باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

شي جينپيڭ لاوستاعى مەملەكەتتىك ساپارىن باستادى

    كەلۋ قاينارى: شينجياڭ گازەتى    2017-11-15 12:46:22  

شينحۋا اگەنتتىگىنىڭ 13 - قاراشادا ۆەنتياننان بەرگەن حابارى(تىلشىلەر جاڭ جيانحۋا، لي جيانمين). ج ك پ ورتالىق كوميتەتىنىڭ باس شۋجيى، مەملەكەت ءتوراعاسى شي جينپيڭ 13 - قاراشادا ۆەنتيانعا بارىپ، لاوس حالىق دەموكراتيالىق رەسپۋبليكاسىنداعى مەملەكەتتىك ساپارىن باستادى.

  جەرگىلىكتى ۋاقىت تۇستەن كەيىن ساعات 3 تەن 5 مينۋت مولشەرىندە، شي جينپيڭ وتىرعان ارناۋلى ۇشاق ۆەنتيانداعى ۆاتتاي حالىقارالىق اۋەجايىنا قوندى. شي جينپيڭ ۇشاق ەسىگىنەن شىققاندا، لاوس حالىقتىق توڭكەرىس پارتياسى ورتالىق كوميتەتى ساياسي بيۋروسىنىڭ مۇشەسى، ورتالىق كوميتەت شۋجيچۋىنىڭ ۇنەمىلىك ىستەرگە جاۋاپتى شۋجيى، مەملەكەتتىڭ ورىنباسار ءتوراعاسى پانكان، لاوس حالىقتىق توڭكەرىس پارتياسى ورتالىق كوميتەتى ساياسي بيۋروسىنىڭ مۇشەسى، ۆەنتيان قالالىق پارتكومنىڭ شۋجيى، قوسىمشا قالا باستىعى شينلافىڭ، لاوس حالىقتىق توڭكەرىس پارتياسى ورتالىق كوميتەتى ساياسي بيۋروسىنىڭ مۇشەسى، ورىنباسار زۇڭلي سۇڭساي قاتارلىلار قىزۋ قارسى الدى. لاوس جاستارى شي جينپيڭگە گۇل ۇسىندى. قۇرمەت قاراۋىلى قىزىل كىلەمنىڭ ەكى جاعىندا ساپ تۇزەپ تۇردى.  

 شي جينپيڭ اۋەجايدا جازباشا ءسوز سويلەپ، جۇڭگو كومپارتياسى، جۇڭگو ۇكىمەتى جانە حالقى اتىنان باۋىرلاس لاوس حالىقتىق توڭكەرىس پارتياسىنا، ۇكىمەتىنە جانە حالقىنا ىزگى سالەم جولدادى جانە تاماشا تىلەك ءبىلدىردى. شي جينپيڭ مىنانى باسا دارىپتەدى: جۇڭگو مەن لاوس ەكەۋى دە كوممۋنيستىك پارتيانىڭ باسشىلىعىنداعى سوتسياليستىك ەل، اتى - زاتىنا ساي جاقسى كورشى، جاقسى دوس، جاقسى جولداس، جاقسى سەرىك. ديپلوماتيالىق قاتىناس ورناتقان 56 جىلدان بەرى، ەكى ەلدىڭ ءداستۇرلى تاتۋ - ءتاتتى، كورشىلەستىك، دوستىق قاتىناسى حالىقارالىق اۋمالى - توكپەلى جاعدايدىڭ سىنىنان ءوتىپ، بارعان سايىن كۇشەيدى. ەكى ەلدىڭ جالپى بەتتىك ستراتەگيالىق ىنتىماقتاستىق سەرىكتەستىك قاتىناسى تەرەڭدەي دامىپ، ەكى ەل مەن ەكى ەل حالقىنا ناقتى پايدا جەتكىزۋمەن قاتار، وڭىرلىك جانە الەمدىك بەيبىتشىلىكتى، ورنىقتىلىقتى، گۇلدەنىپ - كوركەيۋدى جەبەۋگە بەلسەندى ۇلەس قوستى. ساپار كەزىندە باس شۋجي، مەملەكەت ءتوراعاسى بىنياڭ قاتارلى پارتيا، مەملەكەت باسشىلارىمەن، سونداي - اق لاوستاعى ءار سالا قايراتكەرلەرىمەن كەڭ كولەمدى بارىس - كەلىس جاساسىپ، جۇڭگو مەن لاوس پارتيالارىنىڭ، ەكى ەلدىڭ قاتىناسى، سونداي - اق بىرگە كوڭىل بولەتىن ماسەلەلەر جونىندە تەرەڭدەي پىكىر اۋىستىرامىن. ەكى ەلدىڭ بىرگە قۇلشىنۋىندا، وسى رەتكى ساپاردىڭ جۇڭگو مەن لاوستىڭ جالپى بەتتىك ستراتەگيالىق ىنتىماقتاستىق سەرىكتەستىك قاتىناسىنىڭ تىڭ ساتىعا كوتەرىلۋىن ىلگەرىلەتىپ، ەكى ەل حالقىنا اناعۇرلىم زور باقىت اكەلەتىنىنە سەنەمىن.  

