باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

قىزىل ەستەمەگە ماڭگى مۇراگەرلىك ەتەمىن

    كەلۋ قاينارى: شينجياڭ گازەتى    2017-11-14 15:50:09  

شاۋەشەك قالاسى جاڭا ءشار كوشەسى قارا ءدوڭ الەۋمەتتىك اۋماعىنىڭ تۇرعىنى سالىقجان يمىن

 مەن الدىڭعى عاسىردىڭ 40 - جىلدارىندا تۋىلدىم، بالا كەزىمنەن باستاپ قىزىل ەستەمە جۇرەگىمە تەرەڭ ۇيالاعان. الدىڭعى عاسىردىڭ 50 - جىلدارىنىڭ باسىندا جۇڭگو حالىق ازاتتىق ارمياسىنىڭ بەلگىلى ۆزۆورى شاۋەشەك قالاسىنا كەلگەندە، اكە - شەشەم 4 اۋىز ءۇيىمىزدى ازاتتىق ارمياعا بوساتىپ بەرگەن ەدى، سودان ازاتتىق ارميا وسىندا 8 جىل تۇردى، ءبىز ازاتتىق ارميامەن ءبىر وتباسىنىڭ ادامدارىنداي بولىپ كەتتىك. 1984 - جىلدىڭ ءبىر كۇنى، كەزىندە ءبىزدىڭ ۇيدە تۇرعان ازاتتىق ارميا جاۋىنگەرى گۋان فۋرۇڭ جان - جاقتان سۇراستىرىپ ءجۇرىپ مەنىڭ دەرەگىمدى تاپقان ەكەن. ول قولىمدى قىسىپ ۇستاپ تۇرىپ بىلاي دەدى: «كەزىندە اكە - شەشەڭ بىزگە تۋىسقانداي مامىلە جاساعان، تالاي جىلدان بەرى سىزدەردى ىزدەپ تاۋىپ، العىسىمىزدى جەتكىزۋدى ءجون كورگەن ەدىك». 30 جىلدان كەيىنگى قايتادان باس قوسۋ ماعان تەرەڭ اسەر بەردى، ارميا مەن ءبىزدىڭ بالىق پەن سۋداي ەتەنە وتكەن 8 جىل قاتىناسىمىز بالا كەزىمدەگى قىزىل ەستەمە بولىپ، جۇرەگىمنەن تەرەڭ ورىن الدى.
  2009 - جىلى شىلدە ايىندا، مەن بالا - شاعالارىما اۋلادا تۋ شىعارۋ ويىمنىڭ بار ەكەندىگىن ايتتىم، وتباسىمداعىلار مۇنى ءبىر اۋىزدان قۋانا قۇپتادى. مەن تۋ شىعارۋشى، ۇلىم سالايدين تۋدى قورعاۋشى بولدى، اكەلى - بالالى ەكەۋىمىز ينتەرنەتتەن ۇيرەنگەنىمىز بويىنشا تالاي رەت ماشىق جاسادىق. وتباسىمداعىلاردىڭ ءبىر نيەتپەن سەلبەسۋىندە 2009 - جىلى 1 - قازان ساعات 10دا بەس جۇلدىزدى قىزىل تۋ اۋلامىزدا بيىكتەن جەلبىرەدى.   2009 - جىلى قازان ايىنان بەرى، مەرەكە - مەيرام سايىن اۋلامىزعا ادام لىق تولادى، كوپشىلىك وزدىگىنەن جينالىپ، ايبىندى مەملەكەت گيمىنى ارقىلى بيىككە كوتەرىلگەن مەملەكەت تۋىنا قۇرمەت بىلدىرەدى. تۋ شىعارۋ سىندى داڭقتى ءىستى مەن تىنباي 8 جىل جالعاستىردىم. اۋلادا مەملەكەت تۋىن شىعارعاننان باستاپ، مەن مەملەكەت تۋىن شىعارۋ سالتىنا قاتىناسقان ءار سالا ادامدارىنا پارتيانىڭ حالىققا تيىمدىلىك جاساۋداعى ءتۇرلى ساياساتتارىن جانە ۇلتتار ىنتىماعى