باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

شي جينپيڭ ۆيەتنام پارلامەنتىنىڭ ءتوراعاسى رۋانشى جين - يىنمەن كەزدەستى

    كەلۋ قاينارى: شينجياڭ گازەتى    2017-11-14 16:01:47  

جۇڭگو-ۆيەتنام دوستىق سارايىنىڭ سالىنىپ بولۋ، وتكىزىپ بەرۋ راسىمىنە جانە حانويداعى جۇڭگو مادەنيەت ورتالىعىنىڭ اشىلۋ راسىمىنە قاتىناستى

شينحۋا اگەنتتىگىنىڭ 12 - قاراشادا حانويدان بەرگەن حابارى )تىلشىلەر چىن جى، حان مو(. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى شي جينپيڭ 12 - قاراشادا حانويدا ۆيەتنام پارلامەنتىنىڭ ءتوراعاسى رۋانشى جين - يىنمەن كەزدەستى.
  شي جينپيڭ بىلاي دەپ اتاپ كورسەتتى: مەن ۆيەتنامعا 2 جىلدان كەيىن قايتالاي ساپار مەن كەلىپ وتىرمىن. بۇل جولعى ساپارىمدا تامىرى تەرەڭدە جاتقان جۇڭگو مەن ۆيەتنام دوستىعىن، جۇڭگو مەن ۆيەتنام ىنتىماقتاستىعىنىڭ كەڭ ءورىستى بولاشاعىن تاعى دا تەرەڭ سەزىندىم. جۇڭگو جۇڭگو - ۆيەتنامنىڭ قارىم - قاتىناسىن دامىتۋعا ايرىقشا ءمان بەرەدى، ۇزاق ۋاقىت ورنىقتى، بولاشاققا بەت العان، تاتۋ كورشىلىك، دوستىق، جان - جاقتى ىنتىماقتاستىق باعىت پەن جاقسى كورشى، جاقسى دوس، جاقسى جولداس، جاقسى سەرىك رۋحىن ۇزدىكسىز ۇستانىپ، جۇڭگو مەن ۆيەتنامنىڭ جان - جاقتى ستراتەگيالىق ىنتىماقتاستىق سەرىكتەستىك قارىم - قاتىناسىنىڭ ۇزاق ۋاقىت اقاۋسىز، ورنىقتى دامۋىن العا ىلگەرىلەتۋدى قالايدى. جۇڭگو مەن ۆيەتنام ەكەۋى دە كوممۋنيستىك پارتيا باسشىلىق ەتەتىن سوتسياليستىك مەملەكەت، ەكى ەلدىڭ ءداستۇرلى دوستىعى ەكى ەل حالقىنىڭ ۇزاق ۋاقىت تاتۋ - ءتاتتى تۇرۋى بارىسىندا تامىر تارتىپ، وركەن جايعان، ەكى ەلدىڭ مەملەكەت تاۋەلسىزدىگىنە جانە ۇلت ازاتتىعىنا قول ۇستاسا قول جەتكىزۋ كۇرەسى بارىسىندا ارلەنگەن، تاراپتاردىڭ رەفورما جانە جاڭالىق اشۋ ۇلى ءىسىن العا ىلگەرىلەتۋى بارىسىندا تىنباي تەرەڭدەگەن. جاڭا جاعدايدا جۇڭگو مەن ۆيەتنام ءداستۇردى ساۋلەلەندىرىپ، بۇرىنعىعا مۇراگەر، كەيىنگىگە بۇيداگەر بولىپ، جوعارى جىكتەگىلەردىڭ بارىس - كەلىسىن ساقتاپ، ستراتەگيالىق اۋىس - كۇيىستى كۇشەيتىپ، پارتيانى جونگە سالۋ، بيلىك جۇرگىزۋ تاجىريبەلەرىنەن ءوزارا ۇيرەنىپ، ۇلگى - ونەگە الىپ، ءارقايسى سالالارداعى ءوزارا پايدا جەتكىزۋ سيپاتتى ىنتىماقتاستىق ءورىسىن كەڭەيتۋى كەرەك.
