باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

پارتيانىڭ مەيىر - شاپاعاتىن ايتىپ تاۋىسا المايمىن

    كەلۋ قاينارى: xjbs    2017-11-08 20:35:24  

شاۋەشەك قالاسى ەمىل اۋىلدىق پارتكومىنىڭ ورىنباسار شۋجيى، اۋىل باستىعى سەرىك ومار ۇلى

مەن تارباعاتايدا دۇنيەگە كەلدىم، بالا كەزىمنەن ءار ۇلت دوستارىمەن ۇيرەنۋدە، تۇرمىستا بىرگە بولدىم. جوعارى مەكتەپ ەمتيحانىنا قاتىناسىپ، حىنان ولكەسىنىڭ جىڭجوۋ قالاسى جاراتىلىستىق پاندەر ينستيتۋتىندا تولىق كۋرستى ءبىتىردىم، تاماشا تاربيە الىپ، جۇڭگو كوممۋنيستىك پارتياسىنا مۇشە بولدىم، وسىنىڭ بارلىعىنا پارتيانىڭ قامقورلىعى مەن باۋلۋىندا قول جەتكىزدىم. وسىنداي ەسەيىپ - ەرجەتكەنىمدى ويلاسام، پارتيانىڭ مەيىر - شاپاعاتىن ايتىپ تاۋىسا المايمىن، تىلمەن جەتكىزە المايمىن.

  1987 - جىلى وتباسىممەن شاۋەشەك قالاسىنىڭ وتانشىلدىق كوشەسىنە كوشىپ بارىپ، جاسى مەنىمەن قارايلاس ءبىر حانزۋ ازاماتىمەن كورشى بولدىم، ونىڭ دەنساۋلىعى جاقسى بولماعاندىقتان، تۇرمىستا ءوز قاجەتىنەن شىعا المايتىن، كۇندەرىنىڭ دەنى دوڭگەلەكتى ورىندىقتا وتىرۋمەن وتەتىن، اكە - شەشەسى ءۇي جۇمىسىنىڭ قاجەتىمەن ۇنەمى سىرتتا جۇمىس ىستەيتىندىكتەن، قارايلاساتىن ادام بولماعاندا وعان ءبىز كومەكتەسەتىنبىز. ول كوپ نارسەنى بىلەتىن، ول كەزدە مەن مەملەكەت ءتىلىن ونشا جاتتىق سويلەي المايتىنمىن، ول ماعان مەملەكەت ءتىلىن، سونداي - اق مەن بىلمەيتىن كوپتەگەن بىلىمدەردى ۇيرەتتى، ءبىز بىرگە ۇيرەنىپ، بىرگە ويناپ، بىرگە ەرجەتتىك، ءبىزدىڭ اكە - شەشەمىز دە ارالارىنان قىل وتپەيتىن سىرلاس دوستارعا اينالدى.

  «وتباسىڭ بەرەكەلى بولسا، ءىسىڭ بەرەكەتتى بولادى» دەگەن ءتامسىل بار. تۇپتەپ كەلگەندە، مەملەكەت تە سولاي، ءار ۇلت حالقى ءبىر وتباسىنىڭ بالاسىنداي بولىپ، ءوزارا ىنتىماقتى بولعاندا مەملەكەتىمىزدىڭ ىستەرى دە ىلگەرى باسادى. شينجياڭدا ۇلتتار ىنتىماعى ءار ۇلت حالقىنىڭ جان تامىرى، ءبىز ءوزارا قۇرمەتتەۋدى، ءوزارا سەنۋدى، ءوزارا قارايلاسۋدى داعدىعا اينالدىرۋىمىز ءتيىس. ۇلتتار ىنتىماعىن جاقسارتقاندا عانا، قوعام تىنىش بولادى، ەكونوميكا داميدى، ءار ۇلت حالقىنىڭ تۇرمىسى جاقسارادى، ءار ۇلت جۇرتشىلىعى رەفورما جاساۋ مەن ەسىك اشۋدىڭ تابىستارىنان ءتىپتى دە كوپ يگىلىكتەنەتىن بولادى.

  شينجياڭدا قازىر ەكونوميكا بارىنشا دامىعان، حالىق تۇرمىسى مەيلىنشە جاقسارعان، قالا مەن اۋىلدا زور وزگەرىس تۋىلعان، ۇلتتارى ىنتىماقتى جاڭا بەينە جارىققا شىقتى. تيانشاننىڭ تۇستىگى مەن تەرىستىگىندە جان جادىراتارلىقتاي تىڭ تاريحي وزگەرىستەر تۋىلۋدا، ءبىزدىڭ كورىكتى تارباعاتاي ءار ۇلت حالقى ءوزارا توعىسقان، تاتۋ - ءتاتتى تۇراتىن ۇلكەن شاڭىراق، وڭىرلىك مادەنيەت جانە باي مازمۇندى ۇلتتىق سالت - سانانى بويىنا ساقتاعان مەكەن. بۇل مەنىڭ ەڭ قىزۋ سۇيەتىن مەكەنىم، ءار ۇلت بۇقاراسى، ءسوزسىز، ىنتىماقتاسا ۇيىسىپ، بىرگە العا باسىپ، اۋىلىمىزدى ءتىپتى دە كوركەيتۋىمىز قاجەت.

