باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

شي جينپيڭ ۆيەتنام كوممۋنيستىك پارتياسى ورتالىق كوميتەتىنىڭ باس شۋجيى رۋان فۋجۇڭمەن تاعى دا كەزدەستى(1)

    كەلۋ قاينارى: شينجياڭ گازەتى    2017-11-15 12:49:40  

ۆيەتنامنىڭ مەملەكەت ءتوراعاسى چىن داگۋاڭمەن كەڭەس وتكىزدى

شينحۋا اگەنتتىگىنىڭ 13 - قاراشادا حانويدان بەرگەن حابارى (تىلشىلەر حوۋ ليجۇن، جياڭ گوپىڭ.) ج ك پ ورتالىق كوميتەتىنىڭ باس شۋجيى، مەملەكەت ءتوراعاسى شي جينپيڭ 13 - قاراشا تۇستەن بۇرىن ۆيەتنام كوممۋنيستىك پارتياسى ورتالىق كوميتەتىنىڭ حانويداعى تۇراعىندا ۆيەتنام كوممۋنيستىك پارتياسى ورتالىق كوميتەتىنىڭ باس شۋجيى رۋان فۋجۇڭمەن تاعى دا كەزدەستى. تاراپتار ەكى پارتيانىڭ، ەكى ەلدىڭ قارىم - قاتىناسى جونىندە ءارى جولداستىق، ءارى باۋىرلاستىق رۋحپەن ۇزدىكسىز ىشكەرىلەي پىكىر اۋىستىردى.  

 شي جينپيڭ بىلاي دەپ اتاپ كورسەتتى: ۆيەتنامداعى بۇل جولعى ساپارىم توتەنشە ءساتتى بولدى، ۆيەتنام حالقىنىڭ شىنايى دوستىق پەيىلىن تاعى دا سەزىندىم. جۇڭگو مەن ۆيەتنام پارتيالارىنىڭ، ەلدەرىنىڭ قارىم - قاتىناسى مىزعىماس بەرىك، بولاتتاي بەكەم. كەزەكتە ەكى پارتيانىڭ، ەكى ەلدىڭ باسشىلارى ءبىر اۋىزدى پىكىرگە كەلگەن ءبىرسىپىرا ماڭىزدى ورتاق تانىمدار ناقتى ىنتىماقتاستىق جەمىسىنە اينالۋدا. كەشە مەن باس شۋجي رۋان فۋجۇڭمەن دوستىق پەيىلمەن ىشكەرىلەي پىكىرلەستىم، بۇرىنعى ورتاق تانىم نەگىزىندە ەكى ەلدىڭ ىنتىماقتاستىعىن تىنباي ىشكەرىلەتىپ، جۇڭگو مەن ۆيەتنامنىڭ جان - جاقتى ستراتەگيالىق ىنتىماقتاستىق سەرىكتەستىك قارىم - قاتىناسىنىڭ دامۋىن ۇزبەي العا ىلگەرىلەتۋگە قوسىلدىق.  

 شي جينپيڭ مىنانى باسا دارىپتەدى: جاڭا داۋىردە حالىقارالىق، وڭىرلىك جاعدايدا تەرەڭ وزگەرىستەردىڭ تۋىلۋىنا وراي، جۇڭگو مەن ۆيەتنامنىڭ قارىم - قاتىناسىنىڭ ەرەكشە ماڭىزى بارىنشا كورنەكتىلەنىپ كەلەدى. ەكى جاقتى قارىم - قاتىناستىڭ دامۋىنا تىڭعىلىقتى جەتەكشىلىك ەتۋ ءۇشىن، تاراپتار سەنىمدى بەكەمدەپ، جۇڭگو مەن ۆيەتنامنىڭ قارىم - قاتىناسىنىڭ ۇلكەن بەتالىسىن يگەرىپ، گۋمانيتارلىق قارىم - قاتىناستى جيىلەتىپ، جۇڭگو مەن ۆيەتنامنىڭ قارىم - قاتىناسىنىڭ ەل رايى نەگىزىن بەكەمدەپ، جۇڭگو مەن ۆيەتنامنىڭ دوستىق ىنتىماقتاستىعىن بۇلجىماي قورعاپ، ەكى پارتيانىڭ، ەكى ەلدىڭ قارىم - قاتىناسىنىڭ باستان - اياق دۇرىس بەتالىستى بويلاپ العا ىلگەرىلەۋىنە شىنايى كەپىلدىك ەتۋ كەرەك.  

 شي جينپيڭ رۋان فۋجۇڭعا جۇڭگونىڭ پارتيانى، مەملەكەتتى جونگە سالۋ تاجىريبەلەرىن تانىستىردى.  