سياقتى مازمۇنداردى ۇگىتتەپ كەلەمىن، مەنىڭ اۋلام قازىر قىزىل وتانشىلدىق تاربيە بازاسى بولىپ باعالاندى. مەن ءوز باسىمدىعىمدى ساۋلەلەندىرۋگە قۇلشىنىپ، وتانشىلدىق تاربيە بازاسىنان ويداعىداي پايدالانىپ، قىزىل ەستەمەنى ونان ارى جالعاستىرامىن، ءدىني ۇشقارى يدەيانىڭ كەۋلەپ كىرۋىنە باستاماشىلدىقپەن قارسى تۇرامىن، نەگىزگى اۋەندى بەلسەنە اسقاقتاتىپ، وڭ ەنەرگيا تاراتامىن، ماڭايىمداعى ءار ۇلت بۇقاراسىن ءدىني ۇشقارى يدەيانىڭ ءمانى مەن زاردابىن ايقىن تانۋعا قاراي باستاپ، شينجياڭنىڭ جاراسىمدى دا ورنىقتى جاعدايىن ويداعىداي قورعايمىن، مەكەندى قول ۇستاسا ويداعىداي كوركەيتۋگە، ويداعىداي قورعاۋعا كۇش سالامىن، ادامداردىڭ جان دۇنيەسىنىڭ اقاۋسىز بولۋىنا، بەلسەنە العا باساتىن وڭ ەنەرگيا توپتاۋىنا كۇش قوسامىن.
  جەتپىستىڭ جەلكەسىنە شىققان مەن، جۇڭگو كوممۋنيستىك پارتياسىنىڭ نەشە ۇرپاق جۇڭگو حالقىن باستاپ باقىتتى تۇرمىسقا قول جەتكىزگەندىگىنە كۋا بولدىم، اسىرەسە، پارتيا 18 - قۇرىلتايىنان بەرگى 5 جىلدا تۇتاس ەلىمىزدە جۇرتتى ەلەڭ ەتكىزەرلىكتەي وراسان زور وزگەرىستەر تۋىلدى، ىشەر اس، كيەر كيىمنەن قامىقپايتىن بولدىق، ناۋقاس كورسەتۋدە ەمدەۋ ساقتاندىرۋى بار، تۇرمىسىندا قيىنشىلىعى بار وتباسىلار ەڭ تومەنگى تۇرمىستى قامتاماسىز ەتۋ قاراجاتىنان جانە ارزان باعادا مايعا بەرىلەتىن ۇيدەن يگىلىكتەندى، قىزمەتى جوق جاستار جۇمىسقا ورنالاستىرىلدى... مىنە مۇنىڭ بارلىعى پارتيانىڭ بىزگە جاساعان قامقورلىعى، وسىنداي دا پارتيا مەن وتاننىڭ شاپاعاتىنا العىس ايتپاي تۇرا الامىز با؟
  پارتيانىڭ 19 - قۇرىلتايى جەڭىسپەن اشىلدى، وندا جۇڭگو كوممۋنيستەرىنىڭ اۋەلگى ماقساتتى ۇمىتپاي، بورىشتى ەستە بەرىك ساقتاپ، جۇڭگو حالقىنىڭ باقىتىن كوزدەپ، جۇڭحۋا ۇلتىنىڭ ۇلى گۇلدەنۋىن كوكسەۋ تالابى ورتاعا قويىلدى. جۇڭگولىق بولۋ سالاۋاتىممەن مۇنى ماقتانىش سەزىنەمىن، بولاشاقتاعى جارقىن تۇرمىسقا بولعان ءۇمىتىم مەن سەنىمىم كۇشەيە ءتۇستى. ءار ۇلت بۇقاراسى قول ۇستاسىپ، ءبىر جاعادان باس، ءبىر جەڭنەن قول شىعارىپ، جۇرەكتەس بولىپ، وڭاي - وسپاق قولعا كەلمەگەن بۇگىنگى باقىتتى تۇرمىسىمىزدى قاستەرلەيىك؛ ءار ۇلت حالىق بۇقاراسى اناردىڭ دانىندەي تىعىز ۇيىسىپ، ءتىپتى دە جاراسىمدى دا كورىكتى شينجياڭ قۇرايىق.

ءان الەمى

جول توسىلىپ قالدى

تۇلپارىم