باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

رايونىمىزدان تاعى 14 اۋدان، قالا مەملەكەتتىڭ مىندەتتى وقۋ-اعارتۋدى نەگىزىنەن بىركەلكىلەندىرۋدىڭ باعالاپ-تەكسەرۋىنەن ءوتتى

    كەلۋ قاينارى: شينجياڭ حالىق راديو ىستانسياسى    2017-10-29 11:55:48  
ستانسيامىزدىڭ ءتىلشىسى حى فەيدىڭ 28-قازان اشىلعان مەملەكەتتىڭ مىندەتتى وقۋ-اعارتۋى نەگىزىنەن بىركەلكى اۋداندار (قالا، رايون) جونىندە شينجياڭعا باقىلاپ،جەتەكشىلىك ەتىپ اڭىس قايتارۋ ماجىلىسىنەن ۇعىسۋىنا قاراعاندا، رايونىمىزدان تاعى 14 اۋدان(قالا-رايون) مەملەكەتتىڭ مىندەتتى وقۋ-اعارتۋىن نەگىزىنەن بىركەلكىلەندىرۋ جاعىنداعى باعالاۋ، سارالاۋىنان وتكەن.
23-قازاننان 27-قازانعا دەيىن، مەملەكەتتىك وقۋ-اعارتۋدى باقىلاۋ-جەتەكشىلىك ەتۋ گرۋپپاسى رايونىمىزدىڭ جەر-جەرىن ارالاپ، مىندەتتى وقۋ-اعارتۋى نەگىزىنەن بىركەلكى 14 اۋدانعا (قالا، رايون) بارىپ ناقتىلى تەكسەرىپ باعالادى، باقىلاپ-تەكسەرۋ گرۋپپاسى مەكتەپ پەن وقىتۋ تۇيىندەرىنەن تۇتقيىل ۇلگى الىپ تەكسەرۋ، حالىق قۇرىلتايى ۋاكىلدەرى، ساياسي كەڭەس مۇشەلەرى، مەكتەپ باستىقتارى جانە اتا-انالار قاتىناسقان اڭگىمە ءماجىلىسىن اشۋ، توراپتا سۇراق-جاۋاپ فورماسىندا تەكسەرۋ جۇرگىزۋ، كەز كەلگەن بۇقارامەن اڭگىمەلەسىپ پىكىر الۋ سياقتى ادىستەردى قولدانىپ، جەر-جەردەگى مەكتەپ، وقىتۋ تۇيىندەرىن «جاپپاي وزگەرتۋ» جانە مەكتەپ قۇرىلىسىن ولشەمدەندىرۋ قۇرىلىسىن باقىلاپ جەتەكشىلىك ەتتى.
باقىلاۋ-جەتەكشىلىك ەتۋ گرۋپپاسى اڭىس قايتارۋ پىكىرىندە مىنالاردى اتاپ كورسەتتى: شينجياڭ مىندەتتى وقۋ-اعارتۋدى بىركەلكى دامىتۋعا وسكەلەڭ ءمان بەرىپ، بايلىق قاينارىن عىلمي ورنالاستىرىپ، ۇسىنىلىمدى قولشىنا ارتتىرعان، باقىلاپ جەتەكشىلىك ەتىلگەن 14 اۋدان « جاپپاي وزگەرتۋ» جانە مەكتەپ قۇرىلىسىن ولشەمدەندىرۋ تەبىنىن ۇزدىكسىز ارتتىرىپ، 2014-جىلدان بەرى، جالپى 9 ميلليارد 100 ميلليون يۋان قارجى قوسىپ، 2 مىڭ 200 مەكتەپتى جاڭادان جانە وزگەرتىپ كەڭەيتىپ سالعان؛ كومەسكى كۇشتى ىشكەرلەي اشىپ، وقىتۋشىلار قوسىنى قۇرىلىسىن نىعايتقان؛ قان-جاقتىلى رەفورمانى ۇزدىكسىز تەرەڭدەتىپ، وقۋ-اعارتۋدىڭ تەپە-تەڭدىگىن ۇزدىكسىز بەكەمدەگەن؛ مەملەكەت ءتىلى وقىتۋىن تاباندى ىلگەرلەتىپ، وقىتۋ ساپاسىن جاپپاي جوعارىلاتقان؛ ورتالىقتىڭ ورنالاسترۋلارى مەن تالاپتارىن مۇقيات تياناقتاندىرىپ، مەملەكەت ورتاق قولداناتىن ءتىل-جازۋدى وقىتۋ قىزمەتىن جاپپاي جالپىلاستىرعان. سونىمەن بىرگە، باقىلاۋ-جەتەكشىلىك گرۋپپاسى اۋدان، قالالاردا ساقتالعان ماسەلەلەرگە قاراتا جاۋاپ بەرۋمەن بىرگە، تۇزەتۋ پىكىرلەرىن دە ورتاعا قويدى.
ۇعىسۋعا قاراعاندا، 2017-جىلعا دەيىن، اۆتونوميالى رايونىمىز بويىنشا جيىنى 56 اۋدان، قالا مەملەكەتتىڭ مىندەتتى وقۋ-اعارتۋدى نەگىزىنەن بىركەلكىلەندىرۋدىڭ باعالاپ-تەكسەرۋىنەن ءوتىپ، جالپى مەكتەپتىڭ %57 ىن يەلەگەن.
ءان الەمى

جول توسىلىپ قالدى

تۇلپارىم