باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

شي جينپيڭ ۆيەتنام كوممۋنيستىك پارتياسى ورتالىق كوميتەتىنىڭ باس شۋجيى رۋان فۋجۇڭمەن كەڭەس وتكىزدى

    كەلۋ قاينارى: شينجياڭ گازەتى    2017-11-14 16:09:58  

تاراپتار ءبىر جاعادان باس، ءبىر جەڭنەن قول شىعارىپ، دامۋعا بىرگە تالپىنىپ، جۇڭگو-ۆيەتنام قارىم-قاتىناسىنىڭ تىڭ جاعدايىن تىنباي اشۋعا ءبىر اۋىزدان قوسىلدى

ج ك پ ورتالىق كوميتەتىنىڭ باس شۋجيى، مەملەكەت ءتوراعاسى شي جينپيڭ 12 - قاراشادا حانويدا ۆيەتنام كوممۋنيستىك پارتياسى ورتالىق كوميتەتىنىڭ تۇرعان جەرىندە ۆيەتنام كوممۋنيستىك پارتياسى ورتالىق كوميتەتىنىڭ باس شۋجيى رۋان فۋجۇڭمەن كەڭەس وتكىزدى. سۋرەتتە: كەڭەستەن بۇرىن رۋان فۋجۇڭ ءتوراعا سارايى الاڭىندا شي جينپيڭگە ارناپ سالتاناتتى قارسى الۋ ءراسىمىن وتكىزدى.

