باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

«4 تانىمدى» باتىل بەكەمدەپ، پارتيا گازەتى ءتىلشىسىنىڭ جاۋاپكەرلىگى مەن بورىشىن ادالدىقپەن اتقارامىن

    كەلۋ قاينارى: شينجياڭ گازەتى    2017-11-14 15:52:22  

شينجياڭ گازەتى مەكەمەسى «ابدۇشۇكىر قىزمەت كەڭسەسىنىڭ» جاۋاپتىسى، ءۇرىمجى قالالىق ساياسي كەڭەستىڭ تۇراقتى مۇشەسى ابدۇشۇكىر ابدۇكەرىم

 مەن ىلە وزەنىنىڭ بويىنداعى شاعىن اۋدان − شاپشال سىبە اۆتونوميالى اۋدانىندا تۋىلدىم، اكەم قاراپايىم جۇمىسشى ەدى، ول ماعان پارتيانىڭ مەيىر - شاپاعاتىن ەستە بەرىك ساقتاپ، پارتيانىڭ ءار ۇلت حالقىنا اكەلگەن باقىتتى تۇرمىسىنا العىس ايتۋ جونىندە ۇنەمى تاربيە بەرەتىن. ەرجەتكەننەن كەيىن، مەن اكەمنىڭ تاربيەسىنىڭ ەرەكشە دۇرىس ەكەنىن جەتە تانىدىم.
  پارتيانىڭ قامقورلىعىندا شينجياڭ ۋنيۆەرسيتەتىنە وقۋعا ءتۇستىم، وقۋ تاۋىسقاننان كەيىن، ءبولىس بويىنشا شينجياڭ گازەتى مەكەمەسىنە قىزمەتكە ورنالاستىم. مەنى ۋنيۆەرسيتەتكە اتتاندىرعاندا اكەمنىڭ شىن ىقىلاسپەن: «پارتيانىڭ قامقورلىعىندا ۋنيۆەرسيتەتكە قابىلداندىڭ، سوندىقتان جاقسى وقىپ، بولاشاقتا وتانعا، حالىققا جارامدى ادام بولىپ، پارتيانىڭ ءۇمىتىن اقتاۋىڭ كەرەك»، - دەگەنى ءالى ەسىمدە. ۋنيۆەرسيتەت وقىپ جۇرگەن كەزىمدى ەسكە العان سايىن، پارتيانىڭ شاپاعاتىنا العىس ايتۋ سەزىمىم ەرىكسىز تاسقىندايدى. ۋنيۆەرسيتەت وقىپ جۇرگەنىمدە، ءبىزدىڭ تاماق، جاتاق قاراجاتىمىزدى تۇگەلدەي مەملەكەت كوتەرەتىن، وتباسىندا قيىنشىلىعى بار، كەدەي وقۋشىلارعا قىستىق كيىم دە تاراتاتىن.
  شينجياڭ گازەتى مەكەمەسىندە تىلشىلىك قىزمەتىمەن شۇعىلدانعانىما 26 جىل بولدى، تيانشاننىڭ تۇستىگى مەن تەرىستىگىندەگى قالا - قالاشىقتارعا، اۋىل - قىستاقتارعا، مال فەرمالارىنا ءار جىلى تىلشىلىك بابىمەن بارامىن. وسى بارىستا، مەن جۇڭگو كوممۋنيستىك پارتياسىنىڭ باسشىلىعىندا شينجياڭدا تۋىلعان بۇرىن - سوڭدى بولماعان، وراسان زور وزگەرىستەردى كوزىممەن كوردىم: بۇرىن شاڭى شىعىپ جاتاتىن ويلى - شۇڭقىرلى جولدار جوعارى قارقىندى تاس جولعا وزگەردى؛ تەمىر جول بارلىق جەرگە تۇتاستى؛ زەڭگىر كوكتە قالىقتاعان ۇشاق دۇنيە جۇزىمەن ءبىزدىڭ ارامىزدى جاقىنداتتى؛ «قوس ءتىل» بالاباقشاسى بارلىق قىستاقتا جالپىلاستى؛ كونە مەكتەپ ۇيلەرىنىڭ ورنىنا جاڭا وقىتۋ عيماراتى