  نەگىزگى ساتىدا قىزمەت ىستەگەن 10 نەشە جىلدان بەرى، مەن پارتيانىڭ حالىققا تيىمدىلىك جاساۋ ساياساتىنىڭ اۋىل - قالاشىققا اكەلگەن وزگەرىستەرىنە كۋا بولدىم، اسىرەسە، پارتيا 18 - قۇرىلتايىنان بەرى، پارتيا ورتالىق كوميتەتىنىڭ كوڭىل ءبولىپ، قامقورلىق جاساۋىندا، شينجياڭعا باعىتتامالى كومەكتەسەتىن ولكە، قالالاردىڭ كۇش سالا كومەكتەسۋىندە ءار ۇلت بۇقاراسىنىڭ تۇرمىسى بارعان سايىن جاقساردى. ەمىل اۋىلىن الىپ ايتار بولسام، ەكونوميكالىق دامۋدا وڭىرلىك باسىمدىقتى جەتە ساۋلەلەندىرىپ، ەگىن شارۋاشىلىعى وڭىرىندە ءدارى شوپ ەگۋدەن ۇلگى كورسەتۋ بازاسى قۇرىلىسىن مىقتى يگەرىپ، جيانيۋان ەگىن شارۋاشىلىعى، پىڭكۇن جۇگەرىسى، شاۋلاۋ - ىر شەكىلدەۋىگى سىندى ماركا باسىمدىعىنا سۇيەنە وتىرىپ، تۇتاس اۋىل بويىنشا ەگىن شارۋاشىلىق ونىمدەرىن جىنتىكتەي مانەرلەدى. مۇنان سىرت، جەردى رەتتەپ، بىرىكتىرۋ ارقىلى ءدارى ءشوپ ەگۋ كولەمىن بىرتە - بىرتە كەڭەيتىپ، ءدارى ءشوپ مانەرلەيتىن كاسىپورىنداردى باۋراپ، ەگىن شارۋاشىلىق ونىمدەرىنىڭ ۇستەمە قۇنىن ارتتىردى. اۋىل - قىستاق جاڭاشا سەلبەسىپ ەمدەۋ، قالا، اۋىل تۇرعىندارىنىڭ دەنساۋلىعىن تەگىن تەكسەرۋمەن جاپپاي قامتىدى، قوعامدىق قامتاماسىزداندىرۋ، قۇتقارۋ، كومەكتەسۋ جۇيەسى كەمەلدەنە ءتۇستى، اۋىل - قىستاقتىڭ مادەنيەت، دەنە تاربيە قۇرىلعىلارى ۇزدىكسىز كەمەلدەندى، قىستاق تۇرعىندارىنىڭ مادەني تۇرمىسى باي مازمۇندى بولدى. بۇگىنگى تاڭدا بۇرىنعى جاتاعان جەر ءۇيدىڭ ورنىنا قاز - قاتار تىزىلگەن بەيقۇت ۇيلەر ءتۇستى، لاي، شاعىل جولدىڭ ورنىن تاسپاداي تارتىلعان اسفالت جول مەن سەمەنت جول باسىپ، تۇرمىس شارت - جاعداي بارعان سايىن جاقساردى. حالىق بۇقاراسىنىڭ وسىنداي تۇرمىسقا قول جەتكىزۋى پارتيانىڭ پارمەندى باسشىلىعىنىڭ، پارتيانىڭ تاماشا ساياساتىنىڭ ارقاسىندا بولدى. جۇڭگو كوممۋنيستىك پارتياسى بولماسا، شينجياڭداعى ءار ۇلت حالقىنىڭ باقىتتى تۇرمىسى دا بولماق ەمەس دەپ اۋىز تولتىرىپ ايتا الامىز.

  پارتيانىڭ 19 - قۇرىلتايى جەڭىسپەن جابىلدى. پارتيانىڭ 19 - قۇرىلتايىنىڭ بايانداماسىن ۇيرەنگەننەن كەيىن، جىگەرىم بارىنشا تاسقىنداپ، ەرەكشە شابىت الدىم. ءبىر جۇڭگولىق ازامات رەتىندە، مەن شەكسىز ماقتانىش، داڭق سەزىنەمىن. جاڭا يدەيا جاڭا داۋىرگە جەتەكشىلىك ەتەدى، جاڭا بورىش جاڭا ساپارعا باستايدى. مەن پارتيانىڭ 19 - قۇرىلتايىنىڭ بايانداماسىنىڭ رۋحىن مۇقيات ۇيرەنىپ، دايەكتىلەندىرىپ، تياناقتاندىرىپ، قىزمەت ءىس جۇزىندىگىمدى تياناق ەتىپ، ءوزىمدى «كەمەلدەندىرۋگە» كۇش سالامىن. ءبىلۋ مەن ارەكەتتى ۇشتاستىرۋعا تاباندى بولىپ، پارتيا مەن وتاننىڭ شاپاعاتىنا العىس ايتۋ سەزىمىن شىن مانىندە قوزعاۋشى كۇشكە اينالدىرىپ، اۋەلگى ماقساتتى ۇمىتپاي، بورىشىمدى ەسىمدە بەرىك ساقتايمىن، قوعام ورنىقتىلىعى مەن باياندى تىنىشتىقتى كۇش سالا قورعاپ، جاڭا داۋىردە جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىنىڭ شينجياڭ پاراعىن ويداعىداي جازۋعا بارلىق كۇش - قۋاتىمدى ارنايمىن.

كەلۋ قاينارى : شينجياڭ گازەتىنەن

ءان الەمى

جول توسىلىپ قالدى

تۇلپارىم