سۋرەتتى شينحۋا اگەنتتىگىنىڭ ءتىلشىسى لي تاۋ تۇسىرگەن

 شينحۋا اگەنتتىگىنىڭ 12 - قاراشادا حانويدان بەرگەن حابارى (تىلشىلەر سۇن حاۋ، مىڭ نا، حوۋ ليجۇن). ج ك پ ورتالىق كوميتەتىنىڭ باس شۋجيى، مەملەكەت ءتوراعاسى شي جينپيڭ 12 - قاراشادا حانويدا ۆيەتنام كوممۋنيستىك پارتياسى ورتالىق كوميتەتىنىڭ تۇرعان جەرىندە ۆيەتنام كوممۋنيستىك پارتياسى ورتالىق كوميتەتىنىڭ باس شۋجيى رۋان فۋجۇڭمەن كەڭەس وتكىزدى. تاراپتار ءبىر - ءبىرىنىڭ دامۋ تابىستارىنا بەلسەندى باعا بەرىپ، جۇڭگو مەن ۆيەتنامنىڭ ءداستۇرلى دوستىعىنا ويداعىداي مۇراگەرلىك ەتىپ، ونى قورعاپ، ساۋلەلەندىرىپ، ءبىر - بىرىنە دوستىق ساياساتتى بەرىك ۇستانىپ، ەكى ەلدىڭ جان - جاقتى ستراتەگيالىق ىنتىماقتاستىعىن بارىنشا جاقسى دامىتىپ، ەكى ەلدى جانە ەكى ەل حالقىن اناعۇرلىم كوپ ناقتى يگىلىككە كەنەلتۋگە ءبىر اۋىزدان قوسىلدى.
  شي جينپيڭ جۇڭگو كوممۋنيستىك پارتياسىنىڭ مەملەكەتتىك 19 - قۇرىلتايىنىڭ، رۋان فۋجۇڭ ۆيەتنامنىڭ پارتيا مەن مەملەكەت ىستەرىنىڭ قاتىستى جاعدايلارىن جەكە - جەكە تانىستىردى.
  شي جينپيڭ بىلاي دەپ باسا دارىپتەدى: جۇڭگو مەن ۆيەتنام تاۋ - وزەندەرى تۇتاسقان جاقسى كورشى، داڭق - نامىستى بىرگە كورگەن جاقسى دوس، مۇراتى ۇقساس جاقسى جولداس، ىنتىماقتاسىپ تەڭ يگىلىككە كەنەلەتىن جاقسى سەرىك. جۇڭگو مەن ۆيەتنام ديپلوماتيالىق قارىم - قاتىناس ورناتقان 67 جىلدان بەرى، ءتوراعا ماۋ زىدۇڭ، ءتوراعا حۋ جىميڭ قاتارلى ەكى ەلدىڭ اعا بۋىن باسشىلارى ءوز قولدارىمەن تۇلعالاعان جانە دەن قويا جەتىلدىرگەن جۇڭگو مەن ۆيەتنامنىڭ ءداستۇرلى دوستىعى تىنباي نىعايىپ، ساۋلەلەنىپ كەلەدى. بيىل ەكى پارتيانىڭ، ەكى ەلدىڭ جوعارى جىكتەگىلەرى تىعىز بايلانىستى ساقتاپ، ءارقايسى سالاداعى ىنتىماقتاستىعى تىنباي تەرەڭدەپ، جۇڭگو مەن ۆيەتنامنىڭ قارىم - قاتىناسى بەلسەندى ىلگەرىلەۋشىلىكتەرگە قول جەتكىزدى. كەزەكتە جۇڭگو مەن ۆيەتنام تۇگەلدەي رەفورمانىڭ، دامۋدىڭ شەشۋشى كەزەڭىندە تۇر، ەكى ەلدىڭ ءوز - ءوزىنىڭ قۇرىلىس ىستەرى مەن ەكى جاقتى قارىم - قاتىناسىنىڭ دامۋى وڭايلىقپەن قولعا كەلمەيتىن تاريحي سيپاتتى ورايعا ءدوپ كەلۋدە.
  تاراپتار ەكى پارتيانىڭ، ەكى ەلدىڭ قارىم - قاتىناسىنىڭ جالپى جاعدايىن ماڭىزدى ورىنعا قويىپ، ەكى ەل حالقىنىڭ ءتۇبىرلى مۇددەسىن شىعار ءتۇيىن ەتىپ، تار جول، تايعاق كەشۋدى بىرگە وتكەرگەن تاڭداۋلى ءداستۇردى ساۋلەلەندىرىپ، جۇڭگو مەن ۆيەتنام قارىم - قاتىناسىنىڭ تىڭ جاعدايىن تىنباي اشىپ، العا باسۋ جولىندا ءبىر جاعادان باس، ءبىر جەڭنەن قول شىعارىپ، دامۋعا بىرگە تالپىنۋى كەرەك.
  شي جينپيڭ ۆيەتنامنىڭ رەفورما جاساپ، ەسىك اشقان 30 نەشە جىلدان بەرى ءتۇرلى قۇرىلىستا قول جەتكىزگەن وراسان زور تابىستارىن قۇتتىقتادى. شي جينپيڭ بىلاي دەپ باسا دارىپتەدى: باس شۋجي رۋان فۋجۇڭ باستاعان ۆيەتنام كوممۋنيستىك پارتياسى ورتالىق كوميتەتىنىڭ پارمەندى باسشىلىعىندا، باۋىرلاس ۆيەتنام حالقىنىڭ، ءسوز جوق، سوتسياليستىك قۇرىلىس ىستەرىندە اناعۇرلىم شۇعىلالى بولاشاق اشاتىنىنا سەنەمىن.
  رۋان فۋجۇڭ جۇڭگو كوممۋنيستىك پارتياسى مەملەكەتتىك 19 - قۇرىلتايىنىڭ تولىق تابىسقا قول جەتكىزگەنىن شىن جۇرەكتەن قۇتتىقتادى، شي جينپيڭ جولداستىڭ جۇڭگو كوممۋنيستىك پارتياسى ورتالىق كوميتەتىنىڭ باس شۋجيى بولىپ قايتا سايلانعانىن ءارى جۇڭگو كوممۋنيستىك پارتياسىنىڭ باسشىلىق ۇيتقىسى بولىپ تۇراقتانعانىن قۇتتىقتادى. رۋان فۋجۇڭ بىلاي دەدى: ۆيەتنام جۇڭگونىڭ ۆيەتنامنىڭ ۇلت ازاتتىعىنا جانە مەملەكەتتىڭ دامۋىنا وراسان زور كومەك كورسەتكەنىنە العىس ايتادى، جۇڭگونىڭ حالىقارالىق جانە وڭىرلىك ىستەردە اناعۇرلىم زور رول اتقارۋىن قولدايدى. ۆيەتنام جۇڭگونىڭ ەكونوميكالىق، قوعامدىق دامۋ تابىستارى مەن وسى ءوڭىردىڭ دامۋىنا قوسقان بەلسەندى ۇلەسىنە وسكەلەڭ باعا بەرىپ، شي جينپيڭ جولداس العا قويعان ادامزاتتىڭ تاعدىرلاس ورتاق تۇلعاسىن قۇرۋ دارىپتەمەسىن قارسى الادى، بۇل جۇڭگونىڭ الەمدىك كوز اياسى مەن ءىرى ەلدىك جاۋاپكەرشىلىگىن ايگىلەدى دەپ قارايدى. ۆيەتنام جۇڭگومەن بىرگە قۇلشىنىپ، ەكى ەلدىڭ ءداستۇرلى دوستىعى مەن جان - جاقتى ستراتەگيالىق ىنتىماقتاستىق سەرىكتەستىك قارىم - قاتىناسىن تەرەڭدەتىپ، ەكى ەل حالقىنا باقىت جاراتىپ، ءوڭىردىڭ بەيبىتشىلىگى مەن گۇلدەنىپ - كوركەيۋىن جەبەۋدى قالايدى.

