باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

پارتيا تۇرمىسىما شۇعىلاسىن توگىپ، ءومىرىمدى نۇرلاندىردى

    كەلۋ قاينارى: xjbs    2017-10-30 19:53:29  

 اقشي اۋدانى قارابۇلاق اۋىلى ماركەش قىستاعىنىڭ تۇرعىنى ءجۇنىسالى اجىمامەت

 بيىل 55 جاستامىن، اقشي اۋدانى قارابۇلاق اۋىلى ماركەش قىستاعىنىڭ تۇرعىنىمىن. بىلتىر قۇربان ايت قارساڭىندا، بالا - شاعاممەن جاڭا ۇيگە كوشىپ كىردىم.  

 ايەلىم ەكەۋىمىز مالشىمىز، 2 بالام وقۋدا، نەبارى 20 تۇياق قويىم بار. جاقىنعى جىلدان بەرى، دەنساۋلىعىم دەگەندەي جاقسى بولمادى، وسىنداي جاقسى ۇيگە كوشىپ كىرۋ ءۇش ۇيىقتاساق تا ويىمىزدا جوق ەدى.

  وتباسىمىز 2 رەت كوشتى. العاشىندا ءبىز سىز باسقان تام ۇيدە وتىراتىنبىز. 2005 - جىلى 1 - رەت ۇكىمەت سالىپ بەرگەن 60 شارشى مەترلىك تاس كەرپىش ۇيگە كوشىپ كىردىك، بۇل ءۇيىمىز تام ۇيدەن كوپ جاقسى ءارى كەڭ بولدى، مەن وسىندا ءومىر بويى وتىراتىن شىعارمىن دەپ ويلادىم. ويلاماعان جەردەن الدىڭعى جىلى ۇكىمەتتىڭ قىستاعىمىزدان مالشىلاردى وتىرىقتاندىرىپ، مال شارۋاشىلىعىن كوركەيتۋ ماقساتىندا سالاتىن ۇيلەرىنەن ماعان دا ءبىر ءۇي ءتيدى، وسىنشاما جاقسى ءۇيدى سالۋعا نەبارى 10 نەشە مىڭ يۋان عانا شىعاردىم. ءۇي سالىنىپ جاتقاندا، قۇرىلىس الاڭىنا ءار كۇنى دەرلىك بارىپ تۇردىم، ءاربىر كەرپىشتىڭ قالاي قالانعانى ءالى ەسىمدە، مەن جاڭا ءۇيدىڭ سالىنىپ بولۋىن اسىعا كۇتتىم. ەندى ءبىر ايدان كەيىن كوشىپ كىرۋىمىزگە بولاتىنىن ەستىگەندە، ايەلىم تەبىرەنگەنىنەن تۇندەلەتىپ ءجۇرىپ، جاڭا كورپە - جاستىق تىكتى، تاعى كىلەم ساتىپ الدىق.

  بىلتىر قۇربان ايت قارساڭىندا، ءبىز جاڭا ۇيگە كوشىپ كىردىك، بالا - شاعالارىما دا ايىرىم - ايىرىم بولمە ءتيىپ، جىرعاپ قالدى. ولار ءار كۇنى ورىندارىنان تۇرا سالىپ، ءۇيدى تازالاپ، اۋلانى رەتتەيدى. تۋىس - تۋعاندارىمىز دا قوناققا كەلىپ، قۋانىشىمىزعا ورتاق بولدى، ءبىر بولمەمىزدى تۋىسشىلاي كەلگەندەرگە ارنايى دايىنداپ قويدىق.

  مالشىلاردى وتىرىقتاندىرىپ، مال شارۋاشىلىعىن كوركەيتۋ ينجەنەرياسى ءۇيىمىزدى ساندەندىرۋمەن بىرگە، قىستاعىمىزدى دا اناعۇرلىم تازارتتى. قازىرگى ءۇيىم وزىمە قاتتى ۇنايدى، مۇنان كەيىن ءۇيىمنىڭ اۋلاسىن رەتتى ۇستاپ، ەسىك الدىنداعى جولدى مونتازداي ەتىپ تازالاپ، قىستاعىمىزدى بارعان سايىن كورىكتى ەتەمىن.

   بيىل ەكىنشى قىزىم جيلين پەداگوگيكا ۋنيۆەرسيتەتىنە قابىلدانعاندا قاباعات قۋاندىم، قۋانىشىم قوينىما سيماي كورشىلەرىمە «ءبىزدىڭ ۇيدەن دە ءبىر ستۋدەنت شىقتى» دەپ شۇيىنشىلەدىم، ءبىراق قۋانىشىمنىڭ استارىندا قىزىمنىڭ وقۋ قاراجاتىن ەندى قايتىپ تاپتىم؟ دەگەن ءبىر قيىن ماسەلە تۇرعان ەدى.

  قىزىمىزدىڭ وقۋ قاراجاتىنان قينالىپ تۇرعان كەزىمىزدە، قىستاق تۇرعىندار كوميتەتىنىڭ ستۋدەنتتەرگە بەرگەن قوسىمشا قاراجاتى، سونداي - اق وقۋ - اعارتۋ مەكەمەسىنىڭ وقۋ كومەك قاراجاتى قولىمىزعا تيە قالدى. ولاردىڭ تانىستىرۋىنشا، مەكتەپكە بارعاننان كەيىن قىزىم مەملەكەتتىڭ وقۋ كومەك قاراجاتى، وقۋ نەسيەسى، وقۋ سيلىق اقشاسى سياقتىلاردى دا ءوتىنىش ەتۋىنە بولادى ەكەن، بۇل اقشالار قىزىمنىڭ ۋنيۆەرسيتەت قاقپاسىنان ءساتتى اتتاۋىنا ءارى وقۋىن تابىسپەن اياقتاتۋىنا مۇمكىندىك اپەرەدى ەكەن.

  مەن شي جينپيڭ جولداستى ۇيتقى ەتكەن پارتيا ورتالىق كوميتەتىنە العىس ايتامىن، پارتيا ورتالىق كوميتەتىنىڭ قامقورلىعى كۇن ىسپەتتى مەنىڭ تۇرمىسىما شۇعىلاسىن توگىپ، ءومىرىمدى نۇرلاندىردى، وتباسىمىزدىڭ تۇرمىسى جاقساردى. باس شۋجي شي جينپيڭ ايتقان «بىرگە اۋقاتتانۋ جولىندا ەشكىمدى دە قاتاردان قالدىرۋعا بولمايدى» دەگەن ءسوزى قۇلاعىمنان كەتپەيدى. مەن، ءسوز جوق، بالالارىمدى وتانشىل، زاڭعا بويسۇناتىن، ادال، ىزگى نيەتتى جان ەتىپ تاربيەلەپ، قاجىرلى ەڭبەگىممەن اناعۇرلىم كوركەم تۇرمىسقا قول جەتكىزىپ، كورىكتى مەكەنىمدى گۇلدەندىرۋگە ۇلەس قوسامىن. كەلۋ قاينارى : شينجياڭ گازەتىنەن

ءان الەمى

جول توسىلىپ قالدى

تۇلپارىم