اراسىنداعى زات تاسىمالىنىڭ بارىنشا ارتۋىن جەبەيدى

بەتاشار  قوڭىر كۇزدىڭ قازان ايى مول ءونىم مەزگىلى، شاتتىققا شومعان كەز. ءبىز الدا جۇڭگو كوممۋنيستىك پارتياسى مەملەكەتتىك 19 - قۇرىلتايىنىڭ سالتاناتپەن اشىلۋىن قارسى الامىز. پارتيا 19 - قۇرىلتايى − جاپپاي دوڭگەلەك داۋلەتتى قوعام قۇرۋدىڭ شەشۋشى كەزەڭىندە، جۇڭگوشا سوتسياليزمنىڭ دامۋىنىڭ شەشۋشى كەزەڭىندە اشىلعان ءبىر رەتكى ماڭىزدى قۇرىلتاي، ول بۇكىل پارتيانى، بۇكىل ەلدەگى ءار ۇلت حالقىن جاپپاي دوڭگەلەك داۋلەتتى قوعام قۇرۋدى ۇزدىكسىز ىلگەرىلەتۋگە، جۇڭگوشا سوتسياليزمگە تاباندى بولۋ مەن ونى دامىتۋعا جىگەرلەندىرۋدە جانە اتتانىسقا كەلتىرۋدە كەلەلى ءمان الادى. ۇدەرە العا باسقان تيانشاننىڭ تۇستىگى مەن تەرىستىگىندە تولاعاي تابىستارعا قول جەتتى؛ تىلەكتەرى توعىسقان ءار ۇلت حالقى سالتاناتتى باس قوسۋعا كوز تىگۋدە. بۇگىننەن باستاپ، گازەتىمىز « پارتيا 19 - قۇرىلتايى ساتىندە» اتتى ارناۋلى ايدار اشىپ، تىلشىلەردىڭ ايماقتارداعى، وبلىستارداعى، قالالارداعى ءتۇيىندى ينجەنەريالاردىڭ جۇمىس ورىندارى، جەر - جەردەگى ەگىن، مال شارۋاشىلىق رايوندارى سياقتى نەگىزگى ساتىنىڭ الدىڭعى شەبىنەن جازعان حابارلارىن جاريالاپ، شينجياڭداعى ءار ۇلت حالقىنىڭ پارتيا 19 - قۇرىلتايىنا دەگەن ىقىلاستى تىلەگىن جەتكىزەدى، جەر - جەردىڭ، ءار سالانىڭ پارتيا 19 - قۇرىلتايىنىڭ رۋحىن ۇيرەنۋدەگى، تۇسىنۋدەگى جالىندى بەينەسىن كورسەتەدى، كادرلار مەن بۇقارانىڭ قىزمەت ورنىن تياناق ەتىپ، ۇلەس قوسىپ، شىنايى يگەرىپ، ناقتى ءىس ىستەپ، تاماشا ناتيجە جاراتىپ، پارتيا 19 - قۇرىلتايىنىڭ جەڭىسپەن اشىلۋىن ۇزدىك ناتيجەلەرمەن قارسى العان رۋحاني بەت - بەينەسىن ايگىلەيدى.
  ىلە گازەتىنىڭ ءتىلشىسى سۇن ۋيشيا 12 - قازاندا قورعاستان حابارلايدى. ەۆروپانىڭ باتىس بولىگى − جۇڭگونىڭ باتىس بولىگى حالىقارالىق تاس جولى (قىسقاشا «قوس باتىس تاس جولى» دەلىنەدى) تاياۋدا جالپى جەلى بويىنشا تۇتاساتىن بولادى، 34 جاستاعى قورعاستىق ساۋداگەر اكىرام بۇل ىسكە ەرەكشە قۋاندى. «بۇدان كەيىن قورعاس وتكەلىنەن الماتىعا سول كۇننىڭ وزىندە بارىپ - كەلۋگە بولاتىن بولدىم، تابىسىم، ءسوزسىز، مولايادى». 12 - قازاندا اكىرام ءوزىنىڭ قۋانىشتى كوڭىلىن تىلشىگە وسىلاي دەپ جەتكىزدى.