ج ك پ ورتالىق كوميتەتىنىڭ باس شۋجيى، مەملەكەت ءتوراعاسى شي جينپيڭ 12 - قاراشادا حانويدا ۆيەتنام كوممۋنيستىك پارتياسى ورتالىق كوميتەتىنىڭ تۇرعان جەرىندە ۆيەتنام كوممۋنيستىك پارتياسى ورتالىق كوميتەتىنىڭ باس شۋجيى رۋان فۋجۇڭمەن كەڭەس وتكىزدى.

سۋرەتتى شينحۋا اگەنتتىگىنىڭ ءتىلشىسى ياۋ داۋي تۇسىرگەن

 شي جينپيڭ مەن رۋان فۋجۇڭ جاڭا جاعدايدا جۇڭگو مەن ۆيەتنامنىڭ جان - جاقتى ستراتەگيالىق ىنتىماقتاستىق سەرىكتەستىك قارىم - قاتىناسىن تەرەڭدەتۋ جونىنەن ماڭىزدى ورتاق تانىمعا كەلىپ، ءبىر اۋىزدان بىلاي دەپ قارادى: جۇڭگو مەن ۆيەتنام ۇزاق ۋاقىتتىق دوستىق ءداستۇرى بار كورشىلەر، ەكەۋى دە كوممۋنيستىك پارتيا باسشىلىق ەتكەن سوتسياليستىك مەملەكەت، ساياسي ءتۇزىمى ۇقساس، دامۋ جولى قارايلاس، بولاشاعى بايلانىستى، تاعدىرى ءبىر. تاراپتار ءبىر - بىرىنەن ۇلگى - ونەگە الۋى، بىرگە دامۋى، ءوز مەملەكەتىنىڭ سوتسياليستىك قۇرىلىس ىستەرىنە تىڭ ومىرشەڭدىك كۇش قوسىپ، جۇڭگو مەن ۆيەتنامنىڭ جان - جاقتى ستراتەگيالىق سەلبەستىك سەرىكتەستىك قارىم - قاتىناسىنىڭ ۇزبەي، اقاۋسىز، ورنىقتى، العا دامۋىن جەبەپ، ءوڭىردىڭ بەيبىتشىلىگىن، ورنىقتىلىعىن، گۇلدەنىپ - كوركەيۋىن جەبەۋگە بەلسەندى ۇلەستەر قوسۋى كەرەك.
  تاراپتار جوعارى جىكتەگىلەر اۋىس - كۇيىسىنىڭ تاماشا ءداستۇرىن ساقتاپ جانە كۇشەيتىپ، ءبىر - بىرىنە دوستىق ساياساتتى بەرىك ۇستانىپ، ستراتەگيالىق بارىس - كەلىستى كۇشەيتىپ، ساياسي ءوزارا سەنىمدىلىكتى نىعايتىپ، الاۋىزدىقتاردى يكەمدىلىكپەن ءبىر جاقتى ەتىپ، جۇڭگو مەن ۆيەتنام قارىم - قاتىناسىنىڭ دۇرىس باعىتىنا جەتەكشىلىك ەتۋگە؛ پارتيالار ارا بارىس - كەلىستى تەرەڭدەتىپ، جۇڭگو مەن ۆيەتنام قارىم - قاتىناسىنىڭ وزگەشە باسىمدىعىن ساۋلەلەندىرىپ، پارتيانى جونگە سالۋ، ەل باسقارۋ جاعىندا تاجىريبە اۋىسۋدى جيىلەتۋگە؛ جۇڭگو مەن ۆيەتنامنىڭ ەكى جاقتى سەلبەستىگىنە جەتەكشىلىك ەتۋ كوميتەتىنىڭ رولىن تولىق ساۋلەلەندىرىپ، ديپلوماتيالىق قارىم - قاتىناس، مەملەكەت قورعانىسى، قوعام حاۋىپسىزدىگى، حاۋىپسىزدىك سياقتى تاراۋلاردىڭ ءارقايسى جىكتەگى اۋىس - كۇيىسىن، سەلبەستىگىن كۇشەيتۋگە قوسىلدى.
  تاراپتار «ءبىر بەلدەۋ، ءبىر جولدى» بىرگە قۇرۋدى جانە «2 ءدالىز، ءبىر شەڭبەر» ىنتىماقتاستىق حۇجاتىن تىڭعىلىقتى تياناقتاندىرىپ، ءوڭىردىڭ ەكونوميكالىق بايلانىسى مەن ءوزارا ىقپالداستىعىن جەبەپ، ەكونوميكا - ساۋدا، ءوندىرىس قۋاتى، قارجى قوسۋ، نەگىزدىك قۇرىلعى قۇرىلىسى، اقشا، فيانس سياقتى سالالارداعى ىنتىماقتاستىققا تىنباي ناقتى ىلگەرىلەۋشىلىكتەرگە قول جەتكىزۋدى جەبەپ، شەكارا اتتاعان ەكونوميكالىق ىنتىماقتاستىق رايونى قۇرىلىسىن ورنىقتى قاداممەن العا ىلگەرىلەتىپ، اۋىل شارۋاشىلىعى، قورشاعان ورتا، عىلىم - تەحنيكا، قاتىناس - تاسىمال سياقتى سالالارداعى ىنتىماقتاستىقتى كۇشەيتۋگە قوسىلدى.