سالىندى؛ شارۋالاردىڭ توپىراق ۇيلەرىنىڭ ورنىنا بەيقۇت ۇيلەر سالىندى؛ تار كوشەلەر وسىزاماندانعان كەڭ كوشەگە اينالدى؛ وڭتۇستىك شينجياڭداعى بالالار بالاباقشادان تارتىپ ورتا مەكتەپ بىتىرگەنگە دەيىنگى 15 جىلدىق تەگىن وقۋ - اعارتۋدان يگىلىكتەندى؛ شارۋالار ەسەك اربا سياقتى كونە قاتىناس قۇرالدارىنىڭ ورنىنا موتوتسيكل جانە جەڭىل اۆتوكولىك سياقتى وسىزاماندانعان قاتىناس قۇرالدارىن ىستەتەتىن بولدى... بۇرىن ءۇش ۇيىقتاساق تۇسىمىزگە كىرمەيتىن ىستەر قازىر شىندىققا اينالدى، وسى تاماشا ارمانداردى ىسكە اسىرعان كوشباسشى − ۇلى جۇڭگو كوممۋنيستىك پارتياسىنا شىن جۇرەكتەن العىس ايتامىن! ءوزىمدى مىسالعا الىپ، ءوزىمنىڭ جەتىلۋ بارىسىمدى ەسكە السام، پارتيانىڭ قامقورلىعىندا، باۋلۋىندا، مەن «سارستان ساقتانۋ ۇگىتىندەگى مەملەكەتتىك ۇزدىك اقپارات ءتىلشىسى»، «اۆتونوميالى رايوندىق ۇزدىك كاسىپتىك تەحنيكالىق قىزمەتكەر»، «مەملەكەتتىك 10 ءىرى مەيىرلى ءتىلشى»، «جۇڭگو 4 - مامىر جاستار وردەنىنىڭ يەگەرى»، «اۆتونوميالى رايوننىڭ ءوزىن الۋەتتەندىرۋدىڭ ونەگەسى»، «شينجياڭدى اشۋ، كوركەيتۋ وردەنىنىڭ يەگەرى» سياقتى داڭقتى اتاقتارعا يە بولدىم. بارىنەن دە مەنى اسەرلەندىرگەنى، 2016 - جىلى قاراشادا مەملەكەتتىك ۇزدىك اقپارات قىزمەتكەرلەرىنىڭ ەڭ جوعارى سيلىعى − چاڭجياڭ سيلىعىنا يە بولدىم ءارى بەيجيڭ حالىق سارايىندا باس شۋجي شي جينپيڭنىڭ ىستىق ىقىلاسپەن قابىلداۋىندا بولدىم. وسى داڭقتارعا پارتيانىڭ تالاي جىلدان بەرى قامقورلىق جاساۋىندا، باۋلۋىندا قول جەتكىزدىم. جۇڭگو سياقتى حالقى كوپ، جەرى كەڭ مەملەكەت جونىنەن العاندا، پارتيانىڭ دۇرىس باسشىلىعى بولماسا، جۇڭگونىڭ قازىرگىدەي دامىمايتىندىعىن، قۇدىرەتتەنبەيتىندىگىن، شينجياڭداعى ءار ۇلت جۇرتشىلىعىنىڭ دا قازىرگىدەي باقىتتى تۇرمىسقا قول جەتكىزە المايتىندىعىن، مەنىڭ دە بۇگىنگىدەي تابىسقا جەتۋىمنىڭ مۇمكىن ەمەستىگىن جىعا تانىدىم. بۇل جەكە مەنىڭ تانىمىم ەمەس، قايتا تيانشاننىڭ تۇستىگى مەن تەرىستىگىندە جاساپ جاتقان ءار ۇلت جۇرتشىلىعىنىڭ ورتاق ءۇنى.
  پارتيا گازەتىنىڭ قىزمەتكەرى سالاۋاتىممەن، الداعى قىزمەتتە گازەت شىعارۋشىلاردىڭ ساياسي ساناسىمەن جانە ساياسي بورىشىمەن «4 تانىمدى» تاباندىلىقپەن بەكەمدەپ، قاشاندا ساياسيدا اڭعارلى ادام بولىپ، پارتيانىڭ شاپاعاتىنا العىس ايتىپ، پارتيانىڭ سوزىنە قۇلاق اسىپ، پارتياعا ىلەسىپ، يدەولوگيا سالاسىنىڭ بۇكىلدەي حاۋىپسىزدىگىن قورعايتىن ادال جاۋىنگەر، ۇلكەن دۇرىس، ۇلكەن بۇرىس ماسەلەسىندە تۋى ايقىن پارتيا گازەتىنىڭ ءتىلشىسى بولامىن.