  «قوس باتىس تاس جولى» شىعىستا جۇڭگونىڭ ليانيۇنگاڭىنان باستالىپ، باتىستا رەسەيدىڭ سانكت - پەتەربۋرگ قالاسىنا جەتىپ، ەۆروپا تاس جولى جەلىسىنە جالعاسادى، جۇڭگو - قازاقستان - رەسەي ەلدەرىنىڭ نەشە ونداعان قالاسىن باسىپ وتەدى، جالپى ۇزىندىعى 8445 كيلومەتر، مۇنىڭ ىشىندە جۇڭگو تەرريتورياسىنداعى ۇزىندىعى 3425 كيلومەتر، رەسەي تەرريتورياسىنداعى ۇزىندىعى 2233 كيلومەتر، قازاقستان تەرريتورياسىنداعى ۇزىندىعى 2787 كيلومەتر. نىسان 2016 - جىلى ناۋرىز ايىندا قۇرىلىس جۇمىسىن رەسمي باستاعان، 2017 - جىلدىڭ سوڭىندا اياقتالادى دەپ جوسپارلانعان. «قوس باتىس تاس جولى» مەجەمەن قورعاستان شىعاتىن زات مولشەرىن 3 ميلليون 500 مىڭ تونناعا جەتكىزەدى، ءار جىلى 460 ميلليون دوللارلىق ەكونوميكالىق ونىمدىلىك جاراتادى.
  ءتىلشى «قوس باتىس تاس جولىنىڭ» ماڭىزدى مەڭگەرمەلى نىسانى − G218 جەلىسى قورعاس وتكەلى بولىگى قۇرىلىس نىسانىنىڭ ايقاسپالى اسپا كوپىرىندە جۇمىسشىلاردىڭ ۋاقىتتى مىقتى ۇستاپ، بەتون قاتىرىپ جاتقاندىعىن كوردى. قورعاس قالالىق قاتىناس - تاسىمال مەكەمەسى نىسان كەڭسەسىنىڭ مەڭگەرۋشىسى لي ياۋحۇي تىلشىگە بىلاي دەدى: «قوس باتىس تاس جولى» جۋىقتا تۇتاسادى، ءبىز قىزمەتتى قىزۋ ىنتامەن تىڭعىلىقتى ىستەپ، كوتەرىڭگى رۋحاني بەت - بەينەمەن پارتيا 19 - قۇرىلتايىنىڭ جەڭىسپەن اشىلۋىن قارسى الامىز. ەۆروپا - ازيا داڭعىل جولىنىڭ تۇتاسۋى ليانيۇنگاڭنان ەۆروپاعا جەتكىزىلەتىن زاتتاردىڭ تەك تەڭىز ارقىلى تاسىمالدانۋ جاعدايىن وزگەرتەدى، تاسىمال ۋاقىتى 45 كۇننەن 10 كۇنگە قىسقارادى، ول ازيا - ەۆروپا قۇرلىقتارى اراسىنداعى زات تاسىمالىنىڭ بارىنشا ارتۋىن جەبەپ، وڭىرلەر ارا ءتىپتى دە كوپ ءوزارا تيىمدىلىك جاساۋ، تەڭ يگىلىككە كەنەلۋ سەلبەستىگىنە بەرىك نەگىز قالايدى.
  ساۋداعا قارجى قوسۋشى ليۋ ۋي: «قوس باتىس تاس جولى» تۇتاسقاننان كەيىن، قاتىناس - تاسىمال اناعۇرلىم قولايلى بولادى، ءتىپتى دە كوپ ساۋدا ورايىن الا كەتىندىگى، ءشۇباسىز، - دەدى.  قازاقستاندىق ساۋداگەر جانات قالي ۇلى: بۇرىن الماتىدان قورعاسقا 6 ساعاتتا باراتىنبىز، قايتىپ كەلگەنىمىزشە 10 نەشە ساعات كەتەتىن، «قوس باتىس تاس جولى» تۇتاسقاننان كەيىن، 3 ساعاتتا جەتىپ الامىز، بۇل بىزگە شىنىمەن كوپ قولايلىلىق تۋدىراتىن بولدى، - دەدى.

ءان الەمى

جول توسىلىپ قالدى

تۇلپارىم