  تاراپتار مادەنيەت، وقۋ - اعارتۋ، اقپارات قۇرالدارى، دەنساۋلىق ساقتاۋ، جاستار، جەرگىلىكتى ورىن، ساياحات سياقتى سالالارداعى ىنتىماقتاستىق ءورىسىن كەڭەيتىپ، حانويداعى جۇڭگو مادەنيەت ورتالىعىنىڭ، ۆيەتنام - جۇڭگو دوستىق سارايىنىڭ ەرتەرەك پايدالانۋعا بەرىلۋىن جەبەپ، حالىقتىق بارىس - كەلىس قيمىلدارىن تىڭعىلىقتى تىندىرىپ، جۇڭگو مەن ۆيەتنامنىڭ دوستىق ەل رايى نەگىزىن بەكەمدەۋگە قوسىلدى.
  تاراپتار ەكى پارتيانىڭ، ەكى ەلدىڭ باسشىلارى ءبىر اۋىزدىلىققا كەلىسكەن ماڭىزدى ورتاق تانىمدارعا ساي، تەڭىزدەگى ماسەلەلەردى يكەمدىلىكپەن ءبىر جايلى ەتىپ، بىرگە اشۋدى قامتىعان ءتۇرلى فورماداعى تەڭىزدەگى ىنتىماقتاستىقتى ورنىقتى قاداممەن العا ىلگەرىلەتىپ، نانحاي تەڭىزىنىڭ بەيبىتشىلىگى مەن ورنىقتىلىعىن قورعاۋعا بىرگە كۇش سالۋعا قوسىلدى.
  تاراپتار ب م ۇ، الەمدىك ساۋدا ۇيىمى، ازيا - تىنىق مۇحيت ەكونوميكالىق ىنتىماقتاستىق ۇيىمى، ازيا - ەۆروپا كەڭەسى، جۇڭگو - شىعىس وڭتۇستىك ازيا ەلدەر وداعى، لانساڭجياڭ دارياسى - مەكونگ وزەنى ىنتىماقتاستىعى سياقتى حالىقارالىق جانە وڭىرلىك جۇلگەدەگى سايكەسۋدى كۇشەيتۋگە قوسىلدى. جۇڭگو ۆيەتنامنىڭ ازيا - تىنىق مۇحيت ەكونوميكالىق ىنتىماقتاستىق ۇيىمى مۇشەلەرى باسشىلارىنىڭ 25 - رەتكى بەيرەسمي ءماجىلىسىن ءساتتى وتكىزگەنىن قۇتتىقتاپ، ۆيەتنامدى قامتىعان ءارقايسى جاقتارمەن بىرگە قۇلشىنىپ، ازيا - تىنىق مۇحيت ءوڭىرى ەكونوميكاسىنىڭ ءبىر تۇلعالانۋىن العا ىلگەرىلەتۋگە، ءوڭىردىڭ دامۋىنا، گۇلدەنىپ - كوركەيۋىنە بەلسەندى ۇلەستەر قوسۋدى جەبەۋگە پەيىل ەكەندىكتەرىن ءبىلدىردى.
  كەڭەستەن كەيىن ەكى ەل باسشىسى «ءبىر بەلدەۋ، ءبىر جول» جانە «2 ءدالىز، ءبىر شەڭبەر» ىنتىماقتاستىق ەسكەرتپە حاتىنا، سونداي - اق ءوندىرىس قۋاتى، ەنەرگيا، شەكارا اتتاعان ەكونوميكالىق ىنتىماقتاستىق رايونى، ەلەكتروندى ساۋدا، ادام كۇشى بايلىعى، ەكونوميكا - ساۋدا، فينانس، مادەنيەت، دەنساۋلىق ساقتاۋ، اقپارات، قوعامدىق عىلىم، شەكارا قورعانىسى سياقتى سالالارداعى ىنتىماقتاستىق حۇجاتىنا قول قويىسۋ ساتىنە بىرگە كۋا بولدى.  