  پارتيا گازەتىنىڭ قىزمەتكەرى سالاۋاتىممەن، الداعى قىزمەتتە «ابدۇشۇكىر قىزمەت كەڭسەسى» سىندى مىنبەردەن ويداعىداي پايدالانىپ، قىزمەت كەڭسەسىنىڭ ىقپالىن ۇزدىكسىز كۇشەيتىپ، جاس تىلشىلەردى ماركسيزمدىك «5 كوزقاراسپەن»، «5 ورتاق تانىممەن» وي - سانانى قارۋلاندىرۋعا، دۇرىس جاماعات پىكىرى بەتالىسىن ورناتۋعا، نەگىزگى ساتىنى ارالاپ، بۇقارامەن ارالاسىپ، تۇرمىستى تۇسىنۋگە، ۇلتتار ىنتىماعىن كۇشەيتەتىن، پارتيانىڭ شاپاعاتىنا العىس ايتاتىن، ءار ۇلت جۇرتشىلىعىنىڭ باقىتتى تۇرمىسىن اڭىس ەتەتىن، ىقپالعا جانە اسەرلەندىرۋ قۋاتىنا يە اقپارات تۋىندىلارىن كوبىرەك جازۋعا، پارتيانىڭ اقپارات قىزمەتكەرلەرىنە دەگەن ءۇمىتىن جەردە قالدىرماۋعا جەتەكتەيمىن. ءارقانداي ۋاقىتتا، ءارقانداي جەردە «ءۇش ءتۇرلى كۇشتىڭ»، «ەكىبەتكەيلەردىڭ» سۇرقيا كەسپىرىن تۋىم ايقىن تۇردە اشكەرەلەپ، باستاماشىلدىقپەن ونەگە بولىپ، دۇرىس قوعامدىق پىكىرگە جەتەكشىلىك ەتىپ، قوعام ورنىقتىلىعى مەن باياندى تىنىشتىق باس نىساناسىن ىسكە اسىرۋعا ۇلەس قوسامىن.
  الداعى قىزمەتتە ءۇرىمجى قالالىق ساياسي كەڭەستىڭ تۇراقتى مۇشەسى بولۋداي سالاۋاتىممەن، جوعارى مەكتەپتەردە، سونداي - اق ءتۇرلى كۋرستاردا لەكسيا سويلەگەندە، اسىرەسە، جاس تىلشىلەردى باستاپ، تيانشاننىڭ تۇستىگى مەن تەرىستىگىندەگى اۋىل - قىستاقتاردا تىلشىلىك ىستەگەندە از ۇلت تىلشىلەرىنىڭ ءتىل ارقىلى پىكىرلەسۋ جاعىنداعى ارتىقشىلىعىن تولىق ساۋلەلەندىرىپ، «شتات سىرتىنداعى ۇگىتشى» جانە «كوشپەلى ۇگىتشى» بولىپ، ەگىنشى - مالشىلارعا جۇڭگو كوممۋنيستىك پارتياسىنىڭ دۇرىس باسشىلىعى مەن قامقورلىعى بولماسا، بۇگىنگىدەي باقىتتى دا جاراسىمدى جاقسى تۇرمىسىمىزدىڭ بولمايتىنىن، ىنتىماق، ورنىقتىلىق − قۇت، بولشەكتەۋشىلىك، بىلىقپالىق − جۇت ەكەنىن ايقىن ءتۇسىندىرىپ، «ءۇش ءتۇرلى كۇشپەن» جانە ءدىني ۇشقارى يدەيامەن باتىل كۇرەسىپ، يدەولوگيا سالاسىنىڭ بۇكىلدەي حاۋىپسىزدىگىن باتىل قورعاپ، ۇلتتار ىنتىماعىن جانە قوعام ورنىقتىلىعىن قورعاۋدىڭ ونەگەسى بولۋعا قۇلشىنامىن.

ءان الەمى

جول توسىلىپ قالدى

تۇلپارىم