باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

مەملەكەتتىك كەڭەس ءوندىرىس حاۋىپسىزدىگى كوميتەتى باعالاۋ گرۋپپاسى اۆتونوميالى رايونعا ءوندىرىس حاۋىپسىزدىگى جونىندەگى باعالاۋ پىكىرىن اڭىس ەتتى

    كەلۋ قاينارى: شينجياڭ حالىق راديو ىستانسياسى    2018-01-12 12:16:32  
ستانسيامىزدىڭ حابارى: 11-قاڭتار «مەملەكەتتىك كەڭەس ءوندىرىس حاۋىپسىزدىگى كوميتەتىنىڭ اۆتونوميالى رايوننىڭ ءوندىرىس حاۋىپسىزدىگى قىزمەتىن باعالاۋ جونىندەگى اڭىس ەتۋ ءماجىلىسى» ۇرىمجىدە اشىلدى. مەملەكەتتىك كەڭەس ءوندىرىس حاۋىپسىزدىگى كوميتەتى 6-رەتكى باعالاۋ گرۋپپاسىنىڭ باستىعى، اۋىل شاۋاشىلىعى مينيسترلىگىنىڭ اعا مال تەحنيگى ما ايگو اۆتونوميالى رايونعا باعالاۋ پىكىرىن اڭىس ەتتى. اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر ءماجىلىستى باسقاردى، ءارى ءسوز سويلەدى.
4-قاڭتاردان 11-قاڭتارعا دەيىن، باعالاۋ گرۋپپاسى مالىمەتتى تىڭداۋ، ماتەريال كورۋ، ۇستىندە تەكسەرۋ، جان-جاقتىلى ءنومىر قويۋ سياقتى تاسىلدەر ارقىلى، رايونىمىزدىڭ 2017-جىلعى ءوندىرىس حاۋىپسىزدىگى قىزمەتىن ۇستىندە باعالاپ، بايىنعولىن وبىلىسى، سانجى وبىلىسى سياقتى ايماق، وبىلىس، اۋدان-قالالاردى جانە بايىنعولىن وبلىستىق چينحۋا ونەركاسىپ ساۋدا شەكتى جارنا جاۋاپكەرلىك سەرىكتەستىگى سياقتى 6 ءوندىرىس تيجارات ورنىن ۇلگى الىپ تەكسەردى.
باعالاۋ گرۋپپاسى بىلاي دەپ قارادى:اۆتونوميالى رايوندىق پارتكوم مەن حالىق ۇكىمەتى ءوندىرىس حاۋىپسىزدىگى قىزمەتىنە وسكەلەڭ ءمان بەرىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، وسكەلەڭ ساياسي سانالىلىق جانە كۇشتى بورىشتىلىقپەن، پارتيا ورتالىق كوميتەتىنىڭ، مەملەكەتتىك كەڭەستىڭ شەشىم-ورنالاستىرۋلارىن مۇقيات دايەكتى تياناقتاندىرىپ، ءوندىرىس حاۋىپسىزدىگى قىزىل سىزىعىنا قاتاڭ بويسىنىپ، حاۋىپسىزدىك جاۋاپكەرلىگىن كۇشەيتىپ، حاۋىپ-قاتەردەن قاتاڭ ساقتانعاندىقتان، وتكەن جىلى ورەسكەل شىرعالاڭدار تۋىلمادى، اۆتونوميالى رايون بويىنشا ءوندىرىس حاۋىپسىزدىگى جاعدايى ۇدايى ورنىقتى جاقسارىپ، قوعام ورنىقتىلىعى مەن باياندى تىنىشتىقتى قورعاۋ ءۇشىن بەلسەندى ۇلەس قوستى. سونىمەن بىرگە، باعالاۋ گۋپپاسى رايونىمىزدىڭ ءوندىرىس حاۋىپسىزدىگى قىزمەتىندە ساقتالعان ماسەلەنى دە العا قويدى، ءارى كەزەكتەگى ءوندىرىس حاۋىپسىزدىگى قىزمەتىن ويداعىداي ىستەۋ جونىندە ناقتىلى ۇسىنىستار بەردى.
شوكىرات زاكىر بىلاي دەپ اتاپ كورسەتتى: وسى رەتكى باعالاۋ-پارتيا ورتالىق كوميتەتىنىڭ، مەملەكەتتىك كەڭەستىك ءوندىرىس حاۋىپسىزدىگى قىزمەتىن كۇشەيتۋدەگى ءتۇزىم جانە مەحانيزمدەگى جاڭالىق بولدى، شي جينپيڭ جولداستى ۇيتقى ەتكەن پارتيا ورتالىق كوميتەتىنڭ ءوندىرىس حاۋىپسىزدىگى قىزمەتىنە وسكەلەڭ ءمان بەرۋ جانە ءوندىرىس حاۋىپسىزدىگى جاۋاپكەرلىگىن تياناقتاندىرۋدى مىقتى يگەرۋدەگى بەرىك بەكىمىن تولىق ايگىلەدى. رايونىمىزدىڭ جەر-جەرى، تاراۋلارى «4 تانىمدى » كۇشەيتىپ، باعالاۋ گرۋپپاسىنىڭ اڭىس ەتكەن پىكىرىن مۇقيات سالىستىرىپ، ءبىر-بىرلەپ رەتكە سالىپ، جاۋاپكەرلىكتى ايقىنداپ، ءتارتىپتى قاتاڭداستىرىپ، باتىل پوزەتسيا، ءونىمدى شارا، پارمەندى كەپىل ارقىلى قىزمەتتى ويداعىداي مىقتى يگەرۋى كەرەك.
شوكىرات زاكىر بىلاي دەپ باسا دارىپتەدى:جەر-جەر، تاراۋلار پارتيا 19-قۇرىلتايىنىڭ رۋحىن مۇقيات ۇيرەنىپ، دايەكتىلەندىرىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، حاۋىپسىز دامۋ تانىمىن بەرىك ورناتىپ، ءوندىرىس حاۋىپسىزدىگى جاۋاپكەرلىگىن جاپپاي تياناقتاندىرىپ، حاۋىپسىزدىكتى باقىلاۋ-باسقارۋ ءتۇزىلىس مەحانيزىمىن كەمەلدەندىرىپ، ءوندىرىس حاۋىپسىزدىگىن زاڭ بويىنشا وڭاۋدى ىلگەرىلەتىپ، حاۋىپسىزدىك جاعىنداعى ەكى جاقتىلى ساقتانۋ مەحانيزمىن كەمەلدەندىرىپ، ءوندىرىس حاۋىپسىزدىگى نەگىزىن بەكەمدەۋ جاعىنا كۇش سالىپ، ءوندىرىس حاۋىپسىزدىگى قىزمەتىنىڭ جالپى تۇلعالىق دەڭگەيىن ۇزدىكسىز جوعارىلاتۋى كەرەك. وسى رەتكى باعالاۋدى وراي ەتىپ، نازاردى قوعام ورنىقتىلىعى مەن باياندى تىنىشتىق باس نسىاناسىنا اناعۇرلىم شوعىرلاندىرىپ، بيىلعى ءوندىرىس حاۋىپسىزدىگى قىزمەتىن كۇش سالا ويداعىداي ىستەپ، رايونىمىزدىڭ ەكونوميكاسى مەن قوعامىنىڭ دامۋىن بەرىك حاۋىپسىز كەپىلمەن قامتاماسىز ەتۋى كەرەك.
ءان الەمى

جول توسىلىپ قالدى

تۇلپارىم