كەڭەستەن بۇرىن، رۋان فۋجۇڭ ءتوراعا الاڭىندا سالتاناتتى قارسى الۋ ءراسىمىن وتكىزدى. جەرگىلىكتى حالىق الاڭ سىرتىندا ۇلتتىق كيىم كيىپ تۇرىپ، شي جينپيڭدى قارسى الدى. شي جينپيڭ اۆتوكولىكپەن جەتكەن كەزدە ۆيەتنامدىق ءوسپىرىم بالالار جۇڭگو مەن ۆيەتنامنىڭ مەملەكەت تۋىن بۇلعاپ، شي جينپيڭدى قىزۋ قارسى الدى. رۋان فۋجۇڭ اۆتوكولىك توقتايتىن جەردە قارسى الدى، ۆيەتنامدىق بالالار شي جينپيڭگە گۇل ۇسىندى. شي جينپيڭ كوزدەن كەشىرۋ تۇعىرىنا رۋان فۋجۇڭمەن بىرگە شىقتى. اسكەري وركەستر جۇڭگو مەن ۆيەتنامنىڭ مەملەكەت گيمنىن ورىندادى، 21 رەت قۇرمەت ساليۋتى اتىلدى. شي جينپيڭ رۋان فۋجۇڭنىڭ سەرىك بولۋىندا قۇرمەت قاراۋىلىن كوزدەن كەشىردى. قۇرمەت قاراۋىلىنىڭ قۇرامىنداعىلار ۆيەتنام تىلىندە «باس شۋجيدىڭ دەنساۋلىعىنىڭ مىقتى بولۋىن تىلەيمىز» دەپ ۇران شاقىردى. شي جينپيڭ ۆيەتنام جاقتىڭ ساپارلاستارىمەن قول الىسىپ امانداستى، رۋان فۋجۇڭ جۇڭگو جاقتىڭ ساپارلاستارىمەن قول الىسىپ امانداستى. شي جينپيڭ مەن رۋان فۋجۇڭ كوزدەن كەشىرۋ تۇعىرىنا قايتا ورالىپ، شەرۋدى كوزدەن كەشىردى. ەكى ەل باسشىسى ۆيەتنام كوممۋنيستىك پارتياسى ورتالىق كوميتەتىنىڭ تۇرعان جەرىنە بارعاندا، ۆيەتنامدىق جاستار گۇل جاپىراقتارىن شاشىپ قارسى الدى.
  ديڭ شۋەشياڭ، ليۋ حى، ياڭ جيەچى جوعارىدا اتالعان قيمىلدارعا قاتىناستى. ۆيەتنام جاقتان ۆيەتنام كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، ورتالىق كوميتەت شۋجيچۋىنىڭ ۇنەمىلىك ىستەرگە جاۋاپتى شۋجيى، ورتالىق تەكسەرۋ كوميتەتىنىڭ مەڭگەرۋشىسى چىن گو - ۋاڭ، ۆيەتنام كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، ورتالىق كوميتەت شۋجيچۋىنىڭ شۋجيى، ورتالىق كوميتەت ۇيىمداستىرۋ ءبولىمىنىڭ باستىعى فان ۋىنميڭ، ۆيەتنام كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، ورىنباسار زۇڭلي، سىرتقى ىستەر مينيسترى فان پيڭميڭ، ۆيەتنام كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، ورتالىق كوميتەت شۋجيچۋىنىڭ شۋجيى، ورتالىق كوميتەت ۇگىت - تاربيە ءبولىمىنىڭ باستىعى ۋ ۋىنشاڭ، ۆيەتنام كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، مەملەكەت قورعانىس مينيسترى ۋ چۇنلي، ۆيەتنام كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، قوعام حاۋىپسىزدىگى مينيسترى سۋ لين، ۆيەتنام كوممۋنيستىك پارتياسى ورتالىق كوميتەتى شۋجيچۋىنىڭ شۋجيى، ورتالىق كوميتەت كەڭسەسىنىڭ مەڭگەرۋشىسى رۋان ۋىننيان، سونداي - اق ۆيەتنام ۇكىمەتىنىڭ قاتىستى تاراۋلارىنىڭ جاۋاپتىلارى قاتىناستى.

ءان الەمى

جول توسىلىپ قالدى

تۇلپارىم