باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

قىزمەت اتىرەتىندەگىلەر حالىققا شىنايى قىزمەت ەتىپ، قىستاق تۇرعىندارىنا مەيىر باعىشتادى

    كەلۋ قاينارى: شينجياڭ حالىق راديو ىستانسياسى    2017-11-14 15:30:58  
ستانسيامىزدىڭ ءتىلشىسى حاميت پەن قاشقار راديو ستانسياسىنىڭ ءتىلىشسى لي شينپيڭنىڭ حابارىن تىڭداڭىزدار: بيىل جىل باسىنان بەرى، اۆتونوميالى رايوندىق حالىق قۇرىلتايى تۇراقتى كوميتەتى ورگاننىڭ «حالىق جاعدايىن ۇعىسۋ، حالىققا تيىمدىلىك جەتكىزۋ، حالىق تىلەگىن توعىستىرۋ» قيمىلىمەن قاعىلىق اۋدانى سايباع اۋىلى جاڭا اۋات قىستاعىنا تۇسكەن قىزمەت اترەتى قىستاقتىڭ ناقتىلى جاعدايىمەن تىعىز ۇشتاستىرىپ، ءار ۇلت قىستاق تۇرعىندارىنا كوپتەگەن ناقتىلى، جاقسى ىستەر ىستەپ بەرىپ، ولاردىڭ القاۋىنا بولەندى.
13-قاراشا جاڭا اۋات قىستاعىنىڭ تۇرعىنى ابدىراحمان ابدىرەشيتتىڭ قۋانىشىندا شەك بولمادى، ويتكەنى ول ساتقان جاڭعاعىنان 15 مىڭ يۋان كىرىس كىرگىزدى. جاڭا اۋات قىستاعى جەمىس اعاشىن ەگەتىن ۇلكەن قىستاق، قىستاق تۇرعىندارى جاڭعاق ەگۋدى نەگىز ەتەدى، ءبىراق، بۇرىن ونىمدەرىن ساتۋدىڭ جولى ىركىلىكسىزدەنبەگەن ەدى. قىزمەت اترەتى بۇعان ەرەكشە ءمان بەرىپ، قىستاق تۇرعىندارىنىڭ ونىمدەرىن ساتۋىنا بەلسەنە جول قاراستىردى، ونىڭ ۇستىنە سىرتپەن حابارلاسىپ سايكەستىرۋ جۇمىستارىن ىستەۋ ارقىلى قىستاقتان جاڭعاقتى قۇنتتاپ مانەرلەيتىن زاۆود قۇرىپ، قىستاق ديحاندارىنىڭ كىرىسىن ۇزدىكسىز ارتتىرۋعا جەبەۋشى بولدى. ابدىراحمان ابدىرەشيت بىلاي دەدى: «سوڭعى ەكى جىلدان بەرى، جاڭعاعىم تۇگەل ساتىلدى، قازىر قىستاقتا تاعى جاڭعاقتى قۇنىتتاپ مانەرلەۋ بازاسى قۇرىلدى، ەندىگارى جاڭعاقتى كوڭىلدەگىدەي باعاعا ساتا الماۋدان الاڭدامايتىن بولدىق».
جاڭا اۋات قىستاعىندا «كەدەيلىكتەن قۇتىلىپ، اۋقاتتانۋ» قىستاق تۇرعىدارىنىڭ ۇنەمى ايتاتىن سوزىنە اينالىپ قالدى. قىستاق تۇرعىندارىنىڭ كەدەيلىكتەن قۇتىلۋىنا كومەكتەسۋ ءۇشىن، قىزمەت اترەتى قىستاقتا قۇرىلىس اتىرەتىن ۇيىمداستىرىپ، تىگىنشىلىك دۇكەنى، بالگۇلشە دۇكەنى سياقتىلاردى اشىپ، قىستاقتاعى 50 نەشە كەدەي ديحانىنىڭ سول جەردىڭ وزىندە جۇمىسقا ورنالاسۋىنا قول ۇشىن بەرۋمەن بىرگە، تاعى 69 ادامدى