 ديڭ شۋەشياڭ، ليۋ حى، ياڭ جيەچى قاتارلى ساپارلاستارى سول ۇشاقپەن بىرگە باردى.  

 جۇڭگونىڭ لاوستاعى باس ەلشىسى ۋاڭ تيان - ۋىن دا اۋەجايعا بارىپ قارسى الدى.  

 اۆتوكولىك اترەتى اۋەجايدان قوناق ۇيگە قاراي اتتاندى، اۋەجايدىڭ سىرتىنا جۇڭگو مەن لاوس ەلدەرى باسشىلارىنىڭ ۇلكەن سۋرەتى ىلىنگەن. جولدىڭ ەكى جاعاسىندا جۇڭگو مەن لاوستىڭ مەملەكەت تۋى جەلمەن جەلبىرەيدى. كوشە بويلارىنا قارسى الۋ ۇراندارى ىلىنگەن، ىقىلاستى جەرگىلىكتى جاستار مەن ورەندەر جولدىڭ ەكى جاعىنا جينالىپ، باس شۋجي، مەملەكەت ءتوراعاسى شي جينپيڭگە جۇڭگو مەن لاوستىڭ مەملەكەت تۋىن بۇلعاپ، لاوس حالقىنىڭ جۇڭگو مەن لاوستىڭ دوستىعىنا دەگەن تەرەڭ سۇيىسپەنشىلىگى مەن باس شۋجي، مەملەكەت ءتوراعاسى شي جينپيڭنىڭ ساپارلاي كەلگەنىنە دەگەن شىنايى قۋانىشتارىن بەينەلەدى.  

 شي جينپيڭ ۆيەتنامداعى مەملەكەتتىك ساپارىن اياقتاتقاننان كەيىن ۆەنتيانعا كەلدى. حانويدان اتتاناردا، ۆيەتنام كومپارتياسى ورتالىق كوميتەتى ساياسي بيۋروسىنىڭ مۇشەسى، ورتالىق كوميتەت شۋجيچۋىنىڭ ۇنەمىلىك ىستەرگە جاۋاپتى شۋجيى، ورتالىق تەكسەرۋ كوميتەتىنىڭ مەڭگەرۋشىسى چىن گوۋاڭ قاتارلىلار اۋەجايعا كەلىپ اتتاندىردى. جەرگىلىكتى حالىق جۇڭگو مەن ۆيەتنامنىڭ مەملەكەت تۋىن بۇلعاپ، شي جينپيڭدى جانە ونىڭ ساپارلاستارىن اتتاندىرىپ سالدى.

ءان الەمى

جول توسىلىپ قالدى

تۇلپارىم