باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

قاشقار مەن حوتانداعى 10 مىڭنان استام ارتىق ەڭبەككۇش مەملەكەت مەنشىگىندەگى كاسىپورىندار مەن ورتالىققا قاراستى كاسىپورىنداردا كاسىپتەندى

    كەلۋ قاينارى: شينجياڭ حالىق راديو ىستانسياسى    2017-11-12 20:43:06  

ستانسيامىزدىڭ حابارى: وڭتۇستىك شينجياڭدا ادام كوپ، جەر از، جاراتىلستىق شارت-جاعدايى جاپالى بولۋ جاعدايىنا قاراتا، بيىل جىل باسىنان بەرى رايونىمىز ارتىق ەڭبەككۇشتەردى باسقا سالادا كاسىپتەندىرۋ تەبىنىن ارتتىردى. اۆتونوميالى رايوندىق مەملەكەت مەنشىگىندەگى مال-مۇلىكتى باقىلاۋ-باسقارۋ كوميتەتى جاريالاعان ەڭ جاڭا ساندى مالىمەتكە قاراعاندا، قازىرگە دەيىن مەملەكەت مەنشىگىندەگى 16 كاسپورىن مەن ورتالىققا قاراستى 26 كاسىپورىن قوعامدىق جاۋاپكەرلىكتى ارقالاپ، كاسىپتەندىرۋ جاعىندا حالىققا تيىمدىلىك جاساۋ ساياساتىن بەلسەنە تياناقتاندىرىپ، قاشقار، حوتان ايماعىنىڭ قالا-اۋىلىنان كەلگەن 10 مىڭ 680 كاسىپتەنۋشىنى ۇيىمدى تۇردە قابىلداپ، ون مىڭنان استام وتباسىنىڭ ءبىر مۇشەسىن كاسىپتەندىرىپ، تۇتاس وتباسىن كەدەيلىكتەن قۇتىلدىرۋدى ورىندادى.
بيىل جىل باسىندا، اۆتونوميالى رايون قاشقار، حوتان سىندى ەكى جەردەن ءۇش جىل ىشىندە 100 مىڭ ادامدى كاسىپتەندىرۋ جوسپارىن ورتاعا قويىپ، « تۇراقتى قىزمەت ورنىنا قوسىمشا قاراجات بەرۋ»، «سيلاۋدىڭ ورنىنا قوسىمشا قاراجات بەرۋ» سياقتى شارالار ارقىلى ءتۇرلى ەكونوميكالىق ۇيىمداردى، كاسىپورىنداردى اۋىل-قىستاقتارداعى ارتىق ەڭبەككۇشتەردى قابىلداپ، جەرگىلىكتى ورىننىڭ كاسىپتەندىرۋ قيىنشىلىعىن كومەكتەسىپ شەشۋگە شابىتتاندىردى. ساۋىردەن بەرى، جۇڭتاي توبى، جۇڭگو قۇرىلىس ءۇشىنشى ينجەنەريا مەكەمەسى، باۋگاڭ توبىنىڭ شينجياڭ 1-تامىز بولات-تەمىر شەكتى سەرىكتەستىگى، جۇڭگو مۇناي-تابيعي گاز سەرىكتەستىگىنىڭ تارىم مۇناي الابى سەرىكتەستىگى سياقتى مەملەكەت مەنشىگىندەگى كاسىپورىندار بۇعان بەلسەنە ءۇن قوسىپ، كەدەيلىكتەن قۇتىلعىسى كەلەتىن 10 مىڭنان استام ادامنىڭ ءتۇرلى ونەر يگەرۋىنە كومەكتەسىپ، ولاردىڭ جاقسى قىزمەت پەن تۇراقتى كىرىسكە يە بولۋىنا مۇمكىندىك جاسادى. حوتان ايماعىنىڭ كەريا اۋدانىنداعى مامەتيمىن بيىل ماۋسىمدا جۇڭگو قۇرىلىس ءۇشىنشى ينجەنەريا مەكەمەسىنىڭ ۇرىمجىدەگى نىسان قۇرىلىس ورنىنا قىزمەتكە ورنالاسىپ، اي سايىن 3 مىڭ يۋان ەڭبەكاقى الدى. ول، كاسىپورىندا قىزمەت ىستەگەننەن بەرى ءوزىنىڭ تەحنيكا يگەرۋدەن سىرت، مەملەكەت ءتىلى دەڭگەيىنىڭ جوعارلاعانىن، ءسوزجوق، قۇلشىنا قىزمەت ىستەپ، تاپقان اقشاسىمەن بالاسىن ۋنيۆەرسيتەتتە وقىتاتىنىن ايتتى.

ءان الەمى

جول توسىلىپ قالدى

تۇلپارىم