سىرتقا شىعىپ جۇمىس ىستەۋگە ۇيىمداستىردى. قىستاقتاعى تىگىنشىلىك دۇكەنىنىڭ قىزمەتكەرى تۋبيگۇل: «ەگەر جاقسى ۇيرەنەتىن بولساق، 3 تە 4 مىڭ يۋانعا دەيىن ەڭبەكاقى الامىز. قىزمەت اترەتى تاعى وسى قىستاقتاعى قايىن اپامدى قامتىعان 25 قىستاق تۇرعىنىنىڭ كوزىنە وپەراتسيا جاساتتى، بىزگە كوپتەگەن جاقسى ىستەر ىستەپ بەردى، قىزمەت اترەتىندەگىلەر بىزبەن تۋىسىمىز سەكىلدى ەتەنە بولىپ كەتتى»،-دەدى.
قىزمەت اترەتى قىستاق تۇرعىندارىن اۋقاتتانۋعا باستاۋمەن بىرگە، نەگىزگى ساتىنىڭ ۇيىمدىق قۇرىلىسىن كۇشەيتۋ جاعىنا دا كۇش سالدى. بۇرىن جاڭا اۋات قىستاعى تىپتىك نەگىزى ءالسىز، ءبىتىراڭعى قىستاق بولاتىن، قىستاق كادرلارىنىڭ تۇرعىندار اراسىندا بەدەلى دە، سەنىمى دە جوق ەدى. قىزمەت اترەتى قىستاققا بارعاننان بەرى، قىستاق كادرلارمەن «ءبىر كادىر ءبىر تۇرعىندى جەتەلەپ» سەرىكتەسىپ، وي جەلىسىن جاڭالاپ، ءادىس-امال ۇيرەتىپ، قىزمەت تاجىريبەسىن تولىقتادى. قازىر، قىستاقتا بارلىق قىزمەت تۇگەل جاريا ىستەلىپ، «قىستاق تۇرعىندار كوميتەتى مەن قىستاق پارتيا ياچەيكاسىنىڭ» باسشىلىق القاسىنداعىلاردىڭ ۇيىستىرۋ قۋاتى دا بارىنشا كۇشەيدى. قىستاق پارتيا ياچەيكاسىنىڭ شۋجيى روزىمامەت تۇرسىن بىلاي دەدى: «قىستاقتاعىلار قىستاق پارتيا ياچەيكاسى كادرلارىنىڭ سوڭىنان ىلەسەتىن، قىستاق كادرلارىنىڭ سوزىنە قۇلاق اساتىن بولدى، جۇمىستارىمىز بارعان سايىن نىق سەنىممەن ىستەلەتىن بولدى. ءبىز تاعى ولشەمدى جوعارلاتىپ، مەملەكەت ءتىلىن ۇيرەنۋدى كۇشەيتىپ، الداعى قىزمەتتىڭ نەگىزىن بەكەمدەدىك».
پارتيا 19-قۇرىلتايىنىڭ بايانداماسىندا، اۋىل-قىستاقتى كوركەيتۋ ستراتەگياسىن اتقارۋ كەرەكتىگى العا قويىلدى، وسى جونىندە، قىزمەت اترەتىنىڭ باستىعى گۇلگينا نياز بىلاي دەدى: «پارتيانىڭ حالىققا تيىمدىلىك جاساۋ ساياساتىن اناعۇرلىم تياناقتاندىرىپ، اۋقاتتانۋ جولىن كەڭەيتۋ جاعىندا، تەبىندى ۇزدىكسىز ارتتىرىپ، جاقسى ءادىس-امال قاراستىرامىز. اۋەلگى ماقساتى ۇمىتپاي، بورىشتى ەستە بەرىك ساقتاپ، پارتيا 19-قۇرىلتايىنىڭ رۋحىمەن ۇشتاستىرىپ، باسشىلىق القاسىنداعىلاردى ويداعىداي باستاپ، بۇقارانى بۇرىنعىدان دا زور تيىمدىلىككە كەنەلۋ سەزىمىنە يە ەتەمىز».
ءان الەمى

جول توسىلىپ قالدى

تۇلپارىم