 رۋان فۋجۇڭ بىلاي دەدى: ۆيەتنام مەن جۇڭگونىڭ دوستىعىنىڭ تامىرى تەرەڭدە جاتىر، ءارقايسى سالالارداعى ناقتى ىنتىماقتاستىعى دا تىنباي ىشكەرىلەۋدە. جۇڭگو كوممۋنيستىك پارتياسىنىڭ مەملەكەتتىك 19 - قۇرىلتايى ءساتتى اشىلعاننان كەيىن، باس شۋجي شي جينپيڭنىڭ ۆيەتنامدى العاشقى ساپارلاي باراتىن جەرى ەتىپ تاڭداۋى ەرەكشە مانگە يە. ۆيەتنام حالقى باس شۋجي، مەملەكەت ءتوراعاسى شي جينپيڭنىڭ ساپارلاي كەلۋىن شىن جۇرەكتەن ءۇمىت ەتتى، قىزۋ قارسى الدى. كەشە ءبىز ىقىلاستى، دوستىق پەيىلدە جاپپاي تەرەڭدەي كەڭەستىك، بۇل ءارى جولداستىق، ءارى باۋىرلاستىق تەرەڭ سۇيىسپەنشىلىكتى تولىق ايگىلەدى. ۆيەتنام پارتيانى جونگە سالۋ، ەل باسقارۋ تاجىريبەلەرى جونىنەن جۇڭگومەن اۋىس - كۇيىس جاساسىپ، ۆيەتنام مەن جۇڭگونىڭ ءداستۇرلى دوستىعىنا مۇراگەرلىك ەتىپ جانە ونى ساۋلەلەندىرىپ، ەكى پارتيانىڭ، ەكى ەلدىڭ قارىم - قاتىناسىنىڭ تىنباي تىڭ ساتىعا قادام تاستاۋىن قۇلشىنا ىلگەرىلەتۋدى قالايدى.

  كەزدەسۋدەن كەيىن شي جينپيڭ مەن رۋان فۋجۇڭ حۋ جىميڭنىڭ بايىرعى تۇراعىنا بارىپ ۇزدىكسىز كەڭەستى.

  حۋ جىميڭنىڭ قاراپايىم، جىم - جىرت، جاسىل جەلەك جامىلعان كونە تۇراعىندا، شي جينپيڭ مەن رۋان فۋجۇڭ اعاش ساياسىنداعى كونە جولدا جۇرە ءجۇرىپ اڭگىمەلەستى، ءتوراعا ماۋ زىدۇڭ، ءتوراعا حۋ جىميڭ سياقتى ەكى ەلدىڭ اعا بۋىن باسشىلارىنىڭ دوستىق بارىس - كەلىسىن تەرەڭ سۇيىسپەنشىلىكپەن ەسكە ءتۇسىرىپ، جۇڭگو مەن ۆيەتنام حالقىنىڭ ەرەكشە ىنتىماعىن، دوستىعىن قۋانىشتى بەينەدە ەسكە الدى.   سول كۇنى شي جينپيڭ ءتوراعا حۋ جىميڭنىڭ قابىرىن قۇرمەتپەن كورىپ، گۇل شەڭبەر قويدى.  

 جۇڭگو جاقتان كەلگەن ساپارلاستارىنان ديڭ شۋەشياڭ، ليۋ حى، ياڭ جيەچى قاتارلىلار، ۆيەتنام كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، ورتالىق كوميتەت شۋجيچۋىنىڭ ۇنەمىلىك ىستەرگە جاۋاپتى شۋجيى، ورتالىق تەكسەرۋ كوميتەتىنىڭ مەڭگەرۋشىسى چىن گوۋاڭ، ۆيەتنام كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، ورىنباسار زۇڭلي، سىرتقى ىستەر مينيسترى فان پيڭميڭ، ۆيەتنام كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، ورتالىق كوميتەت شۋجيچۋىنىڭ شۋجيى، ورتالىق كوميتەت ۇگىت - تاربيە ءبولىمىنىڭ باستىعى ۋ ۋىنشاڭ، ۆيەتنام كوممۋنيستىك پارتياسى ورتالىق كوميتەتى شۋجيچۋىنىڭ شۋجيى، ورتالىق كوميتەت كەڭسەسىنىڭ مەڭگەرۋشىسى رۋان ۋىننيان قاتارلىلار جوعارىدا اتالعان قيمىلعا قاتىناستى.

ءان الەمى

جول توسىلىپ قالدى

تۇلپارىم