  شي جينپيڭ جۇڭگونىڭ مەملەكەتتىك حالىق قۇرىلتايىنىڭ ۆيەتنام پارلامەنتىمەن بولعان دوستىق بارىس - كەلىسىنە وسكەلەڭ باعا بەردى. شي جينپيڭ بىلاي دەپ اتاپ كورسەتتى: ەكى ەلدىڭ زاڭ شىعارۋ قۇرىلىمى مەملەكەتتىڭ ساياسي ومىرىندە ماڭىزدى رول اتقارادى، سونداي - اق ول ەكى ەل حالقىنىڭ ءوزارا تۇسىنىستىگى مەن دوستىعىن كۇشەيتۋدىڭ ماڭىزدى دانەكەرى. ەكى ەلدىڭ زاڭ شىعارۋ قۇرىلىمدارىنىڭ اۋىس - كۇيىسى ءوزارا تۇسىنىستىك پەن دوستىقتى كۇشەيتۋمەن بىرگە، جۇڭگو مەن ۆيەتنامنىڭ جان - جاقتى ستراتەگيالىق ىنتىماقتاستىق سەرىكتەستىك قارىم - قاتىناسىنىڭ ىشكى ءمانىن بايىتتى. ەكى ەلدىڭ زاڭ شىعارۋ قۇرىلىمدارى ءارقايسى جىكتەگى اۋىس - كۇيىستى، ىنتىماقتاستىقتى كۇشەيتىپ، ەل باسقارۋ جانە زاڭ شىعارۋ، باقىلاۋ جاعىنداعى پايدالى تاجىريبەلەر جونىنەن ءوزارا ۇلگى - ونەگە الۋى، ەكى ەل حالقىنىڭ ءوزارا تۇسىنىستىگىن نىعايتۋ جاعىندا كوبىرەك قىزمەت ىستەۋى، جۇڭگو مەن ۆيەتنام قارىم - قاتىناسىنىڭ ەل رايى نەگىزىن بەكەمدەۋ جاعىندا اناعۇرلىم زور ۇلەس قوسۋى كەرەك.
  شي جينپيڭ رۋانشى جين - يىنگە جۇڭگونىڭ مەملەكەتتى زاڭمەن جونگە سالۋدى جاپپاي العا ىلگەرىلەتۋ جاعىنداعى قاتىستى تاجىريبەلەرىن تانىستىردى.
  رۋانشى جين - يىن بىلاي دەدى: ءتوراعا شي جينپيڭنىڭ ۆيەتنامداعى مەملەكەتتىك ساپارىن قىزۋ قارسى الامىن، ءتوراعا شي جينپيڭ 2 جىلدىڭ الدىندا ۆيەتنامدا ساپاردا بولعان كەزىندە، ۆيەتنام پارلامەنتىندە جاساعان لەكسياسى كۇنى بۇگىنگە دەيىن جادىمدا. جۇڭگو كوممۋنيستىك پارتياسى مەملەكەتتىك 19 - قۇرىلتايىنىڭ تولىق تابىسقا جەتكەندىگىن قۇتتىقتايمىن، ءتوراعا شي جينپيڭنىڭ باسشىلىعىندا، جۇڭگوشا سوتسياليزم ىستەرىنىڭ، ءسوز جوق، تابىسقا جەتەتىنىنە سەنەمىن. ۆيەتنام جۇڭگونىڭ ۆيەتنامنىڭ مەملەكەتتىڭ ازات بولۋى جانە دامۋى ىستەرىن زور كۇشپەن قولداپ - قۋاتتاعانىن قاي - قاشان دا ەستەن شىعارمايدى، ۆيەتنام مەن جۇڭگونىڭ ورنىقتى قارىم - قاتىناسىن دامىتۋدى سىرتقا باعىتتالعان قىزمەتتىڭ الدىمەن ەسكەرىلەتىن بەتالىسى ەتەدى. ۆيەتنام جۇڭگومەن اراداعى جوعارى جىكتەگىلەردىڭ ءجيى بارىس - كەلىسىن ساقتاپ، ءتۇرلى سالالارداعى ىنتىماقتاستىقتى العا ىلگەرىلەتىپ، حالىقتار دوستىعىن نىعايتۋدى قالايدى. ۆيەتنام پارلامەنتى جاڭالىق اشۋدى العا ىلگەرىلەتۋ بارىسىندا جۇڭگونىڭ مەملەكەتتىك حالىق قۇرىلتايىمەن اۋىس - كۇيىس جاساسۋدى، ءوزارا ۇلگى - ونەگە الۋدى كۇشەيتۋدى، سونداي - اق بىرگە قۇلشىنىپ، ۆيەتنام مەن جۇڭگونىڭ دوستىق قارىم - قاتىناسىن تەرەڭدەتۋگە ۇلەس قوسۋدى قالايدى.
  ديڭ شۋەشياڭ، ليۋ حى، ياڭ جيەچى قاتارلى جۇڭگو جاقتىڭ ساپارلاستارى، ۆيەتنام كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، ورتالىق كوميتەت شۋجيچۋىنىڭ شۋجيى، ورتالىق ۇگىت - تاربيە ءبولىمىنىڭ باستىعى ۋ ۋىنشاڭ، پارلامەنتتىڭ ورىنباسار ءتوراعاسى ۋاڭ جۋليۋ، پارلامەنتتىڭ ورىنباسار ءتوراعاسى، ۆيەتنام - جۇڭگو دوستىق قارىم - قاتىناس دەپۋتاتتارى گرۋپپاسىنىڭ ءتوراعاسى دۋ بايسى، ورىنباسار زۇڭلي ۋ دىيان قاتارلىلار كەزدەسۋگە قاتىناستى.
  شينحۋا اگەنتتىگىنىڭ 12 - قاراشادا حانويدان بەرگەن حابارى )تىلشىلەر مىڭ نا، جياڭ گوپىڭ(. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى شي جينپيڭ 12 - قاراشادا حانويدا ۆيەتنام - جۇڭگو دوستىق سارايىنىڭ سالىنىپ بولۋ، وتكىزىپ بەرۋ راسىمىنە جانە حانويداعى جۇڭگو مادەنيەت ورتالىعىنىڭ اشىلۋ راسىمىنە قاتىناستى.
  شي جينپيڭ دوستىق سارايىنا جەتكەندە، جۇڭگو جاق قارجى قوسۋشى كاسىپورىندارىنىڭ ۋاكىلدەرى مەن ۆيەتنام جاستارى قاتارعا تۇرىپ قارسى الدى، ۆيەتنام پارلامەنتىنىڭ ءتوراعاسى رۋانشى جين - يىن كىرەر ەسىكتە قارسى الدى.
  رۋانشى جين - يىننىڭ سەرىك بولۋىندا، شي جينپيڭ اشىلۋ ءراسىمى وتكىزىلەتىن جەرگە كەلدى. ۆيەتنام - جۇڭگو دوستىق سارايىنىڭ سالىنىپ بولۋ، وتكىزىپ بەرۋ ءراسىمى باستالدى. ءراسىم وتكىزىلگەن جەردە دوستىق سارايى نىسانىن تانىستىرعان قىسقا فيلم قويىلدى. شي جينپيڭ مەن رۋانشى جين - يىن ءتوراعالار مىنبەسىنە شىقتى. شي جينپيڭ رۋانشى جين - يىنگە نىساننىڭ «التىن كىلتىن» وتكىزىپ بەردى. حانويداعى جۇڭگو مادەنيەت ورتالىعىنىڭ اشىلۋ ءراسىمى باستالدى. شي جينپيڭ مەن رۋانشى جين - يىن جۇڭگو مادەنيەت ورتالىعىنىڭ ۆيۋەسكاسىن بىرگە اشتى. رۋانشى جين - يىننىڭ سەرىك بولۋىندا، شي جينپيڭ دوستىق سارايىندا جۇڭگو - ۆيەتنام دوستىق كوركەمونەر ويمالارىن تاماشالاپ، ۇلكەن تەاترحانانى ەكسكۋرسيالادى.
  ەكسكۋرسيادان كەيىن، شي جينپيڭ مەن رۋانشى جين - يىن ءراسىم وتكىزىلگەن جەردە جۇڭگو - ۆيەتنام دوستىعى قايراتكەرلەرىمەن ىقىلاسى قول الىسىپ امانداسىپ، ولاردى ەكى ەلدىڭ دوستىق بارىس - كەلىسىن، ىنتىماقتاستىعىن كۇشەيتۋگە بەلسەندىلىكپەن ۇلەس قوسۋعا شابىتتاندىردى.
  ۆيەتنام - جۇڭگو دوستىق سارايى نىسانى حانوي قالاسىندا، جالپى قۇرىلىس اۋدانى شامامەن 13 مىڭ 800 شارشى مەتر، ول جۇڭگونىڭ ۆيەتنامعا كومەكتەسىپ سالعان بەلگى سيپاتتى ينجەنەرياسى. حانويداعى جۇڭگو مادەنيەت ورتالىعى جۇڭگونىڭ ۆيەتنامدا تۇراتىن رەسمي مادەنيەت ورگانى.
  ديڭ شۋەشياڭ، ليۋ حى، ياڭ جيەچى قاتارلى جۇڭگو جاقتىڭ ساپارلاستارى، ۆيەتنام كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، ورتالىق كوميتەت شۋجيچۋىنىڭ شۋجيى، ورتالىق ۇگىت - تاربيە ءبولىمىنىڭ باستىعى ۋ ۋىنشاڭ، ۆيەتنام كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، ورتالىق كوميتەت شۋجيچۋىنىڭ شۋجيى، ورتالىق كوميتەت بۇقارالىق جۇمىلدىرۋ ءبولىمىنىڭ باستىعى جاڭ شىمەي، ۆيەتنام كوممۋنيستىك پارتياسى ورتالىق كوميتەتى شۋجيچۋىنىڭ شۋجيى حۋ جىميڭ، مەملەكەتتىك ساياسي ينستيتۋتىنىڭ باستىعى، ۆيەتنام - جۇڭگو دوستىق قارىم - قاتىناس قوعامىنىڭ ءتوراعاسى رۋان چۇنشىڭ قاتارلىلار جوعارىداعى قيمىلعا قاتىناستى.

ءان الەمى

جول توسىلىپ قالدى

تۇلپارىم